الشاعر/ رشيد الزلامي ,,,,,,, ياموزع النعم خل النعم لاصحابه

[ابن صنهوت]

بسم الله الرحمن الرحيم

حبيت انقل لكم هذه القصيده وهي للشاعر العملاق / رشيد الزلامي
وهي عن كلمة نــــــــــــــــــعم التي اصبحت كلمه دارجه لدى الجميع ونستطع ان نطلق عليها مسمى عاده اي انها اصبحت عاده عندما يقال هذا فلان يقال له ونعم سوا كان هذا الشخص يستحق ام لا ؟
فيقول شاعرنا ابوجميــــــــــــــــــــــل اطال الله عمره

يا موزع النعم خل النعم لاصحابه = ما ينعطي غير للي يستحقونه
يستاهل النعم رجل فاتح بابه = للضيف والي حداهم حال يلقونه
اللي بوقت اللزوم تشوف مضرابه = سيف تحده لزومه مايحدونه
ولد الردي لاتقول ونعم يضرابه = يرهي على نعم وهوه طايح دونه
ان قلت له نعم راح يفتل اشنابه = يحسبك صادق مايدر النعم وشلونه
يطمع بشي يموت الخبل ما جابه = ثم قال اتا جبت نعم الي يقولونه
بعض العرب يحلمون احلام كذابه = ومن لاعرف قدر نفسه عد طبلونه
يجيك مسرع مايدري ويش يبلابه = من قلت العرف مايمشي على هونه
اما على اقرب قريب يشيل مشعابه = والا بعرض المقفي سل مسنونه
تناول الغافلين وكثروا احزابه = الي على قلة الشيمه يدفونه
واهل العقول اسكتوا ماقالوا الجابه = لاينقصونه بشي ولا يزيدونه
قالوا هذا فيه عاهه وبتلشنابه = والا هذا فيه شي مايعرفونه
اما عرضله بليس وكثرت اسبابه = والا عطا له خريمه مايردونه

وسلامتكم محبـــــــــــــــــكم ابن صنهوت

[ابو محمد الدعجاني]

اما على اقرب قريب يشيل مشعابه والا بعرض المقفي سل مسنونـه

صح السان ابوجميل
عزالله ماكذب بها البيت بيض الله وجهك يبن صنهوت
ولاهنت يالغالي

[صقر الجعدة]

صح لسان شاعرها وصح لسان ناقلها
نتظر جديدك

تحياتي
صقر الجعدة

[%الخنفري%]

صح لسان شاعرنا عز الله انه صادق

[ابن صنهوت]

ابن غزاي الخظري

صقر الجعدة

الخنفري

شاكر لكم مروركم والله لايهينكم

[نزهان الروقي]

تسلم يمينك يابن صنهوووووووت




قصيده جميله من شاعر مبدع



وانت والله تستاهل النعم ولا يهنوون الربع



ههههههههههه

[عبدالرحمن ابو ثنتين]

صح لسان شاعرها وصح لسان ناقلها
نتظر جديدك

اخوك / عبدالرحمن ابو ثنتين.....

[عبدالله الجـــذع]

الله..

صح لساآن العلم ابو جمييل

قصيده جميله وفعلا معبره

مشكور ياكحيلاان

محبك
,’

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[فيصل المسند]

الله لايهينك يابن صنهوت وصح لسان ابو جميل الله يطول عمره امبرطور الشعر

[ابن صنهوت]

نزهان
عبدالرحمن
عبدالله الجذع
فيصل


لاهنتوا على المرور