 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
 |
| أدوات الموضوع | انواع عرض الموضوع |
|
|
|
|
12-Mar-2004, 10:37 AM
|
رقم المشاركة : 1 | |||||
|
بن سجوان و ابن عون و ابن حثلين وابن سرور ....ألخ
السلام عليكم ورحمة الله وبركاته
ذي بعض قصايد شعراء لهم بصمه بساحة الشعر وان شاء الله تنال على اعجابكم قصيدة بن سجوان من الروسان عتيبة في آل عاصم من قحطان عندما شدو (( رحلوا )) وقت الصفري وكان على رأس آل عاصم الشيخ خالد بن حشر والشيخ عبدالرحمن بن حشر رحمهما الله جميعا شدوا متيهة الدبش ترث حلاف - دن الرحيـل ونوهوا بالمحالي يازين زم ضعونهم تتلى الأسلاف - وستجنبوا قب سوات السيالي خلوا هوانا واتبعوا حم الاشعاف - حرز لها من ناقـضين العمالي ياما رعوا من فاطر نيها ارداف -- في مربع ماسـوم اول وتالي وكم من عقيد هابها عقب ما شاف - ومهبـلين ضـدهم بالفعالي يتلون شيـخ للمناعير عسـاف - لا جالها في صحصح اجـتوالي ياليتني بالذكر ماصرت عـراف - أيضا ولا شامجتهم بالـمجالي لا جيت مجلسهم تقل دولة اشراف - وتلقى شرايعهم شـروع الشمالي يا ما قنوا من كاعب مالها اوصاف - ماحصلوها مكـثرين الريالي -- الشاعر عبدالله بن عون يامل قلب يسج وفيه دولاجــــــــــــه من هاجس بالضمايرقام يدرجـــــــها في معزل عن جميع الخلق وازعاجه ما اسمع من الناس لوتكثر لجـالجها ماغير اهوجس تقول مضيع حـــــاجه آخذ واسند على روحي واهرجــــها وادوج لوكان مارجلي بدواجــــــــــــه ادلّه النفس لين الله يفرجـــــــــــــها يالله يالي بيدك الضيق وافراجــــــــه ياخالق الخلق ياقاضي حوايجـــــــها تفرج لعين الذي أغفت بســــوهاجه تجهز عليها الطواري لين تزعجــــــها بالصدر ضيقه ونوم العين هـــــملاجه عيني من العام والسهر متولـــــجها نوب سهرها شديد ونب نهاجـــــــــه ومر تكن الدموع ومر تزعجـــــــــــــها عليك ياللي بقلبي كن وهاجـــــــــه وهاج نار هوى الغربي يسارجـــــــها أبو ثمان تشاد اللولو لعاجـــــــــــــــه كن البرد يوم يضحك في مفالـــــجها ياروح روحي وجرح القلب واعلاجـــه الطف بحال عليك الهم ساهجــــــها قلبي يناجيك بسلوب الهوى .. ناجه يشكي لك الحال داخلها وخارجـــها اما التفت لي وتم الوصل بمواجـــــه والا بلا عشرة هذي نتايجـــــــــــــها وش ينفعك من حنين القلب وخلاجه وجروحي اسبابها انت ولا تعالجـــها --- راكان بن حثلين يا محلا الفنجال مع ســـــــــــيحة البال في مجلس ما فيه نفس ثقـــــــــــــيله هذا ولد عم وهذ ولد خـــــــــــــــــــــال وهذا رفيق ما لقينا مـــــــــــــــــــــثيله يابو هلا طير الهوى خبث الــــــــــــــبال طبعه خبيث والحباري قلـــــــــــــــــيله يا الله يااللي طالبه مابعد قـــــــــــــــال يا اللي من الضيفان ينجي دخـــــــــيله افرج لمن قلبه غدا فيه ولــــــــــــــــوال والنوم ما جا عينه الا قلـــــــــــــــــــيله لامن ذكرت رموس عصر لـــــــــــــنا زال شوف الفياض وفقد عز القبـــــــــــــيلة يا زين شدتهم ليا وزع المـــــــــــــــــال يتلون براق تلالا مخــــــــــــــــــــــــــيله يتلون براق سمر يشعل اشــــــــــــعال تلقا التريبي فايض عقب ســـــــــــــيله يسقي خسيفا والثمان أرهمه ســــال مرتع معطرة السيوف الصقــــــــــــــيله ممن حمو الساقات إلى السف همال وينوش حسنا والرديفه مـــــــــــــــثيله فإن قادنا من يمة القفر خــــــــــــــــيال يصبح شديد البدو عجل رحـــــــــــــيله قاد السلف واستجنبوا كل مـــــــشوال وبالقصر يامحلا تخبط نـــــــــــــــــــــزيله فإن شرف البادي على روس الأقــــذال والمال كثرالزوال مخمى جــــــــــــفيله تلامحت مابينهم شهب الأديــــــــــــــال ومن ضيع المفتاح وا عزتـــــــــــــــي