اطول شطر بيت في تاريخ الشعر..حمد هادي المسردي مع قصيده

[مسرد ولد قحطان]

احب اشارك بهذه المشارك ارجو ان تحوز على رضائكم ياعتيبه للأسطوره كما يحب ان يطلق عليه محبيه (حمد هادي القحطاني,,,المتوفي عام1413للهجره)

[poet font="Simplified Arabic,5,red,bold,normal" bkcolor="transparent" bkimage="backgrounds/21.gif" border="ridge,5,indigo" type=0 line=350% align=center use=ex length=0 char="" num="0,black" filter=""]
ياراكب من عندنا طيارة ماطورها لارن عبت كمبريشن فل وافترت مراوحها وطارت بالفضا من طايرات طراز ميق اربع مراوح واربعة متحركات=من نوع سبعميه وسبعه وارد امريكا وصنع فرانكفورت اسطول من احدث اساطيل الفضا قد صممت بأكبر مصانع سابقات اصواتها
[/poet]

وماسبق هو بيت واحد من قصيده طويله سأعرضها في الأيام المقبله ان شاء الله

اما مايلي فهي قصيده له رحمه الله عندما كان في سجن بدولة قطر وشده الحنين لربعه.......فقال

[poet font="Simplified Arabic,4,orange,normal,normal" bkcolor="black" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يالله ياللي للخطا غفار=رب الملا ياعالم الأسرار
ياباسط سبع ورافع مثلها=سبع بدون عماد ياجبار
وانت الاله الواحد الفرد الصمد=وانت الاله الواحد القهار
مجري الفلك يامجري شمس وقمر=مجري البحور ومجري الأنهار
ياعالم النيات يامنشي المطر=ياقاضي الحاجات ياستار
تكتب لنا عندك نهار الملتقى=غفران وانت الواحد القهار
بديت بأسمك مابديت بغيره=يوم القلم بحروف غيري سار
فيارب تهديني على قول القدا=ولا تواخذني على الاشعار
من عقب ذا ياراكب اللي لامشى=لو لا الفرامل يمسكنه طار
هاف جديد صاحبه متخيره=توه ورد تشتاق له الانظار
باقي على تصميم شد بلاده=شد الخواجه صنعة الكفار
ماقربه راعيه عند السمكري=ولاتغير فيه لو مسمار
لاناش بنزينه قدم سواقه=خطر عليه انه يطير طيار
مافوقه الاعقربه واسبيره=ولا الرسول وسايق بيطار
سواقه اللي شاطر ومجرب=من خلقته ضاري على الاسفار
يمشي من الدوحه مع وقت السحر=والظهرعند اهل الوفا والكار
في جاش تلقى لابة لاجيتهم=لقيت حيل في صحون كبار
ربعي هل العادات في وقت اللقا=لاثار قدام الجموع غبار
اعوال مسرد مرهقين اللي طغى=لارد للعلم القديم اذكار
كل على وضح النقا يشهد لهم=بالطيب والنخوه وبالمقدار
عاداتهم بالكون لطمات العدى=ولطماتهم للمعتدي دماار
وان قيل هذي ديرة المسارده=كلن من العدوان فر فرار
ربعي مساردة ليا ثار الوغى=كلن يقر لهم وهم محتار
وربعي مساردة كعام العايل=واشوارهم تقضي على الاشوار
وربعي مساردة عذاب المعتدي=يوم المعارك عجهنه طار
وربعي مساردة يحلون العقد=كم طوعو للحق من غدار
وربعي ترى ضيف الخلا يفرح بهم=والكل منهم يكرم الخطار
لاجيت ربعي فأنص بيت الطارف=مامنهم اللي لانصيته بار
كلن يدور للجماله منهم=والكل من ربعي ذرى للجار
سلم عليهم يانديبي كلهم=وعطهم علومن واسترد اخبار
اختص ابو ناصر ذرى من لاذ به=سم الحريب وللرفيق ستار
حلحيل حلال الامور الكايده=حلحيل وليا حل مايندار
يوم ارتكى للنايبات فحلها=مايسمع لشور الردي لاشار
خصه بتسليمي مع تحيتي=مكرن ضيوفه والليالي عسار
ثم انص ابوحيبان يم الفرعه=تلقى محله في علو الدار
مناحي اللي بالكرم وصايفه=قليلة في جمله الاقطار
تراك لاجيته تبرهج خاطرك=ونسيت حتى شطة المشوار
تلقى الدلال الصفر والهيل الذي=يشريه لامن غليت الاسعار
كريم سبلا مايشح بماله=كفه لضيفه بالكرم مدرار
عز الله ان وصايفه قليله=اقولها سر واقول اجهار
قولي وانا اخو معجبه من دونه=ماني بوالله طالب معذار
من لامني في حب ربعي ينكسر=رجليه وايدينه تروح كسار
لارحم ابو من لامني في حبهم=والنار له في الاخره وقرار
يو انسجنت وصابني حكم القضا=مسجون انا في غير ذنب صار
مشكاي لله والبشر ماهمني=من كان منهم بالحكي ثرثار
اهل النميمه ماحسبت حسابهم=ايظا ولالي عندهم وقار
من لا هرج بالوجه يهرج بالقفا=والزور والبهتان للفجار
لاشك انا بصبر على حكم الولي=والرزق ماشي والفلك دوار
ولابد من عقب الظلام من السفر=ولابد عقب الليل من نهار
ولابد من عقب الكدر من صافي=ولابد من حلو بعد الامرار
ولابد من عقب الكسافه من رخا=ولابد من يسر بعد الاعسار
ولابد من عقب الضياق من الفرج=ان كان ربي طول الاعمار
ولا الحذر ماهوب يفك من القدر=والمال مايغني عن التجار
ماكتب في عالي جبينك صايبك=فاصبر ترى مايندم الصبار
وختمت قولي بالصلاة على النبي=اعداد ماقد هلت الامطار

