:: المرجـله للشاعـره نـوف العتيبـي ::

[فيحان بن فياح]

السلام عليكم ورحمة الله وبركاته



هنـا سأضـع بيـن أيديـكم قصيـده للشاعـره وبنـت القبيلـه الله يكثـر من أمثالهـا (( نـوف العتيبــي ))

تشكـي فيـه الحـال من بعـض رجــال اليـوم لأنهــم أضاعــوا تقاليــد وعــادات أجـدادنــا رحمهـم الله

وأضاعـوا المرجـله بشكـل عـام لافي الرجولـه ولافي الملبـس ولافي الأطبـاع ..


بعدهـا رد الشاعـر حمـدان بن مسعـود الرقـاص العتيبـي


إليكـم القصائـد أعجبتنـي فأحببـت أن أنقلهـا لكـم




تقـول الشاعـره نـوف العتيبـي

إذا المراجل لبسـة شمـاغ وعقـال=قـل للعـذارى يلبسـنّ العمـايـم
ما عاد يفرق زول حرمـه ورجـال=دام الفعايـل تشبـه البعـض دايـم
المرجله مـا هيـب كلمـه وتنقـال=وتروح ما راحـت هبـوب النسايـم
وإلا خشونة صوتٍ أو رفـع الأثقـال=أو رزة صـدور ٍ وفعـل الـزلايـم
ولا هي بعد مفتـاح موتـر وجـوال=وإلا ردا السـان ٍ حديثـه شتـايـم
المرجله شيمه عـن القيـل والقـال=رفيـع نفـس ٍ حـر بالجـو حايـم
المرجله عقـلٍ وِزن وزنـه جبـال=ودون العقـل وش فرقنـا والبهايـم
يا مسندي لو مايل الوقت بـي مـال=يا وِلد ابويـه يـا عظيـم العزايـم
يا معرّب الجدين امن العـم والخـال=يا نخوة المفـزوع وقـت الهزايـم
المرجله يا خويه هي طولـة البـال=هيّ العزم هـيّ الصبـر فالظلايـم
فيها الكرم عـزه و دلـه وفنجـال=فيها الكرامه عن ردا الطبـع شايـم
ومن لا يعرف الرب في طيّب الحـال=لابـد وقـت الضيـق بالهـمّ هايـم
حتى صلاتك مع جماعـات ورجـال=في خيرها يا خـوي نعـم الغنايـم
و اليا انتصفت الليل يا طيـب الفـال=يا عظمه اجرك وانت ساجـد وقايـم
ولامنّهـا للـرب رِفعـنّ الاعمـال=حسن الذكر لا قالـو فـلان صايـم
واحذر تبيع النفس في درب الأنـذال=وتتبع خـوي إبليـس راع النمايـم
النفس خيـلِ لـك إذا كنـت خيّـال=ومن لا قوى نفسه قوتـه الهزايـم
ولا صرت ما تدري, على ويش رجال=والله خسـارة فيـك ذبـح التمايـم

رد الشاعـر حمـدان بن مسعـود الرقاص العتيبـي

نـوف العتيبيـه تغنـت بالامثـال=جزل البيوت المرهفـات الحشايـم
ابيات صاغتها كما عقـد سلسـال=لعيون وافيـن الخصـال العظايـم
اغلى من الياقوت واغلى من المال=ويصعب ثمنها بين بايـع وسايـم
ليت العذاري لو على رؤوسهن شال=مثلـك يانـوف يحرمـن الهلايـم
سود الوجيه مخيبـة كـل الآمـال=اللـي مكانتهـا مكانـة قمـايـم
انذال ما تسوى لها قـرش وريـال=من فعلها مـا شافـت الا الندايـم
الكل منهم خاب لو قـال مـا قـال=ولاهوب محسوب على اهل القدايـم
خايب رجاء لو يلبس بشوت الابطال=واخير يلبـس لـه عبـاه ولثايـم
ما هو كفو يامر على بيت وعيـال=الله يشيلـه مـع جميـع الخمايـم
واللي مثل عزوتك للحمـل شيـال=عريـب جـد ولا تجيـه الضوايـم
يذكر بفعل الطيب في كـل الافعـال=ومع النشامى نال خيـر القسايـم
يرعى حقوق الله ولاهوب محتـال=ابيض وجه ما يلحقـه لـوم لايـم
المرجله يبدي على رجمهـا العـال=حراً شهر عـن بومهـا والحمايـم
وحاش المراجل كلهـا دق واجـلال=وفي بحرها سابح وغاطس وعايـم
في مجلسه يجمع له رجـال ودلال=والعـود الازرق وامهـات القوايـم
عـزاً لربعـه دايـم الـدوم لازال=حظه مع اهل الطيب والجود قايـم
والمرجله لو هي صعيبه لها طـال=يا جعل عمره مـا تجيـه الثلايـم
هذاك تضرب فيه يابنـت الامثـال=راع الوفـا والمرجلـه والولايـم
والله يديم اهل الوفا سنيـن وليـال=اللـي تشيـم لبسهـا للعمـايـم
ويابنت دايم وابـل الخيـر همـال=تبقى الرجـال ولاتمـوت العزايـم
تم الكـلام وكلمـة الحـق تنقـال=حنا الرجـال مطوعـة كـل هايـم
وفالشجره الخضراء لنا في وظـلال=وبالعقل نفرق عن جميـع البهايـم

لكـم كـل الـود والتقديـر ,,,

[عبدالله الجـــذع]

الله اكبر...

الله انه يكثر من امثالها يارب العالمين

ويخليها لاهلها ويستر عليها وعلى نساء المسلمين

فيحان نقله مميزه جدا
قصيده تقشعر لها الابداان


لاهنت يالملك

وصح لسان الرقاص

محبك

.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[فيحان بن فياح]

عبـدالله الجــذع

مشرفنـا القديـر والكبيـر



حضـورك شـرّفني كمـا تشـرّفت بتعليقـك

الله لايحرمنـا تواجــدك المستمـر والمثمــر



لك كـل الــود والتقديــر ,,,