له وكبوا على طوعاتهم كل عـــــــــــــــيال كل أبلج يحري بكب الثقـــــــــــــــــــيله تغازو بفزاع ذربين الافـــــــــــــــــــــــعال من قبل سبق غارته تنشني لـــــــــــه يبغون طوعة روسهم حين الارمـــــــــال تغزو والخلق كثير هجــــــــــــــــــــــيله إن جا الحكى من دون عطرات الاجهال مرو ولحقو مقحمين الذبـــــــــــــــــــيله واللي تثنوا كلهم تلبس الـــــــــــــشال ومن صنع دواد لبوس ثقــــــــــــــــــــيله لزم عليهم علة عقب الانـــــــــــــــــهال ومن غارته لزم يضيع دلــــــــــــــــــــيله والدم من قحص الرمك يثـــــــمل اثمال يزعج على اوراك السبايا وشــــــــــيله هذيك براعيها من المعرفه مـــــــــــــال وهذي ثكلها مطرق ما تشــــــــــــــيله من وقع كل مقرنس قد له أفــــــــــعال وفروخ صادن الحباري فضـــــــــــــــــيله --- الشاعر المرحوم الأمير : محمد السديري لولا الهرم والفقر والثالث الــــموت يالادمي بلكون ياعضم شـــــــــانك سخّرت ذرات الهوا تفهم الصــــوت وخليتها اطوع من تحرك بـــــــنانك جماد تكلمها وهي وسط تابـــــوت تاخذ وتعطي ما صدر من بــــــيانك وعزمت من فوق القمر تبني بيوت من يقهرك لوهو طويل زمـــــــــانك لولا الثلاث وشان من قّر الـــــفوت نفّذت كل اللي يقوله لــــــــسانك --------- قصيدة للشاعر بندر بن سرور رحمه الله ياسهيف الذرعان مانيب مـــــــــــرجوج رجتني الأيام غدر وحـــــــــــــــــــيله يابنت لولا اللي على تاسع الـــــــــفوج تركت نجد وعزوة بالقـــــــــــــــبيلة لاشك حاديني على نجد هـــــــــــادوج مسقي الفيافي لين يدرج مسيله تركي ليا من الليلي غدن عـــــــــــــوج حملة عتيبة كلها ماتشــــــــــــيله يرسي كما ترسي البواخر على الموج ومنين ماصك البحر يرتــــــــــــكيله مادام تركي حي مــــــــــــــــاودي أدوج وإن غاب غبت من الرجوم الطويلة ----- هذه قصيدة للشاعر الكبير سليمان بن شريم رحمه الله ينصح فيها إبنه يا مل عينٍ في محاجـــــــيرها شوك والقلب به عن لذة الــــــــنوم تكـــاك لا دك في قلبي من الهم داكـــــــوك جاوبت طربات الحمايم على الـــراك عزي لحالك يا عزيز وأنا ابـــــــــــــوك .كان الزمان اللي توطــــاني توطـــاك إفهم وصاتي يا عزيز وأنا ابـــــــــــوك .دامك صغير وغاية العــــــلم يقــــراك تراه ما ينــفعك خالك ولا أخــــــــــوك لا صار ما تقضي لزومك بيمــــــــــناك وربعك ليا بان الخلل فيك عافــــــــوك أقرب قريب ٍ لك من الناس يشــــناك إن كثر مالك صدقواّ لك وطاعــــــــوك وإن قل ما بيديك شانت حلايـــــــاك لو تطلب الما عندهم كان ما أسقوك إبعد مزارك عن وطنهم ومـــــــــرباك وإن طاب حظك صدقوّا لك وحــــــبوك وإن بار كلن ما يبي غير فرقـــــــــاك وإلا إعترض لك من صروف الـنيا صوك كلن تبرا منك ماهــــــوب ويـــــــــاك هراجة المجلس إلى جـــــــيت وروك منازل ٍ تطرب نظيرك بدنــــــــــــــياك وإللا قضى منك اللوازم وخلــــــــــوك تفرقوا وأنت إحتمل كل ما جــــــــاك كنك سراج البيت للنور شـــــــــــبوّك .وإلى إنقضى اللازم حدا الربع طفاك وألا كما ليمونة الحمض مصــــــــوك وإلا قضى منها الطعم فرغــــــــوا ذاك واللي يجي من رفقته ريب وشكوك إحذر عنه لياك تصدف بمـــــــــسراك وإلا جفوك أهل الوطن وإســـتخفوك قلّع غريسك منه وإهدم ركايـــــــــــاك تراك لو تنجع على الربع صــــــعلوك أحسن من اللي نلتجي به وياطـــــاك عطهم وضيفهم إلا منهم جـــــــــوك وإغلق ضميرك لا تعلم بقصــــــــــــياك إن طبت ما حبوّك وإن عبت زالــــوك تمضي حياتك ناقل ٍ داك بريــــــــــــاك وإلى نفوك إمن الوظيفه وعافــــــوك خفتّ موازينك وكلن تهــــــــــــــــقواك وإصحى