لو لم تنجب غيره عتيبه لكفها

[خالد اللهيبي]

بسم الله الرحمن الرحيم
اللهم صل على محمد وعلى آله وصحبه أجمعين امابعد
السلام عليكم ورحمة الله وبركاته


شاعر لولم تنجب غيره عتيبه لكفها










هو الشاعر الكبير بديوي الوقدني





وهده قصيده له تدل على قوة هده الشاعر الكبير







دنياك هـذي كلهـا هـز فـاروق
ماتعرف الصاحب من اللي معاديك
وأكثر كلام الناس بالمكر والبـوق
يهرج معك واليـا تقفيـت يرميـك
المال دايم صاحبـه مرتفـع فـوق
والقل خايب لـو ترفعـت يرخيـك
عزي لمن درو لها عنـد مخلـوق
إما بخل وإلا متـن يـوم يعطيـك
أوصيك بالطيب إذا كـان لـك ذوق
إرمـه وراك ولازم إنـه يلاقيـك
يا العبد هو كل مطـرود ملحـوق
لا تستهين لك رب ماهـو مخليـك
اللي جعل لك روح جاعلك مرزوق
كما تكفل بك مـن الخلـق كافيـك
يعطي وباب الرزق ماهو بمغلـوق
وإلى طلبته وانت محتـاج يافيـك
الرزق له حسبه وله وقت مطلوق
وإن مت ماهو عند قبـرك يناديـك
والموت جايك لو تقع جوف صندوق
دع مابـك مـن حـذر لا يعنيـك
لا يشغلك مالك ترى المال ممحوق
مامالـك إلا ماتـمـده ايـاديـك
إن كان مالك يافتى ضيَّق السـوق
تراه عند المـوت ماهـو بمنجيـك
الجار والعاني لهم شرط وحقـوق
والضيف واجب تكرمه يوم يلفيـك
وإن كان تبغي تاخذ المدح مطبـوق
خلك مشَمِر دون ضيفـك وعانيـك
صون الامانه وأظهر الهرج بصدوق
ولا تعاشر صاحب البـوق يعديـك
لا تصاحب الخاين ولاتامن النـوق
وإن لاح برّاق الحيا عـذّرت فيـك
والدرب لا تامنه لو كنت مرفـوق
إلا بحـد فـي يمينـك يبـاريـك
إترك طريقة كل عاشق ومعشـوق
ترمي بروحك بالشر ثـم يرميـك
والكلب مايتبعك لو تلبسـه طـوق
لو من خلاخيل الذهـب مايراعيـك
وبالصبر تغلب صاحب العزم ياشوق
والعزم طيب مير حـزّات يوريـك
وانزح الى منك عن الشر مـدروق
واحذر صديقك واحذرالـي يواليـك
هذا كلام الصدق ماهو بمسـروق
وابيات يـا قلبـي بناهـا يسليـك
من هاجسٍ يطمي كما بحر صافوق
احذرعلى قلب الشقى يوم يطريـك
يارب تجعلني من النـار معتـوق
واجعل كلامي طيبٍ يـوم أوافيـك




