انا فتاة الحيّ بنت إبن غافل...قصيدة الزعبيه !!

[عبدالله الجـــذع]

انا فتاة الحيّ بنت إبن غافل...قصيدة الزعبيه



قبيلة زعب هو: زِعْب بن مالك بن خفاف بن امرىء القيس بن بهثة بن سليم بن منصور بن عكرمة بن خصفة بن قيس عيلان بن مضر بن نزار بن معد بن عدنان بن ادد من نسل إسماعيل بن إبراهيم الخليل عليهما السلام

وهذه قصة حرب قبيلة زعب مع إشراف مكة من أكثر من خمس قرون، وصاحبة القصيدة من قبيلة زعب، وهي بنت أمير من قبيلة بني زعب السُـلميه، ويقال له (الشيخ بن غافل الزعبي) عندما اراد الشريف أن يستولي على إبل جارٍ لهم من قبيلة حرب ولكنّهم رفضوا ذلك ودافعوا مُستميتين عنه حتى الهلاك.. وقد إستمرّت الحرب خمسة عشر عاماً كماهو واضح في البيت 22

والقصه طويله..والقصيده تشرحها..وهي قصيدة ((فتاة الحيّ)) بنت إبن غافل:
يُقال بأنها بعد أن هلكو قومها تاه بها جملها في الصحراء.. فإلتقفها حشد من قبيلة الدواسر(كما يتّضح في البيتين 49 و 50
وزوّجها عقيد القوم لإبنه خاصّه بعد ماعلِم أنها من تلك القبيله وإبنة ذلك الرجُل وأنجبت ولد أسمته سبّاع..وذات يوم همزتها إحدى نساء الحيّ(يُقال أنها عمّتها اُم زوجها)وهذا يتّضح في البيت السادس.. وقد إتّهمتها بأنها مغموزة النسب او (خضيريه) حيث أن اللبن حينما يُخلط به الماء يُسمّى خضاره عند اغلب الباديه .. حيث قالت:

يازعب يازعّابة الما مع اللبن=يازعب ياللي ماعرفنا جدودها

القصيده:

