صياف الحربي (رحمه الله) ××حبيب العازمي

[/عبد العزيز الجذع/]

اليكم هذه المحاورة بين حبيب العازمي وصياف الحربي
وبدايتها..عندما شاهد الشاعر صياف عواد السحيمي الحربي الشاعر حبيب دغيم العازمي العتيبي يشارك ببرنامج البادية لأول مرة دارت بينهما هذه المحاورة:



يقول صياف:

جانا ببرنامج حياة البادية شاعر جديد=يامرحبا باللي على عز وشرف سار قدمه
يالعازمي ليلٍ رمابك في يدينا ليل عيد=لكن اظن الذيب تال الليل يفتح لك فمه

فقال حبيب:

ماجاكم الا خصمكم والله يدبر مايريد=دام البقاء والحق يقضي فيه قاض المحكمه
انا حسبت احساب وقتي من قريب ومن بعيد=وليا لقيت الذيب اسمي باسم ربي وارجمه

صياف:

حنا رجال ولا يخوفنا التهدد والوعيد=من لايعرف العلم.. بالعلم الحديث نعلمه
تراك لا ذلحين ماعلمت بالعلم الاكيد=اقلط على سبع الخلا يلزمك والا تلزمه

حبيب:

انتم رجال وكل رجال يفيد ويستفيد=محدٍ يعلم عالم يقرا ويكتب بقلمه
ماخاف من سبع الخلاء وانا معي سيف حديد=واللي يجي من تحت حد السيف الابيض يقسمه

صياف:

ياكثر ماتزرع وتحصد مار مادري وش تصيد=لاحضروا الكتاب طلع علمك اللي تزعمه
ياكبر حظك لو حضرت العيد واليوم السعيد=لكن حظك لو بنى لك بيت بكره يهدمه

حبيب:

انته تجاهلت الرسايل عقب جاتك فالبريد=وليا دخلنا المعركه من تقدره لاترحمه
ياكبر حظي وانت حظك قام ينقص مايزيد=وليا فتحت العين ابكحل نون عينك و الطمه

[يزن الهيلوم]

شعار معني صحيح
مشكور ياعبدالعزيز

[/عبد العزيز الجذع/]

لاهنت يالغالي على المرور...

[عبدالله الجـــذع]

الله,,

محاوره جميله جدا
ومعاني رائعه

رحم الله صياف
وأطال بعمر ابا فيصل

الف شكر
محبك
.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[/عبد العزيز الجذع/]

مشكوووور يالغالي على المرور...

[أبوبنـدر]

رحمة الله عليك ياصياف

وبالفعل شاعرين من قمم المحاوره

[/عبد العزيز الجذع/]

لاهنت يالغالي على المرور...

[ابو شرف]

بيض الله وجهك.

[/عبد العزيز الجذع/]

مشكوووور يالغالي على المرور...

[قادح شرار]

يا وجه الله .

هاذي المحاورة الشديدة .

وفعلا ً حبيب العازمي أثبت نفسه فيها وبقوة أمام ركن من أركان المحاورة .

رحم الله صياف الحربي , وأطال بعمر أبو فيصل .

مشكوووووور يا أبو عزة , وتراك أقديت يوم جبت محاورة مثل هاذي .

تحياتي وتقديري لجنابك .