سقن الاجانيب عن واد الرشا الغالي

[ابن صنهوت]

بسم الله الرحمن الرحيم

اخواني عيال عمي ابنا الهيلا احب اشارككم بهذه الابيات التي قالها والدي عندما كان مربع في ديرت مطير يم ثرب وكان له جار مطيري جا المطيري ذات يوم وقال :ياكذب هل الديره يابو سعيد يقولون العتيبي جزا من الديره وشد ويوم باينت الياك مكانك قاله سير علي بكره واعطيك العلم فقال سعد ابن صنهوت العتيبي

زلت سنه كنها شهرين في بالي=
فالديره الي عسى تنمي نواميها=
ديرة مشاكيل دايم جارهم غالي=
الله لايذهب الديره ومن فيها=
مطير يوم القا حماية التالي=
قبيلة(ن) عزها بيدين واليها=
لطم المعادي ليا جا حرب وقتالي=
ومفتكة البل من الي طامع(ن) فيها=
كم من جواد وراهم دمها سالي=
وكم سابقن من يداهم طاح راعيها=
يوم القدايم لهم تاريخ وافعالي=
امطير نعم الرجال ونعم طاريها=
نعمن بكم يامطير اهل النبا الغالي=
ياهل صحونن تحطون الشحم فيها=
وانا عتيبي وروقي من ذوي عالي=
من عتيبه الي كبود الفوم تكويها=
اجمال الحمايل عليها العدل ما مالي=
عتبان للقوم محمية(ن) مكاويها=
عيات عراف نملا كل مكيالي=
ومن فعلنا كل عبنن كحلها فيها=
نسمح وندمح ونلطم كل عيالي=
ونجرح جروح الاطبا ماتداويها=
سقنا الاجانيب عن واد الرشا الغالي=
فعل العتيبي قرارة نجد حاميها=
فعلن لشيخاتا مع قسمة الوالي=
وهايبن من جليل الملك معطيها=