العزوبي كلكم تدرون به والله يعينه!!!!

[مازن بن سعد بن شبلان]

بسم الله الرحمن الرحيم
السلام عليكم ورحمة الله وبركاته


هذه قصيدة اتمنى أن تنال على استحسانكم ورضاكم واتركها تتحدث عن نفسها

هيه يالي نبش قلبي وحرك كنينه= هيه يالي سألني جاك رد السؤال
قالوا أعرست قلت العرس ويني ووينه= بينه وبينه مشاريع(ن) عريضات(ن) طوال
كان ودي من قبل تسأل اخليها دفينة = لكن إصرارك على التبرير خلى لي مجال
طالب ودايم مع الدكتور في جيمه وسينه= واصبح التزويج للطلاب أمرٍ مستحال
قالو الطالب مسيكين مايملا يدينه= لو جمع له قرش أو قرشين قافيها الزوال
قلت أنا ورزق الموظف ياجماعة ضامنينه= أو ضمنتوا له دوام العافيه طول الليال
بس أنا مؤمن ورزقي ضامنه والله ضمينه= وأعرف إن الرزق بعد الله على بنت الحلال
صح لوقلتوا زمنا صعب وأسعاره ثمينه= لكن الأصعب يضيعون البنات مع العيال
العزوبي كلكم تدرون به والله يعينه = والعوانس يحترنه مير مابه راس مال
لو بغى يجمع مهرها راح يشفى في سنينه= ثم تراكم فوق ظهره من ديونه كالجبال
صار طبع(ن) بين جل الناس ياقبحه وشينه=الزيادة في المهور وفالزيادة لاتزال
جمليني ياهجوسي وانهجي فالي تبينه= وابدعي مادامني خليت لك وقت ومجال
في هوى قلبي وروحه في غرامه في حنينه= فالتي نالت بقلبي شئ لايمكن يُنال
ساسها ساس(ن) عريب وتتبع الهادي بدينه= بنت شيخ(ن) من طحاطيح العرب روس الرجال
من بغى ستر وعفاف(ن) حق ياربي تعينه= فا أعني ياعظيمٍ عز جاهه ذو الجلال
والصلاة مع السلام عداد خطٍ كاتبينه= وعد ماوبلٍ تهامل من مراديم الخيال
للنبي الي عسانا في طريقة تابعينه = وياعسانا من يدينه نشرب الماء الزلال

شعر / مازن سعد العضياني

[محمد النخيش]

الله الله يامازن صح لساااااااااااااااااااااااانك ابداع وجزاله

دام لنا تواجدك




ننتظر جديدك

التوقيع

اطلـق سـراح الفكـر وابـعـد مجـالـه حتى تصيد الشرد وتطـوع الشـرد واتعب على الكلمه وشعر الجزاله واللـي يجمـل للعـرب تسـرده سـرد فالشعر يبقـى شعـر راع الاصالـه اللـي بشعـره منـفـرد بالـجـزل فــرد تويتر: alnkhish@

[مازن بن سعد بن شبلان]

صح بدنك يا أبو مناسيب

شاكر ومقدر,,,,,

[مرزوق حمدان العتيبي]

...
.
صح لسانك يامازن وعسى الله يزوجك

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[متـعـب المهيدلي]

صح السااااااااااانك


مازن مبدع يالغالي



محبك

[/عبد العزيز الجذع/]

الله..


صح لسانك يا ماجد...


تحياتي...

[مازن بن سعد بن شبلان]

مرزوق العتيبي ,متعب المهيدلي , عبد العزيز الجذع

صحت أبدانكم وإعتلى شانكم

والله يرزقنا وإياكم الزوجة الصالحة والوظيفة المباركة

دمتم بحفظ الله,,,,

[ابو فايح]

ابداع ليس له مثيل صح لسانك يا مازن

[عبدالله الجـــذع]

مازن فوق الوصف

صح لسانك ملايين يالغالي


لي اكثر من عوده لتأمل الروعه

ننتظر جديدك

محبك

.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[مازن بن سعد بن شبلان]

أبو فايح , عبد الله الجذع

صحت أبدانكم وأعتلى شانكم وأشكركم على هذا الإطراء وأتمنى إنا نكتب مايحوز على رضى القارئ والمستمع الكريم

وأسأل الله التوفيق لي ولكم

دمتم بحفظ الله,,,