الشاعر...حمد هادي المسردي


[/poet]

[منير الذيابي]

صح لسانه وسلمت يالقحطاني

وهنا قصيده لخلف مشابهه بس عجزت انسخها لك

http://www.otaiby.com/dewan/showthre...=&threadid=185

[ابن مشيب]

بيت بحق وحقيقة طويل , وصعب نظمة , رحم الله الشاعر حمد هادي المسردي.......


مشكور على هذة المشاركة الرائعة والفريدة من نوعها يامسرد ولد قحطان.............



تحياتي......

[الوليد الاسعدي]

الاخ العزيز مسرد بن قحطان :
وش هالبيت !!!!
انا كنت اقرأ اول البيت ومغط بنا ماندري وينهو طاير بنا ثم لف مادرينا طحنا وراح وخلانا !!!
ماش ماتصلح ! للتراث يمكن !

التوقيع

و أنا عتيبي من سلالة هـوازن *** ربعي عوايدها الفخر من جدودها ما نوشي الفتنه ولا نحرث الردى *** ولا نهاب اليا تسامت وقودها ان ميل الميزان من قوم يمنا *** صبرنا لها لوكان كبرت لهودها وان ميل الميزان منا على العدا *** نروي من السم السقطري كبودها

[الوليد الاسعدي]

الله يرحمة ويغفر له .

[مسرد ولد قحطان]

ابن مشيب

مشكور على المتابعه يالغالي

وانت يامنير الذيابي

اما انت يالوليد الاسعدي
ههههههههههه
تقول البيت للتراث......اول مره اشوف ابيات للتراث وابيات لغير التراث


وتحياتي للجميييييييييييييييييييييع

[وصل العطياني؟؟؟]

مسرد


ياهلا وغلا ...
نشكرك على مشاركاتك الرائعة...
وننتظر قصيدة : حمد ( الله يرحمه )
فهي قصيدة مشهورة ,
لكن تجهل كثير من الناس...
ننتظرك..
حتى ذلك الحين ...
تقبل شكري وتقديري...



تحياااااااتي.

التوقيع

na111na@hotmail.com

[الوليد الاسعدي]

ولا تزعل يالمسردي وانت غالي والشاعر غالي ... القصد اخي الكريم ان بعض الشعر قد يكون فيه ابداع من جهة النظم ولا يكون جميل المعاني والجزالة وهذا رأيي بقصيدة المسردي ...
خذ مثلا وش رايك بهذه القصيدة هل هي جميلة ؟ لكنها خلدت في التاريخ لسبب ارجو ان تتعرف عليه من القصيدة ذاتها ؟؟!!! حاول ..

الوم صديقي وهذا محال
صديقي أحبه كلام يقال
وهذا كلام بليغ الجمال
محال يقال الجمال خيال

[مصدة 2004]

عطنا من هذه القصائد الله يعافيك
حمد هادي المسردي له قصائد كثيرة يشار لها بالبنان
نبغى قصيدة الطايرة

[أجود]

ياطول هالبيت !!!!
بس يالوليد هل سؤالك لغز ! فهمنا ..........