أفضل ماقاله الشاعر مطلق الثبيتي رحمه الله

[أبوفيصل]

السلام عليكم ورحمة الله وبركاته
هذه القصيده اخر قصيده للشاعر مطلق الثبيتي رحمه الله وهي بحق افضل ماقاله ومن افضل ماقيل في صفات القبيله المثاليه من وجهة نظري المتواضعه

رحم الله قائلها واسكنه فسيح جناته
اترككم مع الابيات لتستشعروا الحكم الموجوده في كل بيت

أخوكم ابوفيصل

[poet font="Simplified Arabic,5,blue,normal,normal" bkcolor="transparent" bkimage="backgrounds/11.gif" border="ridge,7,darkred" type=2 line=200% align=center use=ex length=0 char="" num="0,black" filter=""]
أختار سمحات الدروب النظيفة = أللي غسلها رايح المزن برشاش
يمشونها قوم النفوس الشريفة = أللي ضمايرهم نقية كما الشاش
بيوتهم مثل القصور المنيفة = ماهي لطير البوم غيران وأعشاش
وإحلالهم للضيف دايم مريفة = لو رجلهم يسرح ويضوي على ماش
والرجل منهم مايخلي رديفة = إن مات غيره مات وإن عاش له عاش
وإن مات منهم رجل عقب خليفة = يطعن نحور القوم ويرد الأدباش
يعرف هدف روحه ويعرف وليفه = مايعرف الخونه ولاهو بغشاش
وإليا رزقه الله بعذراُ عفيفة = يحطها مابين نونه والأرماش
ماهو على الخفراات يستل سيفه = وليا طالعوه الرياجيل ينحاش
حلو النبا سمح المحيا لضيفه = ويصير له خادم مسخر وفراُش
وإن مد مامدية يمينه قصيفة = مدة يمينه تبهر الخبل واللآش
وليا هرج تلقى علومه طريفه = ماهو لهفوات المناعير منقاش
وإن شبت النيران ماهو بليفه = في ساعة الكربة سواري ورشاش
سدة بعيد ولاحد يلحق غريفة = ماهو لعرض مكرم العرض نهاش
الشوك في جنبه سواة القطيفه = إن كان مله بيت مامون وفراش
مايرتكي فوق الخبول الضعيفه = اللي ليا حركتها قدرها طاش
وصحيفته ياطيبها من صحيفة = إلها مع العقال كاتب ونقاش
حاز المراجل والمراجل كليفة = ألا على إللي كل مارامها هاش
وإن شاف له في جانب القوم خيفة = تلقاه للخيفه مهاجم وبطاش
الصدق والمعروف والطيب كيفه = يغبش لها مع طلعة الفجر مغباش
للحمل ماتلقى جنوبه ضعيفة = حوله بروق تبهر العين وإفلاش
يصبر على جرحه ويمسح نزيفه = طبه بشبه خير من طب الأحباش
ولاهو كما سبع سنونه ضعيفه = دايم يلحسها وللعظم عراش
وإن شاف له في غيبة الناس شيفه = ماهو بخبل لأخضر العود قراش
دنياه لن صارت ذلول عسيفه = طوع عليها كل عاصي ونفاش
وإن كان قفت ماعليها حسيفة = ماهو ورا هوج المعاصير قشاش
وإن جاع ماوقع كما طير جيفه = وإن عري مايلبس سماليل وإخياش
وإن جا نهار كل قرم يعيفه = ماهو ليا ثارت على القوم رماش
الكذب معروف بين الأجواد زيفه = والصدق مثل السيف صاطي وحشاش
[/poet]

[وصل العطياني؟؟؟]

تعديل:

وإن هـــرج تـلـقـى عـلـومـه iiطـريـقــه

وليا هرج تلقى علومه طريفة .


يعطيك العافية " أبو فيصل "
إختيارك أقل مايقال عنه رائع ...
قصيدة من شاعر علم ...
رحمه الله وأسكنه فسيح جناته...


تحيااااتي.

التوقيع

na111na@hotmail.com

[أبوفيصل]

مشكور أخوي وصل ونتشرف بمرورك على الموضوع
وياليت الآخ المشرف يقوم بالتعديل
وتحياتي

[الصارم00]

الله يرحمه ويسكنه الجنه

[وصل العطياني؟؟؟]

ولا يهمك يابو فيصل ..

أنا أقوم بالتعديل ...


وإن شاء الله يعجبك ..




تحياااااااااتي.

[أبوفيصل]

جزاك الله خير
ياليت تحذف الرد الثاني لأن ماصار له داعي

شكرا

[داهية عتيبة]

اللة يرحمة

وهناك بيتين لة أعجبتني وياليت لو أحصل على القصيدة كاملة
يقول الله يرحمة :

ياناقش الحنا على صفحة اليد ... حبك نقشتة في ضماير فؤادي
على قفا يمناك حاني ومسود ... وانا على عيني سوات السوادي

اللة يعطيك العافية أبو فيصل

تقبل تحياتي

[أبوفيصل]

ابشر بسعدك
قريبا ستجدها امام ناظريك ياداهية عتيبه

[أبوفيصل]

سم ياداهية عتيبه
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
ياناقش الحنا على صفحة اليد = حبك نقشته في حنايا فؤادي
على قفا يمناك حاني ومسود = وانا على عيني سواة السوادي
ويفوح من ردنك كما العود والند = ولاٌ شذا ورد على جال وادي
قض الشعر خله على المتن يمتد = حتى يقيدني ويحكم قيادي
تمزح وتلعب بي وهمي على جد = مثل الزمان اللي يدور عنادي
من كثر لعبك ماعرف الوصل والصد = ولا اعرف ان الوعد وعد وكادي
تحكم بلد ماتاخذ الشو من حد = تحكم بلد ربعك وتحكم بلادي
تاخذ مع العشاق مشوار وترد = مثل الكحيلا في نهار الطرادي
انا احسب ان القلب تايب عن الود = واثره مع العشاق تايه وغادي
قفيت مير الطرف مشغول ويلد = يمك مفرقته دموع جدادي

[/poet]

[أبو راكان]

اولا مشكور ياأبوفيصل
ثانيا : رحم الله مطلق وأسكنه فسيح جناته .