رهــــــــن الإشــــــــــارة للشاعر المبدع/ســــــــــداح

[فيصل المسعودي]

للشاعر الجزل والمبدع/

ســــــــــداح

يا وسع صدري مير للضيـق مرهـون=وأن ما توسّـع كلّـه .. يضيـق كلّـه
يمشي تحت رهن الإشاره على الهـون=وترمي عليـه مـن السلـوك وتتلّـه
وسلوكها ما بيـن ناشـف ومدهـون=وصـدري ليـا قامـت تلامـس تعلّـه
أحيان أجامـل وأتـرك السـدّ مدفـون=وأضحك مـا بيـن الخطّـر المسفهلّـه
وأحيان أجي مشحون .. وأروح مشحون=وأقـول مـن يعقـد حجاجـي يفـلّـه
ثـلاث تحكمنـي ولا قلـت وش لـون=المعرفـه .. والعاطفـه .. والجبـلّـه
العقل صاحـي لكـن القلـب مجنـون=والكـل منهـم نظـرتـه مستقـلّـه !
يـا صاحبـي مـا للمحبيّـن قـانـون=والحـبّ لغـز .. ولا عرفنـا نحـلّـه
قلبـك مثـل قلبـي مكبّـل ومسجـون=أحـرار مـيـر قلوبـنـا مستحـلّـه
عسى الغـلا لازال بالحفـظ والصـون=والله يبيـحـه لا تـغـيّـر مـحـلّـه
أهديتنـي جمـره علـى راس غليـون=وأهديتـك مـن العمـر شيحـه وفلّـه
ورغم إختلاف المـدّ لا زلـت ممنـون=والشـوق يآخذنـي علـى كـل ملّـه
فوّحت دمّي لين صـار أشقـر اللـون=وأخـذت مـن مجـراه فنجـال دلّــه
ما غير أغنّي فيك لـو كنـت مغبـون=يا ملّ قلبي من غرامك يـا مـن لّـه !
دايم ضحايا العشـق لإجلـه يضحّـون=كم فاض مـن كثـر الضحايـا سجلّـه
وأنـا غديـت بحكـم فاتـن ومفتـون=راضي بحكـم الحـبّ .. والحكـم للّـه
وأن قام يكبـر بيننـا شاسـع البـون=أرفـق علـيّ وشاسـع البـون قلّـه
عـز الله أنّ الشـكّ ماهـوب مامـون=سيـف الجفـا البتـار يمكـن يسلّـه
أقنع لو أنّ الحال مـن دون فـي دون=وأخـذ الكـلام اللـي عليـه الأدلّــه
لا تشتكي لـي والعـرب وش يقولـون=شكـوا ً لغيـر الله تـراهـا مـذلّـه

[السبيــــعي]

الله علييك يا فيصل
منين تجيب هالقصايد

القافية بدعه اساسا .. كيف بالابيات؟؟

سلمت يمناك عالنقل
والله انك خربتنا.. ذالحين نبا ننتظر القصيدة الجاية

\

[فيصل المسعودي]

الإبداع مرورك

وتواجدك يالغالي

والقصائد هذي نجيبها لكي تنال لو جزء من إعجابكم

شكراً لك ولحضورك الجميل

وأبشر بالجاي

تستاهل ياولد الغلبا

تحياتي

[وافي الخماش]

فيصل المسعودي ذائقة مميزة وصح لسان سداح وسلمت يمناك يالذيب ..

[/عبد العزيز الجذع/]

الله..



قصيدة رائعة بروعة ناقلها...



الف شكر يالغالي...

[فيصل المسعودي]

المشاركة الأصلية كتبت بواسطة وافي الخماش

فيصل المسعودي ذائقة مميزة وصح لسان سداح وسلمت يمناك يالذيب ..

التميز مرورك وتواجدك يالذيب

شكراً لك ياغالي

تحياتي

[فيصل المسعودي]

المشاركة الأصلية كتبت بواسطة /عبد العزيز الجذع/

الله..



قصيدة رائعة بروعة ناقلها...



الف شكر يالغالي...

الروعة تكمن في مرورك وتواجدك يالذيب

شكراً لك ياغالي

تحياتي

[بدر الكريزي]

"


صــح لسانه المبدع / سـداح ..


شاعر من طـراز نادر ..

حرام يكتب خلف إسم مستعار ..


س/ سمعت إنه من النفعه .. هل هذا صحيح ؟ /


عافك الله يا فيصل ..

ولا هنت ..


أخووكـ

""

التوقيع

قرأت فيما قرأته من بلوغ المرام ., اللي ترك شيء لله ( عاضه الله بخير ) ., ., استغفر الله العظيم , و أتوب إليه ‘.

[فيصل المسعودي]

المشاركة الأصلية كتبت بواسطة بدر الكريزي

"


صــح لسانه المبدع / سـداح ..


شاعر من طـراز نادر ..

حرام يكتب خلف إسم مستعار ..


س/ سمعت إنه من النفعه .. هل هذا صحيح ؟ /


عافك الله يا فيصل ..

ولا هنت ..


أخووكـ

""

هلابك يالغالي

فعلاً حرام يكتب خلف إسم مستعار

وبالنسبة لسؤالك لا علم لي بذلك يالغالي

شكراً لك على هذا المرور الرائع

تحياتي