سلام

[نواف العازمي]

سلام والليل بعده ماسرا=القاف مضبوط والمعنى نظيف
يشره على اللي كتبها من قرا=وشعاد لو تكثر بروق الخريف

[هايل المرزوق]

يامرحبا عد من باع وشرى =واعداد ماتكرم العتبان ضيف
احسن به الظن يمكن مادرى= والعود طرقي ومشواره كليف

[/عبد العزيز الجذع/]

الله الله..


صحت الالسن..والقلوب.


تحياتي..

[هايل المرزوق]

عبد العزيز الجذع
صح بدنك وحياك

[نواف العازمي]

ابك البقا عد ماسال وجرا=واعداد دورة شتاها والمصيف
علمن ياهايل على بالي طرا=والحمل ياصاحبي ماهو خفيف

[نواف العازمي]

عبد العزيز الجذع
صح بدنك

[هايل المرزوق]

العازمي حارس(ن) باب القرى=قبل وبعد جيت حسين الشريف
والمزن يردم وخيل وامطرى=والبرق يبرق وجايله رفيف

[نواف العازمي]

العازمي قدم مايرجع ورا=حنا حديناه لين ادبر معيف
والا انت تنزل وتطلع مع كرا=مبصر بعينك لكن قلبك كفيف

[% المفرجي %]

صح ألسنتكم

والله اني مستمتع معكم على القوة

[هايل المرزوق]

الذيب ماعاد هو ذيب اقشرى=بعد تحول الى حيوان اليف
لحبيب وقيس وايضا عيد ارى=يالعازمي ذيب ماتصلح وصيف