تهيَّضْت ياسبّاع لدارٍ ذكرتها=ولاعاد منها إلا مواري حيودها
سبّاع أمّك تبكي بعينٍ حفية=ودموعها تحفي مذاري خدودها
ولكنّ وقود النار باقصى ضميري=هاضَ الغرام و بيّحَ الله سدُودها
ولكنّ حجر العين فيها مليلة=ولكنّ ينهش موقها من برودها
دمعي! يشادي قربةٍ شُوشليّة=بعيدٍ معشّاها زعُوجٍ قعودها
زِعبيّةٍ ياعمّ ماني هفيّه=ولاني من الليّ هافياةٍ جدودها
أنا من زِعبٍ وزعب إليا أوْجَهوا=على الخيل عجْلاتٍ سريعٍ ردودها
أهل سربةٍ لااقفت لاكِنّها مهجّرة=وِاليا أقبلت كنَّ الجوازي وُرودها
ولاطاح طايحهم بشوفي ترايعوا=تقول فهودٍ مخطياتٍ صيودْها
ولاصاح صايح بالسبيب! إفزَعوا له=وعزّي لغمرٍ ثبَّرت بهْ بلودها
لحقوا على مثل القطا يوم وَرَّد=متغانمٍ عينٍ قراحٍ يرودها
خيلٍ تغذَّى للبلا و المعارك=ترهِق صناديد العِدا في طرودها
لا تلقّحونَ الخيل يا زعب ياهلي=ترى لقاحَ الخيل يردي جهودها
إن جَتْ سماحَ الخدّ! مايلحقِنْ بكم=وان جت مع السّنْدا لزومٍ يكودها
جانا الشّريف بدارنا وإلتقينا=عليناالقبايل جامعينٍ جنودها
طَلَبْ علينا الخُورهجمة قصيرنا=مصملٍّ يبغي حنازيب سودها
يَامَا عطينا دونها من سبيّه=تسعين صفرا حسبها ومعدودها
تمامها شعيطان..خيّالة مهوّس=أصايلن صنع النّصارى قيودها(1)
يقطع قبيلةٍ ضفّها مايذرّى=تشبه جمالٍ عظها في بدودها
قصيرنا في راس عيطاً طويله=يحجّي ذراها من عواصيف نودها
عيّوا عليها لابِتي واحتمُوها=بمصقّلاتٍ مرهفاةٍ حيودها
حَرَبْنا وتوّ البنت نشوٍ بها أمها=لين إستتمت واستوى زين عودها
تسعين ليلة والعرابا معقّلة=شمخ الذرى ومحجزاتٍ عضودها
شقح البكار الليّ زهنّ الجنايب=قامت تضالِع من مثاني زنودها
خيلٍ تناحيها وتضرب بالقنا=مثل التهامي يوم أحليّ جرودها
وبنات عميّ كلّهن شقّن الخبا=بيضِ الترايب ضافياةٍ جعودها
على الحنايا ناقضات الجدايل=سمر الذّوايب كاسياتٍ نهودها
وجيهٍ تشادي مزنةٍ عقربيّة=أقبل مطرها يوم حنّت رعودها
كلهن نهارَ الهوش ينخَنْ إرجالهنْ=ستر العذارى بالملاقا اسودها
لباسةٍ للدّرع والطاس باللقا=وعلى سروج الخيل كودٍ سنودها
مِن صِنع داودٍ عليهم مشالح=تجيبه رجالٍ مِن غنايم فهودها
ياما إطعنوا من حربةٍ عولقيّة=شِلفٍ تلظى يَشرَب الدَّم عودها
الليّ ايتموا في يوم! تسعين مُهرة=مامنهن الليّ ماتلاوي عمودها
وتسعين مع تسعين والفين فارس=تحت صليب الخدّ تِطوى لحودها
تسعين بني عمي وابوي واخوتي=وتسعين فارس واللواحي شهودها
قبيلةٍ كمّ أذهبَت مِن قبيلة=لاعِدّت الجودات! ينعَدّ جُودها
زِعب هُم أهلَ المدح والمجد والثنا=من الربع الخالي للحجاز حدودها
إن أجْنبوا! فالصّيد منهم تحوّز=وضيحيها ومن الجوازي عنودها
وِن أشملوا! تهجّ مِنهم قبايل=ودارٍ يجونه! ضدهم مايرودها
لامِن نوو في ديرةٍ! ينزلونها=تِقافت الاظعان عَجلٍ إشدودها
إركابهم يمّ العِدا مِتعبينها=بيِض المحاقب مفتراةٍ لهودها
يَامَا خَذوا من ضدّهم مِن غنيمة=ولا ذوّقوله لطمةٍ! مايعودها
بنَمرَاً تشـادي للجراد التهامي=ماطاعت الحِكّام من عظم زودها
أشوف بالحَرّه ضعونٍ تقللّت=وابوي حمّاي السرايا يذودها
شَفّي معه صَفراً تباريه عَندل=مَرٍّ يباريها..ومَرٍّ يقودها
وانا! فتاة الحيّ بنت إبن غافل=وكم مِن فتاةٍ غَرّ فيها قعودها
شرشوح ذَودٍ ضاربٍ له خَريمة=ما ودّك يشوفه بعينه حسُودها
حوّلت من نظوى ورقيت سرحه=وسوّيت عِشٍّ في مِثاني فنودها
وجوني ركابٍ نوّخو في ذراها=وشافنيْ عِقيدَ القوم زيزوم قودها
قال انزلي يابنت وانتِي بوجهي=ولا جيته إلاّ واثقه من عهُودها
أمرٍ كِتبه الله وصار وتكوّن=تسبّب عليّ من الأَعادي قرودها
بكونٍ شِديدٍ ماتمنّاه عاقل=تعدّه عيالٍ عادها في مهودها
ذكرت وقتٍ فايتٍ قِد مضى لهم=ويومٍ علينا من ليالي سعودها
ضوٍّ زمت للمال من غب سريَة=وضوٍّ زمت عودان الارطىَ وقودها
لكنّ قرون الصّيد باطراف بيتنـا=هشيم الغضى يدنى لحامي لهودها
تسعين عينا صيدنا في عشيّة=وضيحيّةٍ نجعل دلانا جلودها
قنّاصنا يروح شريقٍ وينثني=ويجي بالجوازي دامياةٍ خدودها
وروّاينا يارَد بيومه وينثني=ويجي بالعلاسي لاحقاةٍ حدودها
وغزّاينا يغزي بيومه وينثني=ويجي بالعرابا ضايمتها ديودها
لنا بيـن ((حَبْرٍ والغْرابات)) منزل=نهدّ في زيَن العرابا قعودها
حنّا نزلنا الحزم تسعين ليلة=وغلّ الأعادي لاجيٍ في كبودها
لامن حجى معنا عليمٍ ولا ذرى!!!!=إلاّ شخوص العين قَباً نقودها
ِقليبنا غزيرةَ الجمّ عيلم=ما ينشدون إصدورها من ورودها
طولها ثمانٍ مع ثمانٍ مع أربع=وسطٍ من الصفرا وقبلي نفودها
أهل عقلةٍ بالحاذ حدٍ من الغضى=مادارها الزرّاع يبذر مدودها
ألفين بيتٍ نازلينٍ جباها=والفين بيتٍ بالمظامي ترودها
تخالفوا في يوم تسعين لحيَه=علشان وقف الأجنبي في نفودها
دارٍ لِنا ماهيب دارٍ لغيرنا=تحدّها الرّمله والموارد عدودها

