من له خاطر.... يخاطر (طاروق جديد)

[زياد المزرمي]

مساكم الله بالخير

طاروق جديد

والطارف يقرب


[

سلام ياعتيبه الهيلا نطقها الضمير = اقولها عن هل الوقفات ربعي مطير
اهل الفخر والسيوف الحدب واهل القنا = العزوه اللي ماذاق النوم حرابها
واللي يبا اللعب ياعتيبه يقرّب هنا = النار حيه وانـا ياقـوم شبابهـا

التوقيع

عز الله اني فالوصل ماني بشي !! = ولا الحقوق .. اقولك عد واغلط !! دام المواجه حظ .. ويحالف الحـي = لابد مايحصل ( هلاوين وإقلـط ) زيـاد الـمـزرمـي ziadsm@windowslive.com

[عبد العزيز العضيــاني]

يالشطيطي


وش هالعلم الله يهجد ابليسك
الربع مارد منهم احد وقلت لاتروح بيوته بلاش

يامرحبا يالشطيطي عد ما طار طير=احسب حسابك ترى وضعك غريب وخطير
يصاحبي والطنا لا جات قصة طنا=الله يعز الذي قدامنا جابها
والضو لا شب شفنا له شعاع وسنا=ونار الشطيطي ورى ماشيف مشهابها

[الرشيدي]

بيض الله وجيهكم

وصح الله السنتكم

واصلوااا ياقوم

[سهم الليل]

المشاركة الأصلية كتبت بواسطة بحر جده

يالشطيطي


وش هالعلم الله يهجد ابليسك
الربع مارد منهم احد وقلت لاتروح بيوته بلاش

يامرحبا يالشطيطي عد ما طار طير=احسب حسابك ترى وضعك غريب وخطير
يصاحبي والطنا لا جات قصة طنا=الله يعز الذي قدامنا جابها
والضو لا شب شفنا له شعاع وسنا=ونار الشطيطي ورى ماشيف مشهابها

صح لسانك يالكفو وصح لسان الشطيطي

واصلو ومتعونا

[زياد المزرمي]

المشاركة الأصلية كتبت بواسطة بحر جده

يالشطيطي


وش هالعلم الله يهجد ابليسك
الربع مارد منهم احد وقلت لاتروح بيوته بلاش

يامرحبا يالشطيطي عد ما طار طير=احسب حسابك ترى وضعك غريب وخطير
يصاحبي والطنا لا جات قصة طنا=الله يعز الذي قدامنا جابها
والضو لا شب شفنا له شعاع وسنا=ونار الشطيطي ورى ماشيف مشهابها

هههههههه

بيض الله وجهك يا بعدي وانت تحريبها

دام البقا يالعضياني وليلك بدا = واكرب حزامك مادامك داخل المنتدا
انا اشهد انه على نفسه وربعه جنا = بعض الاوادم مايعرف يحسب حسابها
لا تقول للموت قرّب وانت موتك دنا = يازينها من على علباك مضرابها

[زياد المزرمي]

الرشــــــيدي

سهـم الليل

صح ابدانكم

واشكركم على المتابعه

تقبلو مروري واحترامي

[عبد العزيز العضيــاني]

لاوالله الا هواين جعلكم تسلمون=مكرب حزامي خصوصٍ قدم حمر العيون
وكان الشطيطي قدر يعلي على روسنا=ترى الحمامه يطيح الصقر باسبابها
الموت بامر الولي والشكر له والثنا=ومضرابها فيك وانته والله اولى بها

[عبد العزيز العضيــاني]

الرشيدي

سهم الليل

حياكم الله

ومنورين الصغحه

وصحت ابدانكم

[زياد المزرمي]

المشاركة الأصلية كتبت بواسطة بحر جده

لاوالله الا هواين جعلكم تسلمون=مكرب حزامي خصوصٍ قدم حمر العيون
وكان الشطيطي قدر يعلي على روسنا=ترى الحمامه يطيح الصقر باسبابها
الموت بامر الولي والشكر له والثنا=ومضرابها فيك وانته والله اولى بها

خلووووها

اتقول لي هيّنه وانته كربت الحزام = اتناقض النفس لاكن ماعلاك الملام
الخوف في قلبك النباض لامن بنا = ادنات حاجه حرام انك تبا تهابها
يبقى الولي والاوادم كلها للفنا = وانته نهايتك بأمر الله وانا اسبابها

[عبد العزيز العضيــاني]

ياصاحبي لاتخبط فالهروج انتبه=كم واحدٍ قبلك ليا جاء نتفت شنبه
وخصيمنا بالمنام ابشرك ماهتنا=ولا خاف من ربعكم لو تفتل اشنابها
والساريه مانبيها ياعرب كلنا=وكلمتك هذي وشنهو موقع اعرابها