منيف منقرة ..و..ناصر مرسال

[الرشيدي]

محاورة بين الشاعرين منيف منقرة وناصر مرسال

طلب : كل عضو يمر من هنا يكتب بيت الفتل والنقض الذي أعجبه






منيف المنقرة

مرحبا عند ربعي مزبنبن الدخيل=ربعي اللي تعز الراس وقفاتهـا
بعدها يالرشيدي وش تحط وتشيل=كل حاجه تراها زيـن باوقاتهـا

ناصر مرسال

البقى والعرب ماذكر فيهم بخيل=وانت من عالمٍ ياطيب نياتهـا
مانقصنا كثير ولا نقصنا قليل=والعلوم الجزيله كلهـا هاتهـا

منيف المنقرة

ارعدٍ المراعد والمخايل تخيل=وانت ياطيب نيتكم بغراتهـا
والله اني لاعالج كل قلبٍ عليل=دقت الساعه وتوحون دقاتهـا

ناصر مرسال

ارعدت وامطرت والسيل يلقى مسيل=ياعساهـا تحشـد التـرك قواتهـا
نعرف الآدمي مايصنع المستحيـل=والعرب ماتخرع الناس باصواتهـا

منيف المنقرة

لوغزينا على السلمان تفزع هذيل=الرجاجيل مبطي هذي سواتهـا
خابرٍ ناصرالمرسال شاعر حليل=يتبع البدو ويدوّر لبـن شاتهـا

ناصر مرسال

اعلن الحرب وتعرف البطل والذليل=وانتبه من بلا بقعـى وصكاتهـا
وانت وسط الدواير ماتفك الشليـل=والعرب يمكـم ياكثـر نظراتهـا

منيف المنقرة

لانزلنـا عليكـم ولمـو للرحيـل=حاجتن طبع باحياء الناس وأمواتها
الدليله غدى نحتاج واحـد دليـل=والعرب مانكبها غيـر هقواتهـا

ناصر مرسال

ان حفرت القبور اللي عليها النثيل=الجنايـز تقـدم لـك تحياتـهـا
لاتعذرب بطعم الهيل والهيل هيل=اقتدو بالرجال وسـوو سواتهـا

منيف المنقرة

انت يامكلم الموتى ياراع الاصيل=العرب لاكذبت تنشاف كذباتهـا
قرّب النار ياناصروشب الفتيـل=الرجاجيـل خربانـه علاقاتهـا

ناصر مرسال

تحسب الذيل راس وتحسب الراس ذيل=مانحسـد اليمانيـه عـلـى قاتـهـا
شبّت النار شبّت وانت ليلـك طويـل=أم حيـلات ماتنـجـح بحيلاتـهـا

منيف المنقرة

ماسمعنا هدير ولا سمعنا صهيل=غير كويه بجبهتهـا وعلباتهـا
والله اني ماثوّر بالقطيع الجفيل=حافظٍ بندقي واعـرف زماتهـا

ناصر مرسال

انت عادل وحقّاني وهرجك جزيل=شاهدة كويـه العلبـاه بمراتهـا
من يقول المربع يشبه المستطيـل=لاتغرّ العـرب وتقـل هوماتهـا

منيف المنقرة

لو حسبنا لها بالخط ستين ميل=كل من لحقها في دربها فاتهـا
تو حمل الجمل شقران توه يميل=وانا ماقول حاجه غير بثباتهـا

ناصر مرسال

زوّد الكيل ياكيال ياللي تكيـل=ليلتك خرمسيه عـد ساعاتهـا
ماتميل الرجال وعمرها ماتعيل=والمساكين تخطي درب سكاتها

منيف المنقرة

من ورى حقل هجره يعرفوها حقيل=تختلف في مناظرهـا وعلاماتهـا
ابرهه لوغزى راكب ثلاثين فيـل=ناكبـه ربنـا بالطيـر وسواتهـا

ناصر مرسال

من ورى حقل غزّه والبلح والخليل=كان ضلعك متين انطـح معداتهـا
ياعميل انتبه تنقص حقوق العميـل=شفت الارض ارصفتها كبر صباتها

.
.
.
.
.
.
إحترااامي للجميع