السلام عليكم ورحمة الله وبركاته...
ملحمة الاساعدة قرأتها واحببت نقلها و هي قصيدة قالها الشيخ المؤرخ الشاعر: منديل بن محمد ال فهيد الاسعدي وقد قالها في مناسبه خاصة ولا اعرف ماهي هذه المناسبة الا انه ممكن ان يستشف ماهيتها من سطور هذه القصيدة .
يقول مـن بعـض الامـور حـداه=على القيل باسبـاب يطـول مـداه
لو اذكر الاسبـاب طولـت شرحهـا=أو زادهــا هــذا لـــذاك رواه
ما اعد نفسي شاعر مع هـل العـدد=احفظ مثـل وافهـم بعـض معنـاه
مـا قلتهـا وافـد ولا هـي تغـزل=ولا اعيـل والمخطـي نعـد خطـاه
والقيل به واضح وغامض ومشتبـه=معنى المثل في بطـن مـن سـواه
أرى كل شاعر قـوم يمـدح قبيلتـه=أيضـاً يصـادم بالجـواب عــداه
وانا من الهيلا هل الفعـل والظفـر=لـو عـد عشـر افعالهـم كـفـاه
تشهد لهـم ساكنـة البـر والبحـر=ومعـارك غطـا الجـبـال سـنـاه
من أولاد روق اللي عريبٍ ساسهـم=وبرقا وهـم جسـم كمـل بأعضـاه
هيـلا تهايـل بالفعايـل والـعـداد=برقـا وروق مـن أولـه لا تــلاه
ولزمهم بالجـار والوجـه والخـوي=ومن لـه لـزم مـن الجميـع أداه
سكنا رهاط وبـه تركنـا غروسنـا=رهـاط المسمـى بالحجـاز ربــاه
اساعـدة جينـا مـع أولاد عمـنـا=احـفـاة وسمـيـري ومــا والاه
تفرقوا فـي نجـد حضـر وباديـة=وكثيرهـم بـأرض العـراق نصـاه
اساعدة بأرض الحويقـة وغيرهـا=خذوهـا بفعـل مـا عطـوا مـداه
ومسامير منا أهـل عنـان وفـرس=مـع الظفيـر مدلهـة مـن جــاه
لوهـم قريـب نفتخـر بافعالـهـم=لا شك فـي بعـد الوطـن مجفـاة
بعضهم بنجد بـداة تشهـر فعولهـم=سميري عددهم واسعـدي واحفـاة
عددهـم قليـل وبينتهـم فعولـهـم=معـارك تسجـل والنشيـد أحـيـاه
لقـوة مسيميـر وشمـر وغيرهـن=والصدق تشهـد بـه كثيـر عـداه
اساعـدة يـا سعـد منهـم ربعـه=اقطـع مـن الهنـدي بحـد سنـاه
جنوبنا الزلفـي شهيـر مـع المـلا=واللـي يعاندهـم يضـيـع جــداه
فـروع عربـان وصـاروا قبيلـة=وسما ذكرهـم حتـى العـدا تـدراه
من يعتزي بجريس في كـل ديـرة=من كثرهم يصعـب علـي احصـاه
منهم من السلمان جو فـي عنيـزة=هـم والذكيـر بشـهـرة تـزهـاه
أيضاً حمد وحمـود وهـم الشايـع=وملحم مـع الراشـد فعـول وجـاه
جو بالكويـت وسجلـوا بـه طايـل=يستاهـل النومـاس مـن شــراه
اللي يريـد الطيـب دربـه واضـح=واهل الـردى عسـر لهـم مرقـاه
وبني عمنا الفوزان جو فـي بريـدة=هم والرشـود وجـا مـن زعمـاه
ضحيان والقناص هـم والصقـري=كـل لمـا قــدم يـنـال جــزاه
انشد وتلقى الاسعدي فـوق ذكرهـم=مـع اولاد علـي مدمـرة لـعـداه
ومنا سكن بقعـا هـي أول بلادنـا=بنـوا بهـا مجـد وطــال بـنـاه
يا كثر مع زايـد كرمهـم شجاعـة=مواريـث جـد مــن ولاه بـنـاه
ومنا القعيد والمويشيـر قـد ربـوا=مـع لابـة مـدح العـرب يزهـاه
هل الجوف اهل فعل وجو من خيارهم=ورجا المشتهر ما احد ينـول حمـاه
