غـــربــــة الـــــروح للمبدع مرزوق الروقي

[فيصل المسعودي]

نص في نظري مليء بالرومانسية والعذوبة والإبداع

للشاعر المبدع/

مرزوق الروقي

رضيت بالحزن عمر وبالمواجع خليـل=وقدرت اعيش بحيـاةٍ باهـتٍ لونهـا
عودّت نفسي مدامي جيت عابر سبيـل=كل ما دهتني مصيبـه قلـت ياهونهـا
عاصرت من دورة الأيام شـيٍ مهيـل=ومريت بـدروب غيـري مايمرونهـا
من كثر ماشلت ماباقي بجوفي مشيـل=روحي تدور معيـن ولا لقـت عونهـا
كم شجرةٍ جيت أدور لي تحتهـا مقيـل=وحتت ورقها وعرّت فوقي غصونهـا
واليا رميت الهموم بسهم صبراً جميـل=اما يجـي خلفهـا والا يجـي دونهـا
اسمع بصدري صياح وهمهمات وعويل=وأردهـا خايـفٍ لا النـاس يوحونهـا
من غربة الروح ضيعت الهدى والدليل=وخطاي تاهت ولابـه مـن يقدونهـا
نهاري أعتم وليلي بالتعاسـه طويـل=الكون مشرق وروحي مظلـمٍ كونهـا
هذي علومي بعد فقد الظـلال الظليـل=مالي من الدور خاويهـا ومسكونهـا
زهدت في عيشتي بعد ام طرفٍ كحيـل=ياليتي ادري بتالي الوقـت وشلونهـا
عهدي بها يوم تروي قلبي السلسبيـل=من قيظ الأيام توردني علـى عيونهـا
وتفيض في قلبي الظميان شوق وتسيل=وأروى ولا أروى وأعود أظما لماعونها
وان سولفت كني أسمع للحمايم هديـل=وأقوم أغنـي لهـا والاحـي لحونهـا
كان اختصار الأنوثه في جسدها النحيل=يلغي جميع النسـا بعيـون مفتونهـا
كنا سوى والزمن بالوصل مده جزيـل=ذقنـا حـلاة الحيـاه اللـي يقولونهـا
ومن ذاق قلبه حنان منقضات الجديـل=والله لتشتالـه الدنيـا علـى متونهـا
وانا بعد ما أهتنيت أقفت وحل الرحيـل=وياويل حالـي ليـا قامـو يطرونهـا
بابقى عليلٍ يحركـه النسيـم العليـل=لاهب في قاع روحـه جنـت جنونهـا
ومادام راحت مابي من حلمي الا القليل=أن عشت في قلبها وان مت فعيونهـا

[السبيــــعي]

اسمع بصدري صياح وهمهمات وعويل
وأردهـا خايـفٍ لا النـاس يوحونهـا

^
يشبهني هالبيت


كان اختصار الأنوثه في جسدها النحيل
يلغي جميـع النسـا بعيـون مفتونهـا

^
يشبهها


فيصل راااااائع بحق احساسك

صح السان الروقي
شخص راقي ونص أرقى

سلمت يداك لاعدمناك

[فيصل المسعودي]

المشاركة الأصلية كتبت بواسطة السبيــــعي

اسمع بصدري صياح وهمهمات وعويل
وأردهـا خايـفٍ لا النـاس يوحونهـا

^
يشبهني هالبيت


كان اختصار الأنوثه في جسدها النحيل
يلغي جميـع النسـا بعيـون مفتونهـا

^
يشبهها


فيصل راااااائع بحق احساسك

صح السان الروقي
شخص راقي ونص أرقى

سلمت يداك لاعدمناك

ياهلا والله بالغالي

وبمروره الطيب وحضوره الجميل كعادته

وجودك في مواضيعي هو الدافع للإتيان بكل جديد

هلابك والله

شكراً لحضورك الراقي

تحياتي

[وافي الخماش]

تغيب فتأتي بالنص الفاخر والنخبوي صح لسانه ولا هنت ..

[فيصل المسعودي]

المشاركة الأصلية كتبت بواسطة وافي الخماش

تغيب فتأتي بالنص الفاخر والنخبوي صح لسانه ولا هنت ..

هلا بوافي

وجود أصحاب الذائقة المميزة والرفيعة امثالك

هو الدافع للإتيان بكل ماهو فاخر

شكراً ياوافي الوافي

على حضورك الوافي

تحياتي

[/عبد العزيز الجذع/]

فيصل.

انا من شفت انكـ انت اللي جايب القصيدة دخلت على طووول.

وصح لسان الشاعر الرائع/ مرزوق الروقي على هالرائعة.


تحياتي.

[فيصل المسعودي]

المشاركة الأصلية كتبت بواسطة /عبد العزيز الجذع/

فيصل.

انا من شفت انكـ انت اللي جايب القصيدة دخلت على طووول.

وصح لسان الشاعر الرائع/ مرزوق الروقي على هالرائعة.


تحياتي.

هلا والله

لبا تواصلك وحضورك المستمر ياغالي

شكراً لحضورك الرائع وردك الأروع

تحياتي ياغالي