وهذه قصيده ثانيه نحتاج لمائة عام حتى ياتي شاعر وينظم مثلها





هاض شوقى حمام فى الغصون..بات ساجع فى بديعات الفنون
بين تغريد وترجيع بهون..مادرا انى فى الهوا مثل العليل
ياحمام الدوح هيجت الغرام ..ماسبب نوحك ومالك من مرام..
اعطنى عهدك وخذ منى ذمام..بيعنى شوقك وخذ شوقى بديل
ان فى قلبى جروح لاتطيب ..مابدت حتى يداويها الطبيب..
من هواجس جات من فرقاحبيب..باح مكنونى وصبري مستحيل
كلما هب الصبا قلبى صبا..لى غزال فى الحما فلق الظبا..
ظبى جازن يرتعي نبت الربا.. يسلب العقال بالطرف الكحيل
مالعينى بالتجافى والصدود..مابقى غير الحسايف والوجود..
كم رعيت النجم والعالم رقود..والمحاجر دمعها الصافي يسيل
زارنى طيفة كما لطف النسيم..جدد الاشواق والعهد القديم..
وانثنى فى داجى الليل البهيم..قلت زدنى قال يكفيك القليل
اه من هم سرى فى القلب نار..وان طلبت الصبر ملقا لة قرار..
كيف صبرى والحشى للهم دار..صارمالكنى وانا عبدة نزيل
قمت مما همنى عند اهجوع ..يوم كل نام ولعت الشموع ..
والهواجس جاتنى تمشى جموع..مثل ورد النحل فى وادى طفيل
او كما سيل تزايد فى مضيق..يقلع الحصيان والسد الوثيق..
ياخذالاشجار ويسد الطريق..زاد عن حدة وضاق بة المسيل
طار نومى يوم نامت كل عين ..بت ساهر مع نجوم الفرقدين..
من هواجس من جفا من جور دين..مابقى الا البعد عنها وارحيل
صوب ارض الشام او ارض العراق..كل يوم فية ينحل الوثاق..
كم يقاسى والقسا مر المذاق..ربماتلقى عن المنزل بديل
دع ابلاد الذل وارحل يالبيب..واغترب فالكل بالدنيا غريب..
القضى مكتوب والداعى نصيب..اركب الاخطار والهول المهيل
وان جفتك الدار رمال الزمان..لاتعيش بدار ذل او هوان..
لو يظلى نبتها من زعفران..صاحب الاخطار واجعلها دليل
شد عن ارض الاعادى والحسود..واطلب العليا وبالغ بالجهود..
لو يكون العز فى غاب الاسود..خير من دار تعيش بها ذليل
كل من رام العلا يرقا لها..سلم الاخطار فى اهوالها ..
من تراخت عزمتة مانا لها..دونها مايقصر الباع الطويل
اقطع البيدا على عوج النضا..لويكون تمشى على نار الغضا..
مايفوت العمر قدام القضا..دين عندك لين ياتيك العميل
عاشر الاحرار من اهل الرتب ..تستفيد القل منهم والادب ..
حيث هم اهل المروةوالنسب..واترك الاسفال مامنهم حصيل
سل عن الجيران قدام النزول..وان سمعت الناس تهرج لاتقول..
تنكسى ثوب المعزة والقبول..والخلايق يذكرونك بالجميل
كم كلام راح من اجلة نفوس..وانت ماتاخذعلى نقلة فلوس..
لاتفتش كل حب فية سوس.. كم تخوض الناس فى قال وقيل
صون عرضك عن ملاقات السفية..واترك الكذبان سودان الوجية..
من حكى عنهم يعود الكذب فية..كيف تاخذ هرج من بابة هبيل
اترك البيت الردى وانص الرجال..خذعريب البيت من اب وخال..
يوم تنظر فى ولدها كالهلال..وان مشا بالدرب مايغوا الدليل
خذ عزيز البزمن زين القماش..واردى لو كان يعطونك بلاش ..
مايفيدك كيف تاخذ شى ماش..بيعة المغبون فيها يستقيل
دور الطيب ولوغالى الثمن..لو يكون القصد فى صنعا اليمن..
لايغرك صقلة الوجة الحسن..ابذل المجهود بالمال الجزيل
الذهب مايخلطونة بالنحاس..غير بعض الناس ماعندة قياس..
خذ نصايح ماحواها ابونواس..مثل نظم الدر واللو الاصيل
وان ملكت المال لاتعدوشحوح..اطعم الجيعان واكسى كل روح..
الدبش والمال لابدة يروح.. والثنا والمجدجيل بعدجيل
هم روحك واغتنم عصرالشباب..ان للايام ميل وانقلاب..
وانت فيها تنطوى طى الكتاب..لاتغرك صحة العمر الطويل
اترك الدنياالاجاتك ضحوك..لاتغرك بالملاعب والتروك..
كم غرق فيها وكم غرت ملوك..ضحكها اغرار ماسرع ماتزيل
والعدو لاتامنة لو بعد حين..لو حلف بالبيت والركن اليمين..
الحقد والبغض فى قلبة دفين..وان ضحك بالوجة فى قلبى غليل
خل عنك الكبر فاللة الكبير ..لاتحاقر عاجز والا فقير..
واعلم ان الامرللة الخبير..يقصم الجبار ويعز الذليل
كم فقير مات قدام الممات..موت بعض الناس اخير من الحياة..
ان بكن او مابكن النايحات..البكا خسران فى بعض الهزيل
والف صلوا ماسجع بالاشتراك..ساجع الجمرى على غصن الاراك..
فى رياض علها نو السماك..كل يوم الركب لة فيها مقيل
تبلغ المختار والصحب النجول..ماسعا اوطاف بالبيت البقول
والمصاحف والكواكب والتلول..والحصا والرمل ميل بعد ميل

[عبدالرحمن الهيلوم]

شاعر فحل تغرب في العراق
شاعر مبدع
الله يرحمه
مشكوووووووووووور يالحربي

[فيصل المسند]

بدوي الوقداني من ابرز شعراء الجزيرة العربية

[عمر الدغيلبي]

لاهنت ياخالد على مشاعرك النبيله

وبديوي الوقداني شاعر لم ولن يتكرر

التوقيع

في منتدى الهيلا زحول الرياجيل = بيت القبيله و النشاما إرواقه يزينه حرصه لزين التماثيل = ويجمله نبذ العلوم الدقاقه