حبيب العازمي وسعود العبدلي [استمتعو بالنقض والفتل من الشبح ]

[:: الغــربــي ::]

سعود العبدلي





سلام ياهل الديره اللي شوفها شوف الغناه
تاريخها ماوافقـه تاريـخ قبلـه وبعـده
انا لقيت حبيب اصبح سر غامض فالحياه
ا اول حلاوه في فمه واخر حلاوه في يـده






حبيب العازمي





يامرحبا بالطرقي اللي ساع ماسارت خطاه
واللي يجينا من بلـده نبـا نـرده لبلـده
وانا لقيت العبدلي يمشي بعكـس الاتجـاه
واليا زرع له مشكله بين العرب وصى ولده






سعود العبدلي





لاهنت ياللي لاتساوى ماتغيـر مستـواه
مير السعيد اللي لا شبت نار ماغاب سعده
انته هذا انته دايم علومك تثيـر الانتبـاه
تشبك يدينك في بعضها والحبال معقـده






حبيب العازمي





ياهل البعير اللي هديره مايطلّع له لهـاه
ان كان فيكم واحدا عاقل يـروح يقيّـده
انا علومي واضحه ولا يجي فيها اشتباه
ماهي بحلم الراقد اللي ماصحى من مرقده






سعود العبدلي






قبل يزيزد الجرح ياحبيب وتبلش في دواه
اعرف مصير العبد لو يمسح شوارب سيده
انته علومك كلبوها بينـت بعـد {القنـاه}
واللي يسولف كل يوم الناس تعرف مقصده






حبيب العازمي




حنا ليا منا جرحنا الجرح ماتصبر علاه
ل كن رد سعيّد اللـي يعتـزي بسعيّـده
ياللي تقولون الرواة محنكين امحق رواه
امشبرقه وامزبرقه ومعشعشه وملبـده






سعود العبدلي





اعرفك رجلا مامسكت العلم واصل منتهاه
لكن كلمتك الاخيره صدق ماهـي جيّـده
اهرج معي يانجم يانجماً تعلا في سمـاه
واليا بغيت الضحك ضحكناك قومه وبعده





حبيب العازمي






ياهلا السلاح اللي تمسونه تبين ماوراه
تبا تجيك مفلفله ياللي تباهـا مبـرده
الكل نجما منزله والكل عمرا مامعـاه
وقلوبكم فيها بـلا وكبودكـم متغـدده






سعود العبدلي





اللي صنع له قنبله مرهون في شره واذاه
اليا حذفها في بلد جـاره تفجـر فبلـده
العين فحبال العرب والقلب في حبل النجاه
ت با تبرق في وانـت امراضكـم متعـدده






حبيب العازمي




اللي صنع له قنبله فالشر ياكثر زملاه
اليوم ماتلقى حيا فالعالـم المتمـرده
اسباع ديرتنا هذا ولا هذا سمع عواه
واسباع ديرتكم ترى بالانقراض مهدده