سطا على المنصوب ماهـاب قوتـه=غيـرة مواطـن والسطـار حـداه
والاسياح كله ما انسل الجد صالـح=وراشد بظنـي هـو كبيـر ضنـاه
نزل بعلقة من عقب سكنا المجمعـة=وأكبـر عيالـه رحــل وابــداه
مع الطوالـة قيـل عشـر يزيـدن=سنين وهم في قصـرة مـا احـلاه
تبادلـوا بالطيـب وأكبـر مـاقـف=حصار الحريب اللـي زمـوا بنحـاه
هل الفعل والنوماس والطيب والصخا=عزوتهـم الهـدلا يــزاد ثـنـاه
وعقب الطوالة قاصروا لابـن نملـة=علـى البـرود ومنـه تـم شـراه
واستكملوا باقـي التنومـة بالثمـن=وزاد البـلاد وساعـفـت دنـيـاه
وتفرقـوا منهـا بالاسيـاح كلـهـا=باملاكهـم كــل تـبـع مشـهـاه
وصـاروا مداهيـل لركابـة النضـا=وشمخ ذكرهم حتى البحـور عـداه
وشمالنا ابـا الـدُّود زراعـة الثنـا=دنيـا وديــن والالــه سـقـاه
بنو عمنا نفـرح الـى عـد فعلهـم=حنـا وهـم يمنـى وذي يـسـراه
امـا حنيظـل بـه نـوادر خوالـد=واللـي مدحهـم مقتـدي مـا تـاه
معهم من المطران وعنـوز مثلهـم=كــل نـقـل حمـلـه وزاد وراه
وبالاسياح من كـل القبايـل نزايـع=فـروع وحمايـل فعلهـم شفـنـاه
سلوا عن بدايدهـم وحنـا نودهـم=كـل مـن الثانـي يزيـد غــلاه
وبني عمنا بطريف غربـي بلادنـا=ريف لمـن جـوع المحـول وطـاه
بـذارة المعـروف حرابـة الـردى=في وقت من صـاد الجـراد شـواه
ومنهم الخمشة اللي ربوا مع جدودنا=قالـوا بنـا مـدح يلـوح ضــواه
راع الطيب نمشي له على قد طيبـه=وراع الـردى اللـي مرخصـه رداه
ايضاً الهجر معنا جهدهـم وعدهـم=منـا وحنـا مـا وطــوا نـاطـاه
مطير وعنـوز ومـن حـرب لابـة=يـا وي قصـرة جنسهـم تشهـاه
كل العموم أجنـاب واليـا تقاربـوا=غدوا مع بعضهم كاللبـن مـع مـاه
أساعدة وسمه على الهجـن حلقـة=واللي خلطهـم يـا سمـه برضـاه
من روس واعيان أي دار ربوابهـا=سنـان القنـا مفهـوم هـو مبـداه
أساعـدة هـذي موقـع ديـارهـم=واللـي نشـد عـن طيبهـم يلقـاه
شجعـان كرمـان يعـزون جارهـم=مداهيـل ذا خـاطـر وذا يقـفـاه
امـا فهيـد ارث محمـد واخـوتـه=هـم الفهيـد ونفتـخـر باسـمـاه
عبد العزيـز اللـي تومـر عقبـه=واخـوه عبـد الله مشـا ممـشـاه
وبنيخيهـم المنديـل هـم والعامـر=وكل الجماعـة مـا وطـوا تاطـاه
حاموا على الديرة بعسره ويسرهـا=إلـى اليـوم ذا مـا بدلـوا سكنـاه
واما محمـد عقـب خونـة ثوينـي=بلدهـم وكهـال الـرجـال افـنـاه
نزح للعراق وعاد منها على الوطـن=كمـا قيـل كـل عـايـد مـربـاه
وعطا العين له عبد العزيز المحمـد=واللي حكـم بعـده عطـوا بعطـاه
بدا حفرها وأسس بناها على الصخا=بداهـا وحيـد وساعـده مــولاه
بـزروع وربـوع يبالـغ بكثرهـا=ورقيـق يامرهـم علـى مشـهـاه
شهد له مهلهـل بالنشيـد وغيـره=سجـل لـه التاريـخ ليـن مــلاه
وحبوه من عرفوه حضـر وباديـة=على كثر مـا ينفـق وزيـن نبـاه
