اخبار محاورات الصيف

[ابو شرف]

سلام

يالربع عطونا اخبار الصيف وش صار من ملاعب وش صار على المنصوري قابل مين وحبيب قابل الرياحي ورشيد قابل الشيخي وحفل خديد صار ولا بعد وحفل الدهامين وش صار عليه عطونا الاخبار اول باول والله القسم هذا بارد مافيه تفاعل من الشباب ماغير الخماش والمقاطي وبعض الشباب اللي ماقصروا المهم انا لن جاني علوم ابعلمكم وانتم كذلك.

تحيات اخوكم:محمد الثبيتي...

[/عبد العزيز الجذع/]

مشكووور على الفكرة...


وانا والله اني لو احضر حفلات ابشرو بالتغطية لكن اكثر الحفلات في الحجاز وفي الطايف..

[وافي الخماش]

اسمع العلم يالذيب ..

سلطان المنصوري لعب مع الرياحي ومع محمد السناني وسفر الدغيلبي وشعراء اخرون وكانت حفلة مضبوطة والصفوف صفوف السوطة كلها طواريق قديمة في قصر السلام ..

كذلك سلطان المنصوري وفيصل الرياحي وسفر الدغيلبي وغازي الميموني في قصر ليلة فرح ..

كذلك سلطان المنصوري لعب مع الشيخي و ابن عتقان في قصر الغمير ..

وجات حفلة حبيب وملفي وصقر السلمي وبين السمي جا طاروقين بن حبيب وصقر كذلك حبيب وملفي في قصر الخالدية والاخوان نزلوها صوتية ..

كذلك حبيب وزيد العضيلة والجلاوي وصقر وحمد الشيباني وعبدالله القثامي ... زيد العضيلة لم يلعب مع الجلاوي ّ!!! وازين مافي الحفلة طاروق حبيب وصقر نزلناه كتابي وصوتي ..

واعذروني على التصوير جوالي مافيه كاميرا ...

[وافي الخماش]

كذلك لعب ابو مشعاب وبخيت السناني والجلاوي في ليلة فرح (( حفلة عادية ))

[ابو شرف]

عبد العزيز الجذع بيض الله وجهك على المرور ومعذور ياطويل العمر.

وافي الخماش دايم متالق وبيض الله وجهك لكن بغينا اخبار حفلات الزير الله لايهينك..

[وافي الخماش]

ابو شرف الحفلات الي يرسلونها الي ما يحددون زير ولا لعب عايدي والا الان على ماظن ماجاء جفلات زير ..

[الباااسل]

أنا عندي لكم خبر


الخميس القادم في الدوادمي عرجا قصر الأسطوره حفله تجمع كلاً من



حبيب العازمي وملفي المورقي وزيد العضيله وتركي الميزاني وبحضور قناة المرقاب




أما بالنسبه للمحاورات اللي فاتت


صار محاوره جمعت شعراء برنامج شاعر المعنى

حزام العصيمي وزامل السبيعي وعايض المشعلي ومعهم الشاعر حمد الشيباني



وجمع حزام وزامل طاروووووق ممتاز جداً جداً


ورباعيه كانت جميله خصوصاً بين حزام وزامل





ولدي إستفسار


نبي خبر ومقاطع عن حفلة الرياض التي جمعت مستور وحبيب والقرقاح والعضيله

أكيد إنها ممتازه

[/عبد العزيز الجذع/]

زيد العضيلة لم يلعب مع الجلاوي..!

يعني الجلاوي طلب زيد وزيد رفض...!!

[بدر الكريزي]

""

عز الله إنك وافي يالخماش ..

لكـن ما فيه أخبار عن .. مديرنا وصل ؟! ..


""

التوقيع

قرأت فيما قرأته من بلوغ المرام ., اللي ترك شيء لله ( عاضه الله بخير ) ., ., استغفر الله العظيم , و أتوب إليه ‘.

[وافي الخماش]

المشاركة الأصلية كتبت بواسطة /عبد العزيز الجذع/

يعني الجلاوي طلب زيد وزيد رفض...!!

لا يالغالي بس مالعبوا في الحفلة وانا سمعت ان زيد يقول ماهو بلاعب مع الجلاوي واخر حفلة بينهم الي جاب فيها الجلاوي موال عزاه وجاء بينهم طاروق كله خزى ..