ll الجـذعـان ll

[زبن الدخيل]

مساء الشعر .. مساء الفخر
قصيدة اخاطب فيها الأسطورة سلطان عبدالله الجذع

الا يالله ياعالم خفايا الصدر والاسرار = عظيم الشان رب الكون منجي من توسله
تجيرني وانا عبدك عذاب القبر وايض النار = وتجعلني مع اهل الخير واللي دوم دورله
بعدها ياهجوسي خابرٍ صرفك كما البيطار = جزيل القول واصل القول واللي زاين كله
نبا نسبح بحر وايضا نبا ننحت على الاحجار = نبا نطلع جبل ونرد في قوم الضفر جزلة
خيول الجذع لامنه قدح للحرب ضو اشرار = تميزها مواقفها نهار الحرب والدقله
ياطيب رجالهم فالحرب تقدم معتلا واصرار = منايا من يحاربهم شرب فنجال فالدله
ولو ان الملك يسمح بتقديم الجذع هاصار = امر تحرير قدس من طغا شارون محتله
ولو امدح ولو اكتب ولو اقول في استمرار = قصيدي مايوفيهم دقاقه كان او جله
مغير امازح اللي له ثلاث اشهور ماجا زار = فؤادي من غيابه يوم ابطا بالقلق تله

وسلامة قلوبكم ..
فيصل القثامي
(( أبوكايف ))

[/عبد العزيز الجذع/]

الله الله..

صح لسانك..


جزلة يالجزل..


وما عليك زود يالقثامي...


وبيض الله وجهك...


والف شكر يالغالي...

[زبن الدخيل]

أررررررحب ياعبدالعزيز وصح قلبك
ووجهك ابيض ولاهنت على اشادتك

[عبدالله الجـــذع]

زبن صح لسانك يالذــيب مدد بلاعدد

وماعليك زود يابن العم

ليست بغريبه ولابعيده عنك الجزاله

محبك

.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[سلطان الجـذع]

,,,

فيصل .. للكلمات لغة سامية..وللحروف لغة روحية
تستطيع ان تخرج ..المشاعر والاحاسيس
لتترجم الافكار العذبة..وتسطرها ايادي الابداع
بــمعية القلب والعقل..وما المسه هنا. يافيصل ..

انت لم توجه لي قصيدة فحسب بل وجهت لي فخر ..
أضعه وسام على صدري ماحييت


فيصل تعجر الكلمات لتعبر عن روعه شعرك وشكري لك .
وأكيد اني أمام امتحان صعب ..ولكن الله يجملنا معك ..



,,,

[معجب العتيبي]

صح لسانك يافيصل


ويستاهل الجذع

التوقيع

[رايدالجعيد]

قصيدة جميلة وفاء من أهل لأهله

صح لسانك مليوووووووووووون و لا يكفون

تحياتي لك

أخوك

رايد الجعيد

[زبن الدخيل]

مرحبا ياعبدالله صح بدنك وسلمت على اطرائك
ولاهنت على المرور

[محمد العتيبي]

الله عليك يافيصل ..

يعلم الله اني استمتعت بقراءة هذا النص الفاخر ..
والله ونعم في ربعنا الجذعان ..
وصح لسانك يافيصل ..
...

التوقيع

للتواصل عبر twitter تويتر al_bargawy@

[زبن الدخيل]

سلطان الأسطورة .. اعتذر لفقر أحرفي أمام ماكتبت
صح قلبك وكلك والجذعان يستاهلون وانت تستاهل