لخلان الرخا لو تغـــــــــالوك إعرف ترى أطيبهم إلى إحتجت يجفاك كنك خوي مقيط دهووك وأغــــــووك وحقك عطاك رشاك وأقفى وخـــــلاك وإحذر عن العلة ترى الحق مـــدروك مثل العمل يدركك ما منه فكـــــــــــاك وإن كان عدوانك على الضيق حدوك فإخصم طلابتهم بعجفاك وقـــــــــداك وإن كانهم لمشرّف الحق ماشــــوك ناظر مطاليع الفرج قبل مـــــــــــــبداك وإن طاوعوا شيطان الأنفس وهانوك فإصبر على البلوى ودفنك رزايــــــــاك زرهم تراك إلـــــــيا تونــــيت زاروك إن ما بديت لصاحب السو يبـــــــداك ما دامهم ما طاوعــــوا لك وعرفوك إضرب على الكايد إلى عمست رياك لو هذبوك إمن المصاوب وضــــدوك ما يذبحونك قبل تدني مــــــــــناياك وإحلم على الجاهل ترى الحلم مبروك وقم للضعيف اللي من الظيم ينخاك وإدمح خطاجيران بــيتك إلى أوذوك ترى القصير وحرمة الجار بحــــــماك عطهم لوازم حقهم لو تناســــــوك في كل ما يصلح لدينك ودنــــــــياك وقم للضيوف اللي لفوا لك وضافوك أغلى كرامتهم حجاجك وبشــــــراك وإعرف ترا مالك للأضياف مشــروك لولاه يطلب حاجته منك ما جــــــاك وقم للرجال إن رايعوا لك وحبــــوك وإحشم خويك وأكرمـه عند ملـــفاك وإلى إعتبرت بسيرة الناس كفــوك ما كثر من شي أتعبك ثم عـــــــناّك ولولا تبات بهمّ دنياك مظـــــــــنوك ما طاب لك ما دام لك وإفتــــهم ذاك لو يطلبون إخفايك الناس ما أخفوك الرجل مثل النجم في كل الأفــــلاك وصلاة ربي عدّ الأوراق والشـــــوك أو ناض براق ٍ وما هل ســــــــــــفاك على الذي ما فيه ريب ٍ ولا شكوك امحمد ٍ ما دك بالقــــلب دكـــــــاك ولكم تحياتي |
|||||
|
|
|
|
|
|
|
|
|
|
12-Mar-2004, 02:16 PM
|
رقم المشاركة : 2 | |||||
|
الاخ الغالي سطام بن فهيد:
وش اقول عنك... ماتكفي كلمة شكرا. ماقول.. الا جهد رائع وتستاهل حبة راس وخشم.. كثر الله من امثالك.. وجمل الله حالك وننتظر المزيد من الابداع.. منك مقتبسات: يالله يالي بيدك الضيق وافراجــــــــه...ياخالق الخلق ياقاضي حوايجـــــــها تفرج لعين الذي أغفت بســــوهاجه...تجهز عليها الطواري لين تزعجــــــها بالصدر ضيقه ونوم العين هـــــملاجه...عيني من العام والسهر متولـــــجها -=-=-==-=-==-=-==--====-=-====--=-=--=-=-=-===-=-=-==== تركي ليا من الليلي غدن عـــــــــــــوج...حملة عتيبة كلها ماتشــــــــــــيله يرسي كما ترسي البواخر على الموج...ومنين ماصك البحر يرتــــــــــــكيله مادام تركي حي مــــــــــــــــاودي أدوج...وإن غاب غبت من الرجوم الطويلة لا تعليق على الابيات اخوك فرهودي.. |
|||||
|
|
|
|
|
|
|
|
|
|
|
15-Mar-2004, 01:06 AM
|
رقم المشاركة : 3 | |||||
|
الشاعر سليمان بن شريم ( حكم من ذهب )
عزي لحالك يا عزيز وأنا ابـــــــــــــوك .كان الزمان اللي توطــــاني توطـــاك إفهم وصاتي يا عزيز وأنا ابـــــــــــوك .دامك صغير وغاية العــــــلم يقــــراك تراه ما ينــفعك خالك ولا أخــــــــــوك لا صار ما تقضي لزومك بيمــــــــــناك وربعك ليا بان الخلل فيك عافــــــــوك أقرب قريب ٍ لك من الناس يشــــناك الشاعر عبدالله بن عون ( شعر يفوق الوصف ) يامل قلب يسج وفيه دولاجــــــــــــه من هاجس بالضمايرقام يدرجـــــــها في معزل عن جميع الخلق وازعاجه ما اسمع من الناس لوتكثر لجـالجها ماغير اهوجس تقول مضيع حـــــاجه آخذ واسند على روحي واهرجــــها الى المبدع المتالق البارع في الاختيار ((((((((((((( سطام بن فهيد))))))))))) شكر الى حد الصين على تلك الابيات التي لاتقدر بثمن وعلى الايدي التي سطرتها والعقل الذي تذكرها ونقلها اشعار في غاية الروعه ونرجوا المزيد من ذلك الابداع اخوك ********** شيباني نت *********** |
|||||
|
|
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