وارث عيالـه اربعـة مثـل فعلـه=يني خـي السبيلـة ذا لـذاك لـداه
ومعهم بني خيهـم ضنـا عبـد الله=الجـد واحـد والفـعـول اشـبـاه
وعيال العيال اللـي تـورخ فعالهـم=كـل تـحـوش الطايـلـة يمـنـاه
وتراوحـت رسـم الامـارة بينهـم=من صار منهم مـا يحـوش افنـاه
قنـوا مماليـك وجيـش واصاليـل=خيـل عريـب ساسـهـا وغـيـاه
مماليكهم ساووا بهـم مثـل نسلهـم=وهـم اخلصـوا كـن العمـام أبـاه
قنوهم بحشمة واعقوهم بـلا ثمـن=كـل علـى الـرب الالـه جــزاه
وغزوا مع آل سعود بالمال والجهـد=بجيـش وخيـل مركميـن غــذاه
وزكايا لبيت المـال الـوف مولفـة=بدفاتـر يـقـرا اولــه واتــلاه
وجهـاد بنقـود تساعـد بوقتـهـا=على الاصل واهـل كدادتـه معفـاة
ندافع مع آل سعود بالمـال والجهـد=والصدق يشهـد لـه علـى طريـاه
الصدق مثـل النـور مـا ينتغطـى=مـا يقـدر المغـرض يفـل غطـاه
اللي يريد الصدق ينشد هل البخـت=يعـدون شـي مـا بـعـد قلـنـاه
والنـاس كـل لـه فعـولٍ قديمـة=وان عـدهـا الـهـراج صدّقـنـاه
واللي حـداه القـل والعسـر يعـذر=جود الفتـى بالوجـد مـن مـولاه
واللـي لـه افعـال قديـم يعـدهـا=هـل القـرى كـل يعـرف اخــاه
بالناس من حصّل جميلٍ على القصى=يـوم أن الاكثـر يكْهلـه عـشـاه واليوم من فضل الولي كـل اغتنـى=الفـرق بالحاجـة عـلـى مـبـداه
ما تطلب الما وانت بالسيـل ماشـي=كل شرابـه مـن تحـت مـا طـاه
عسى الله يعز حكومة وفـرت لنـا=كـل المعـانـي نشـكـر الالــه
حق لها نخلص وندعـي لـه البقـا=والعـروة الوثقـى نشـد عــراه
ماني بحال اللـي يعـارض وينتقـد=قصـده نغـر والا حــداه هــواه
أن كان هو كفو من الـراس أقابلـه=بالصدق وان صـح الغلـط نمحـاه
وان كان هولاش دوا اللاش تركـه=ولانـي مطـول للطقـاق عـصـاه
قبل الختام استغفر الله عـن الزلـل=رب كـريـم كـلـنـا بـرجــاه
والدين راس المـال والعمـر فانـي=واللـي عمـل خيـر وشـر لقـاه
هذا وصلى الله على صفـوة المـلا=عـداد مـا هـل السحـاب بـمـاه
ملاحــــــــــظه :
الحق الكاتب ان القصيدة لم تغطي كل العوائل ولم يكن للشيخ مقصد ان يلم الجميع بل كان التركيز كما هو ملاحظ على اساعدة منطقة القصيم والزلفي والاشارة الى الجوف وبقعاء لذا هناك الكثير الكثير من عوائل منطقة بقعاء والتي يصل عدد سكانها الى حوالى 35 الف نسمة وغالبيتهم الساحقة اساعدة لم يشر لهم الشيخ . فالقصيدة لم يكن صاحبها والله اعلم يريد ان يسرد اسماء العوائل اكثر من رغبته لتوضيح المعالم الرئيسية للعشيرة من امجاد واماكن وانتماء .
م ن ق و ل
| التوقيع |
شكر خآص للأخ العزيز (سمي جدي) ,,,
للتواصل,,,
hail-osaimi@hotmail.com
الفيس بوك : هايل العصيمي
انستقرام : hailosaimi
تويتر : AlHooL@ |
« آخـــر الـــمـــشـــاركــــات »
13-Oct-2008, 12:53 AM
الملحمة الاسعديه ...!
العرض العادي
