من هو عقيد القوم

[سعود العصيمي]

محاورة بين / كديميس السيحاني ... وحمد بن جوبااح ....

ياالربع لقيت هذه المحاورة في احدى المنتديات وقلت انقلها لكم واسآلكم من هو عقيد القوم هذا اللي يحاور كديميس السيحاني

كديميس=

ياسلامي سلام(ن) من هجوسٍ بارق الوسم شوقنـي خيالـه والليالـي يطـول بنـا مداهـا=وين ابا القى قبيل (ن) يسرج القيفان والليل توه في البدايه كـل مـالاح بـراّق(ن) نخيلـه
ياالنجوم السواري جاوبني وادرجـن السوانـي والمحالـه والعـدود اسحبـن بليـل ماهـا=كل ما قلت ياعين ارحميني قالت الا السهـر مالـه نهايـة الليالـي علـى مثلـي طويلـه

عقيد القوم=

جيت من نجد واحب التجاره كل تاجر يجوّد راس ماله يوم سـوق العـرب دايـر رحاهـا=اسرج القاف والليله طويله والوسيله تبرر كـل غايـه ميـر دوّر علـى جـزل الوسيلـه
كل ذيبٍ سرا والليل غدرا يحتمي في مواقيفـه لحالـه مـن يـدوّر علـى حاجـه لقاهـا=مير بعض العوى ماله جدا لكن ليتـك فهيـمٍ بالقرايـه دونـه اللـي يحايـل كـل حيلـه

كديميس=

جيت من نجد والا من قريّب والتجاره خذوها اهل الوكاله سوق واقف ولا بـاع وشراهـا=الوسيله تجيبك من ديارك لو بناديك ماتسمع ندايـه جـزل والجـزل خـلاك اتعنـي لـه
يقنب الذيب في وقت الغداري وانت وش عرّفك باللي طرا له هرجتك في زمن ماضي قراها=وانت غافي وجاثومك سرى بك مدري انك من اصحاب الوشايه وراعي الحيله بيلقا حصيله

عقيد القوم=

وسط سوق الغلااا بعنا وشرينا يوم كلِ على فعله وفالـه مـن يقـدم لهـا يلقـى جزاهـا=اسمع الصوت من عندك قريّب يا كديميس لا تبحـث خفايـه الجزيلـه لهـا رد الجزيلـه
الجمل لا برك وقت الصعايب حمل فوق الظهر بالهون شاله لو جمال الرخى نسمع رغاهـا=نيتك لو تجي 200 نيه ينعكس وجهك بوسـط المرايـه عارفيـن الخبـر عدلـه وميلـه

كديميس=

كيف تنقض حرامك في كلامك وانت ما اوفيت للنسك اكتماله وانته تقول في نجد وقراهـا=فيك من حرفة التمثيل شبهة وانت حرفتك يالنشمي دعايه يوم نصبّـت نفسـك فـي قبيلـه
انت وقت الرخى والا الشدايد تنقل الحمل والا لك عباله نفرق السوم في رخـص وغلاهـا=ناصح الناس ليته فاد نفسه يدعي غيب يوم ادلى برايه والخبـر غـرر انفـوس(ن) ثقيلـه

عقيد القوم=

السهم ما يطمّعني خضاره عارفٍ وش حرامه من حلاله لـو كديميـس بالغـش يحداهـا=ابو وجهين ما اقبل به صحيبي دامني رافعٍ للحق رايه كـل خيّـال مـن معسـوف خيلـه
انت يا الحضرمي عندك بضاعه مير لازم تدوّر لك كفاله والهوامير تزبـن فـي ذراهـا=كاشفين النوايا من لسانـك تهـدم السـاس وتعـز البنايـه يـوم زنـدي يولّـع فالفتيلـه

كديميس=

لو بقول (إ)لك بالصدق انت عيّه تبهت الناس وتسمى جهاله راية الحق ما تلمـس رشاهـا=ابك انا قرنةً في روق وانته ما عرفنا لك اصـل ولا حكايـه كأنـك اللـي يبيّـع للبليلـه
اعمر ليا بغيت اعمّر الديـره واهـدّم مواكيـر الحثالـه كـل لحيـة نجازيهـا بخطاهـا=يوم مثلك عن الماقف يصدّد ماعرفنا (إ) لك دين ولا هوايه مثلـك يبابـي وضايـع دليلـه

عقيد القوم=

اسم برقا رفعناه ورفعنا والقضيـه لهـا عنـدي دلالـه لـو كديميـس بالباطـل رماهـا=والنعم في عيال العم مير الله يدلك على درب الهدايه يـوم بعـض العـرب ضيـع سبيلـه
لو عمرته على راسك نهده يقطع البيت ما ظلل ظلالـه مـا تسـاوى الاوادم فـي بناهـا=انت عقرب ثرا تدفن ذنبها مير موت العقارب من عصايه جعلها تروح فـي ستيـن نيلـه

كديميس=

اخس ماانته عقيد(ن) للسرايا ياعقيد السفاهـة والنذالـه عنـك برقـا رفيـع(ن) مستواهـا=المعاني على مثلك صعيبه لو تحاول تولف لك روايـه ويـش حضرتـك للمبنـى تزيلـه
انت ضاري بلسعات العقارب يامضيع يمينه من شماله من رجت خيـرك مضيّـع جداهـا=جس نبض وعرفنا للحقايق لا تحسب انك بتلحق مدايـه وكـل طـاروق نلقـا لـه بديلـه

عقيد القوم=

العقيد ان وقف وقفة قبيله وانت وش قرّبك درب السفاله تكحـل العيـن وتسبـب عماهـا=السؤال ان طرحته جتك جابه ما يبي لي على الجابه وصايه من سمع علمنـا يبـرد غليلـه
لو كديميس بالوجهين يمشي في طريقه على درب الخمالـه علتـه عنـدي الليلـه دواهـا=بندقي تطرح الشاره ولكن ابو فيصل جهل فن الرمايه لا وقـف موقفـه مـا يحتمـي لـه

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.