قصيدة لـ الشاعر بديوي الوقداني (مسندها لشريف مكة)

[/عبد العزيز الجذع/]

أحدى روائع قصائده ويسندها لشريف مكه:

وفيها يتبين ان الشاعر كان يتمتع بعلاقة قوية مع اشراف مكة وانه كان يتعامل معهم بعزة نفس وأنفة الشاعر الذي يعتز بأصله.وان الشاعر والشريف يتبادلان المدح والثناء وتمشي ركائب الفخر بينهما.

ياراكب اللي ياخـذ الحـزم مـواج=مـواج دار وتـاه فـي الغبتينـي
يوم استشد الريح ترميه الامـواج=أمواج بحـر يضـرب الجالتينـي
ضاري على قطع الفيافي وسجـاج=سجاج بين الشـرق والنقرتينـي
محنوني كالقوس منعـاج منهـاج=مثل الهـلال اللـي ولـد ليلتينـي
والا كما سرحان مع فج الافجـاج.=والا الغزال اللـي رمـى مرتينـي
يجفل ليا ماشاف ظل العصا مـاج=راعيه مـا يقـدر يمـد اليدينـي
كوره عقيلي مشترينه من الحـاج=والميركـة والخـرج والغرتينـي
ضرب عليه اليا سجا الليل وانساج=وزارت مراسيل الكرى كل عينـي
خله مع الريعين والـدرب مدهـاج=والسيل مره ما مضـى ساعتينـي
واحرم بعمره واقطع الدرب منهاج=منهاج من يمشي على الفرقدينـي
تصبح بمكة حزة الصبـح منبـاج=واسع وطف وصل لـك ركعتينـي
وانص الملوك اللي لهم نور وهاج=.نور من المشرق الـى القبلتينـي
تلقى الوفود الهم كما وفـد حجـاج=يوم الثمـان ومصعديـن القرينـي
سلم عليهم واخرج الهرج مخـراج=واعرف مقام الملك في الحالتينـي
واخرج لهم خط طوى طي ديبـاج=هديـة مـن باشـة المحمليـنـي
منظوم فيها ابيات من بحر عجـاج=نظم الجواهر في سلـوك اللجينـي
يا عون يا سيدي وصلت انت فراج=وانا تراني عند سيـدي الحسينـي
حيث ان له عادة وله جود ثجـاج=من معصـرات الجـد والوالدينـي
يا ما عطوا من واسع خيل وابراج=دهـم جمـاح محجـلات اليدينـي
وان جا نهار فيه للخيـل مسهـاج=ونادى بشير الموت في الجمعتيني
ركبوا على ضمر يشادن الابـراج=.مصقـلات لبسهـا كـل زيـنـي
وظلا غبار النقع من فوقهـم تـاج=وتصادم الهندي وسمـر الردينـي
كم جندلوا من فارس غير مزعـاج=حامت عليـه الطيـر بالخافقينـي
ورماحهم روس الاعادي لها ازراج=ضد الرماح اللـي لهـا زوجتينـي
يا بن محمد يا غنى كـل محتـاج=ياعيـد مديـون تحمـل بديـنـي
خدامكم شفه مـن المـال سيـراج=والا فرنجيـه لـهـا جبدتيـنـي
حتى يـودي ذكرهـا كـل هـراج=واخبارها تاصـل(....) والعدينـي
وابدي لك البيضا عدد ريح الافواج=وتمشي ركاب المدح بينك وبينـي
ويفرح صديقي والعدو صاده افلاج=.من غبنها دمعة من العين عينـي
وصلوا على من خصه الله بمعراج=محمـد المختـار جـد الحسينـي