مايـجـرح الـــروح غــيــر طــعــون غـالـيـهـا ( مـشـعـان الـبـراق)

[فيصل المسعودي]

قصيدة للشاعر المبدع/

	مـــشـــعـــان الـــبـــراق

لا أخذت في خاطري من واحد ٍ غالي=ماعاد ابي الناس قاصيها ودانيها
ماعاد ابي اللي ينشّدني عن احوالي=العزله .. ابرك من الدنيا ومافيها
اجلس لحالي وانادم نفسي لحالي=مهموم / وهمومي الله لايحييها
اغيب عن مجتمع خلق الله أشوا لي=وادلّه النفس .. لين الله يسويها
اضحك وانا الصدز .. لاداله ولا سالي=من ضيقة ٍ ماتجنّب عن حراويها
لا اونستها في ضلوعي كنها الصالي !=الناس ماعاد اناديها بأساميها
كنيتها لين شفت الشرّ في حالي=عجزت لأهرج بها وازريت لا أخفيها
ان جيت ابهرج بها شي ٍ ماينقالي=وان جيت ابسكت لـ( نار ٍ من يصاليها ) !
حتى تساوا مذاق المر والحالي=حسبي على كلمة ٍ ماني بناسيها
ياليتها من عدويني وعذالي=والله لـ( تلقى ) الجواب اللي يدوايها
لكنها من حشيم ٍ منزله عالي=احترت فيها ولا ادري وين اوديها !
مردودها كل مامنّه تهيّالي=شيّمت نفسي عن اولها وتاليها
تمرني .. جعل والله مالها والي=ماكني اوحيتها من فمّ راعيها
واصد من دون لا أشاور ولا أمالي=بضاعة ٍ بين بايعها وشاريها
ماني بـ( ناقص ) غرابيل اول وتالي=روحي من الوقت فيها مايكفيها
سوالف ٍ كل مامرت على بالي=سمحت من خيرة ٍ كنت متحريها
ياحرّ كبدي وياهمي وغربالي=مصيبه ان كان حاميها حراميها
ضايق وضاقت بي فجوج الخلا الخالي=( والنار ماتحرق الا رجل واطيها )
مهما يدور الزمان ويأمن الجالي=مايجرح الروح غير طعون غاليها

[السبيــــعي]

الله علييييك يا فيصل
منين تطيح على هالقصايد
رووووعـــــه

ياليتها من عدويني وعذالي ** والله ل( تلقى ) الجواب اللي يدوايها


لاتحرمنــــا من القادم

[محمد العتيبي]

مبدع دائما .. صح لسانه ..

وتسلم يداك يافيصل ..
...

التوقيع

للتواصل عبر twitter تويتر al_bargawy@

[Man من العتبان]

مايجرح الروح غير طعون غاليها . . . صح لسان مشعان البراق

وسلمت أناملك على كتابة القصيدة الرائعه يا فيصل المسعودي

دمت بود

[/عبد العزيز الجذع/]

مشعان البراق...


قمة في الابداع...



صح لسانه..


والف شكر يا فيصل على النقل..

[فيصل المسعودي]

المشاركة الأصلية كتبت بواسطة السبيــــعي

الله علييييك يا فيصل
منين تطيح على هالقصايد
رووووعـــــه

ياليتها من عدويني وعذالي ** والله ل( تلقى ) الجواب اللي يدوايها


لاتحرمنــــا من القادم

لذوقكم الرفيع نحرص على كل رائع

الروعة مرورك وتواجدك ياغالي

تحياتي ياغالي

[فيصل المسعودي]

المشاركة الأصلية كتبت بواسطة محمد العتيبي

مبدع دائما .. صح لسانه ..

وتسلم يداك يافيصل ..
...

هلا ابو مشعاب

الإبداع يتجلى بتواجدك

تحياتي ياغالي

[فيصل المسعودي]

المشاركة الأصلية كتبت بواسطة Man من العتبان

مايجرح الروح غير طعون غاليها . . . صح لسان مشعان البراق

وسلمت أناملك على كتابة القصيدة الرائعه يا فيصل المسعودي

دمت بود

الرائع مرورك وتواجدك الطيب ياغالي

شكراً لك

تحياتي

[فيصل المسعودي]

المشاركة الأصلية كتبت بواسطة /عبد العزيز الجذع/

مشعان البراق...


قمة في الابداع...



صح لسانه..


والف شكر يا فيصل على النقل..

الإبداع مرورك وتواجدك ياغالي

شكراً لك

تحياتي

[عبدالله الجـــذع]

فيصــــل

للــه درك
لاهــــنت ملاييـــــــــــــــــــــــــــن
تسلم يمينك يابوي ع النقله الممــيزه كعادتك
ماتجيب الا النادر الثمين

وصح لسان شاعري المفضل ابومحارب

محبك

.,’

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا