همسة حب أولى : " شاعركم هلال " ( إهداء للمعازيب )

[هلال بن مزعل العنزي]

شاعركـم هـلال يا حظه بجمهوره=يــا بـخـت صمـتـه وتـرديــده لقيـفـانـه
المستبد بحكاية حب مأثورة=الطاعن الطايش المشغول بأشجانه
الفوضويّ بكتاباته وبشعوره=إنسان يملا القصيد بهمسة ألحانه
لا صهلل الحلم يعني لا لزم شوره=قلب الجهاله نسى التلويح عنوانه
وابتزه الشوق لأجل عيون مغموره=واستنطقته انتفاضة روح شفقانه
غاوي مآسي فقير الحظ وظهوره=في ساحة الشعر يمكن يبعد أحزانه
ومثله بقايا حطام الأمس مطموره=جدت وجادت وعاشت نكبة أزمانه
هادي وراكد ولكن لحظة الفوره=تنتابه أهوال تلغي نظرة إمعانه
إيه انتهازي وعاشق بنت سنيوره=هزّت معاليق شفق ٍ حبّ منانه
رئيس حزب الغرام وشيخ طابوره=ومثلي ملايين مبليه وغلبانه
عساني أرضي بكم هالحـب وغـروره=وأروض الحـزن وألعـن جـد شيطـانـه
واستلهم البوح من همسه ومن نوره=ذاك المقيم بخوافي شاعر إجنانه
وأبدى آتغلّـى علـى الغاليـن والثوره=مناسـبـة ضيقةٍ والـنـفـس زعـلانــه
يـا حشرجتـهـا بقـايـا الــروح مقـهـوره=ياصهللـتـهـا دموع الشــك ولـهـانـه
يا كرنفال الجروح وصهللة زوره=إيقاع صمت ٍ هزمني وأطلق إعنانه
يـا سـادة الحفـل نـار الحـب مخـبـوره=والعشـق يـذبـح وأنــا التلمـيـذ ربـانـه
وأستاذ علم الهوى وإن شئت دكتوره=باحث تخصص بكبـت الوجد وإدمانـه
الكبرياء ويقين أحلام مغموره=والفلسفه والعواطف أصدق بطانه
للمستلذ بجحيم الهجر ودهوره=حالة ضما هزّت التعبير وألوانه
والـحـظ بالـحـب والأسـهـم وبالـكـوره=يستدرك الصبر واسأل من فقد خانـه
ووليم شكسبير صـور وأبـدع الصـوره=مسائـل المجتـمـع جـوعـه وعصيـانـه
والعاطفه مشكلة من حس بحضـوره=في هامش المنتظر في غيبة أزمانه
والتقـنـيـه ألـبـسـت أكـوانـنـا عــــوره=كـودو وببسـي ومـيـة ألــف فنـانـه !!
يـا للحضـاره وشــرع التـبـغ دسـتـوره=فضـاء الأوهام يشكـو هـجـر سكـانـه
معليش أنـا فاقـد التركيز مـن جـوره=زمــان ٍ أنـهـك قـيــم والـكــل خـوانــه
أعـود أهنـي ألـم شـعـري بجمـهـوره=وأهـنـي هــلال فــي تكـريـم قيفـانـه

[فدا لعتيبه]

صح لسان قايلها
مشكور هلال
دمت بسلامه...

[فواز علي الروقي]

صح لساااااااااااااااانك وتستاهل كل خير
وانت كفوا
تقبل تحياتي

[عتيبي الرياض]

صح لسانك يا هلال وبصراحه قصيده جميله

وتقبل

مروري

وتقديري

[هلال بن مزعل العنزي]

دمتم نورا ، وهمسا ، وغيثا ، ويقينا !!

[عقاب بن سقيان العتيبي]

هلال العنزي
صح لسانك....
انت شاعر من اول قراتي لقصيدتك تاكدت تماما انني منذ زمن لم اقرا قصيده بهذه الهاله من الاحتراف
العتبيري الاممكن الا من شاعر غير عادي................
شاعر استطاع ان يقول هذا الشعر الغير عادي.....................
قرات المطلع ولم اجد نفسي الا وانا اختم القصيده بقولي من هذا الشاعر..............
فعدت الى الاسم فاذا هو انت هلال العنزي..................
انت هلال الشعر...........وماشاالله عليك قلت,, فابدعت,,
اتمنى لك التوفيق دائما...........

[مرزوق حمدان العتيبي]

..
.
صح لسانك ياهلال
ابدعت بحق .. فالله لايهينك ..
..

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[أبو نجر النفيعي]

..

الله الله عليك يا هلال ..

صح لسااااااااااااانك على هالجزله ..

و وآآآصل ابداعاتك .. ولا تحرمنا من جديدك ..




أخوكـ

التوقيع

.....

[هلال بن مزعل العنزي]

أشكر لكم هذا التواصل الذي أثار الحبر ، واستنطق الفكر !!

ودي ،،،