الأطــــلال!! جزلة ورااائعه لفالح بن قشعم الهاجري

[فيصل المسعودي]

للشاعر الجزل والمبدع/

فـالـح بن قـشـعــم

شاعرنا جعلها حصرية للمرقاب

وأنا أجعلها حصرية بنقلها لكم

كلي أمل أن تنال إعجابكم

يقول الحزين اللي مع الحزن صال وجال=وبـدى مرقـبٍ عـدّاه قبـل المسيّانـي
انا كنت اعذل الليّ يقول الرجم غربـال=خرافات بـدوٍ مالهـا قاصـي ودانـي
رقيته بعد مامال فـيّ العصيـر وطـال=ولقيت وجهـي للهوى غيـر ماامدانـي
تهاوت مراميس المواجع علـيّ بالحـال=ولا أحتلت فالأول ولا أحتلـت فالثانـي
اكن المواجع وأنقل الحمل لامـن مـال=ويحس بوجعهـا واحـدٍ جـاه ماجانـي
وجودي ليا لديت فـي باقـي الأطـلال=وعرض لي من الماضي تشاكيل والواني
تغيّبت مـن واقـع حياتـي وأنـا لازال=على قيدها واظـروف وقتـي تحدّانـي
تشقويت فـي قلـبٍ خوافيـه ماتنقـال=وتذريت من عينٍ تبـي بـوح وجدانـي
وشكوىّ لغير الله عيبٍ علـى الرجـال=خصوصٍ ليا من صار طيّب وله شانـي
يحـلّ العقـود اللـيّ مايلقالهـا حـلال=ولايتقـي لاصـار للعـلـم نيشـانـي
هاذي والله الليّ عللّت بي وانا ماأحتـال=اغيّـر فسَلـم ابـوي واسلـوم جدانـي
ربينا على قـوّ العزايـم وطيـب الفـال=ويلين الحديد وقاسـي الـراس مالانـي
لوّ ان الزمان ايحدنا والظـروف اثقـال=تبسـم حدينـا كـنّ ماكايـنـن كـانـي
تلاميذ مجلس طيب مـن عادنـا جهّـال=ولاغيرتـنـا العولـمـه والتـمـدانـي
ولانقول في هذا ولا في هـذاك اجـدال=تبسّامنا مطلوب فـي بعـض الأحيانـي
نساير جميع الناس من مختلف الأشكـال=وقناعتنـا فعقـول ماهـيـب فلسـانـي
والى صد من بعض المواقف رديّ الخال=نبيّـن ولافيـنـا جبـانـن وخـوّانـي
تعديبنا الشيمات مـن مجلـس الانـذال=ولانتبـع المقفـي ولانزعـل العـانـي
نعشق المراجل عشق وايل لبـن هـذال=وانحب الظفر حب الهواجـر لقحطانـي
جميع الخصال الطيبّه جـات بأسترسـال=علـى مرقـبٍ مبـداه ماهـو بيخفانـي
بديته حزين وكـل مافيـه ضيقـة بـال=وحوّلـت منّـه كـنّ ماكاينـن كـانـي