((( القــلــوب خـضــر )))

[نايف ابن حديد]

غزلية آمل ان ترقى لذائقة الجميع

	الهواوي تضيق ابه الفجوج الوسيعه=لين تاقف به الدنيـا بريـع الندامـه وش جبرني على رجم الندامه وريعه=كود من تطرح الغره وتـرخ اللثامـه بدعة الحسن ماوالله وراهـا بديعـه=درةٍ دونها تسعـه وتسعيـن قامه كنها المهره السابق لجـت فالطليعـه=يفهق الخيل حافرها وهي فالزعامه مع بلاوي محاسنها هضيـم وتليعـه=نابتٍ عودها في بيت عـز وكرامـه يوم قفت تسابقها خطاهـا السريعـه=قام طير الحشا يصرخ ويكبر حطامـه ذقت باسبابها مر الغبـن والفجيعـه=الله انـه يجازيهـا ليـوم القيـامـه ضيعتني وضعت وزدت ضيعه وضيعه=ضيعت الطير في ليلٍ توشح ظلامـه واقفٍ دونها حد الخطـر والشريعـه=مايجيها يكود اللـي يبيـع السلامـه احسبني عن الخفرات نفسي منيعـه=واثرني وارثٍ كاس الغـرام ومدامـه والوحش لو تحرز فالجبـال الرفيعـه=كان وان قدر الله حولت بـه حمامـه اتركوني ياعذالـي يمـال القطيعـه=ماحـدن يمكـم لاتكثـرون الملامـه اتحدوني على شيٍ وانا مااستطيعـه=تحسبون المحبه مثل لبـس العمامـه الهوى دم قلب..وورث جد..وطبيعـه=ماتشوفون في حالي لفعلـه علامـه فاعلٍ بي فعل فيصل بحرب الوديعـه=وفعل سلطان في مكه ويوم الرغامه اخضعت للهوى نفس الهواوي مطيعه=عظ كفه ندامه واعتـرف بانهزامـه والهوى منه قد لحق الدجيما هزيعـه=والوضيحي وابو زيد الهلالي سلامه

[محمد العتيبي]

الله اكبر على الشموخ ..

ماشاء الله صح لسانك يابن حديد

على هذه الشامخه ولله درّك ..

نترقب المفاجأه القادمه

التوقيع

للتواصل عبر twitter تويتر al_bargawy@

[عبدالله الجـــذع]

الله اكبر يانايف

شامخه فعلا يالشامخ

الف شكر لك يالجزل على امتاعنا بهذه الدره


ننتظر جديدك


محبك

.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[بدر الكريزي]

""

الله الله ..

صـح لسانك يا نايف على هذه الدره ..

تجبرنا على إنتظار جديدك ..

فلا تبطـي ..


""

التوقيع

قرأت فيما قرأته من بلوغ المرام ., اللي ترك شيء لله ( عاضه الله بخير ) ., ., استغفر الله العظيم , و أتوب إليه ‘.

[فواز علي الروقي]

صح لسااااااااااااااااانك
والله لايهينك
تحياتي لك

[نايف ابن حديد]

المشاركة الأصلية كتبت بواسطة محمد العتيبي

الله اكبر على الشموخ ..

ماشاء الله صح لسانك يابن حديد

على هذه الشامخه ولله درّك ..

نترقب المفاجأه القادمه

صح بدنك يامحمد العتيبي

مرورك فخر يالسنافي

[/عبد العزيز الجذع/]

الله..


صح لسانك على هالرائعة..


ونترقب جديدكـ..

[السبيــــعي]

الهوى دم قلب..وورث جد..وطبيعه
ماتشوفون في حالي لفعله علامه


راعي الحب مفضووح
ههه.. رااائعه يا نايــــف

صـــح لسانـــكـ يالغالي

قصيدة ولا أجمل

الله عليك

[مرزوق حمدان العتيبي]

...
.
رائعه وتستحق الاشاده يانايف..
.. صح لسانك ....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[أبو نجر النفيعي]

..

الله الله يا نايف ..

صح لسانك على هالرائعه ..

وفي انتظار جديدك ..



أخوك

التوقيع

.....