يا معدّي المرقاب............للحلحلي

[عبد المحسن الحلحلي]

أحب أن أقدم لكم هذه ولو أنها مستعجلة

وا قلبي اللي موحيٍ فيه دقاق=دقاق من ضيم الدهر والغبينه
كنّه على جال اللهب يحرق احراق=هذا وحنا بالصبر كاتمينه
والصبر زال إنّا على الوقت ينطاق=لكن زاد و زوّد الضيم دينه
مشكاي لله رافعٍ سبعة إطباق=فرّاج هم اللي حياته حزينة
كم حزة وقنا على راس شوهاق=يوم الهداني نايمٍ بالمدينه
أدله مع الغربي ليا هب رقراق=وأجاوب لحون الحمام الحزينه
((يا معدّي المرقاب خله لمشتاق))=وألا لمن مثلي ظروفه تهينه
ويا مجاوب القيفان مع حبر وأوراق=خل القوافي بدعها لا تزينه
القاف للي دونه الرمح زراق=عارك حياته والدهر شق عينه
يا مل قلب منمزع فيه معلاق=يصالي المله غصب كل حينه
ويا مل عين دمعها سال دفاق=تبكي على فرقى الفقيد الضمينه
الطيب اللي من عريبين الأعماق=صارت حياته في النهاية تدينه
و خطو الردي يمشي مع الناس بوّاق=يكسب مكاسيب الشرف في سنينه
مار الدهر جحاد والوقت سرّاق=بسطح القمر ماعاد ترسي السفينه
كفٍ تمد الطيب ذا الوقت تنعاق=إليا رجعت قلنا سلامات زينه
ونفسٍ تحب الحق للموت تنساق=دام المجامل للحقيقة قرينه
لا شفت عبّاد الدراهم بالأسواق=قلت الهزيلة تستوي بالسمينه
وعند اللوازم منسرق يركز الساق=قلت الرفيعه تستوي بالطمينه
هاذي هي الدنيا مراكيض وسباق=والله يعين الصابر الله يعينه

وسلامتكم



عبدالمحسن الحلحلي

[فواز علي الروقي]

صح لسااااااااااااااانك ولاهنت
تحياتي لك

[مشاري الشلاحي]

و خطو الردي يمشي مع الناس بوّاق=يكسب مكاسيب الشرف في سنينـه
مار الدهر جحاد والوقـت سـرّاق=بسطح القمر ماعاد ترسي السفينـه
كفٍ تمد الطيب ذا الوقـت تنعـاق=إليا رجعت قلنـا سلامـات زينـه
ونفسٍ تحب الحق للمـوت تنسـاق=دام المجامـل للحقيـقـة قريـنـه
لا شفت عبّاد الدراهـم بالأسـواق=قلـت الهزيلـة تستـوي بالسمينـه
وعند اللوازم منسرق يركز السـاق=قلـت الرفيعـه تستـوي بالطمينـه
هاذي هي الدنيا مراكيض وسبـاق=والله يعيـن الصابـر الله يعيـنـه

الله الله الله
الله الله
الله
صح لسانك وبيض الله وجهك على الجزالة التي لاتستغرب

من شاعر بحجمك ويتجدد الإبداع حين بعد حين مع الحلحلي

شهادتي فيك مجروحة ولكن ما أقول إلا الله يرفع قدرك

على هذه الدرّة الثمينة

تقبل إحترامي

أخوك

مشاري الشلاحي

[ابو محمد الدعجاني]

لولاه تحتاج المراجل شفاليت @
تحتاج شي يقصر النذل دونه
صح السانك اخوي الحلحلي

[عبد المحسن الحلحلي]

فواز الروقي



صح بدنك



ولا هنت


على المرور

[عبد المحسن الحلحلي]

أخي العزيز


مشاري الشلاحي



صح بدنك ووجهك أبيض



ورفع الله قدرك




مرورك عطر الصفحة


حيثك من رجال الجزالة


يا جزل



تقبل تحياتي الحارة




عبدالمحسن الحلحلي

[عبد المحسن الحلحلي]

ابن غزاي


ومليووون نعم بآلاد مفلح محتمين الونية





صح بدنك



شرفني ردك




أخوك


عبدالمحسن الحلحلي

[عبدالرحمن الهيلوم]

صح االسان ابن عاصم

موفق خير يالغالي

[عبد المحسن الحلحلي]

صح بدنك


يا ولد عمي


يا ابن نفيع

مرورك شرف لي



تحياتي الحارة



الحلحلي عبدالمحسن

[جراح البرقاوي]

صح السانك يالغالي ابن عاصم ابن الغالين