وسلامة الجميع

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[وافي الخماش]

سالم وغانم يالذيب ايه هاذي المواضيع ..

[عبدالله الجـــذع]

هلا ياوافي

منور لاعدمت راسك


محبك

.,

[عبدالله بن دبيس العتيبي]

الله يعطيك العافية ياخوي عبدالله على القصه والقصيده الرائعتين

هذي تعتبر من اجمل القصائد التي قيلت ودائم تردد في المجالس

ملحمه عظيمه جسدتها لنا شاعره بمعنى الكلمه


وتقبل تحياتي

[عبدالله الجـــذع]

فعلا كلام صحيح

الف شكر لك يالغالي ع المرور الرائع
والاطلاله المبهجه

لاعدمناك

محبك

,

[/عبد العزيز الجذع/]

الله اكبر..



قصة وقصيدة ولا اروع..


سمعتها من راوي في قناة الواحة وكان اسلوبه جميل جدا..


الف شكر يالغالي..

[عبدالله الجـــذع]

هلا عبدالعزيز

حياك ومنور يالغالي


محبك

,’

[خلف القثامي]

لاهنت ياعبدالله ع القصه والقصيده

وسبق ان سمعتها من راوي استضافته قناة الواحه

وهو يروي القصه ويحكي انها الواقعه حصلت في الافلاج

وبعد وفاة اهلها سارت البنت الى شجره كبيره وتسلقت عليها

وجاء رجلين من الدواسر وجلسا تحت الشجره الكبيره في عز القايله

وسمعوا صوت فوق روؤسهم والتفت احدهم واذا البنت متسلقه

وناداها ونختهم نخوة العرب ان لايقربوه وان يحمونها واخذو

معه المراءه وطلبت ان يتزوجها لان مقطوعه من شجره

يعني ربعها راحوا وبقت وحدها

وتزوجها الدوسري وانجبت ولدا وسمته اسباع


والمعروف ان قبيلة زعب هاجرت من جبال الحجاز الى شمال الجزيره

العربيه قبل اكثر من اربعة قرون

وهي تعود في سليم

ولك مني الشكر الجزيل ع نشر القصه والقصيده

وتقبل تحياتي

[عبدالله الجـــذع]

الله لايهينك ياخلف يالغالي
على هذه الاضافه الجميله للموضوع

استفدنا الكثير منها

دما تميزك وابداعك

محبك
.

[خلف القثامي]

حوّلت من نظوى ورقيـت سرحـه
وسوّيت عِشٍّ في مِثانـي فنودهـا
وجوني ركابٍ نوّخـو فـي ذراهـا
وشافنيْ عِقيدَ القوم زيزوم قودهـا
قال انزلي يابنت وانتِـي بوجهـي
ولا جيته إلاّ واثقه مـن عهُودهـا
أمـرٍ كِتبـه الله وصـار وتكـوّن
تسبّب عليّ من الأَعادي قرودهـا


وهذا الشاهد ع القصه التي كتبت اعلاه