المرجلة تغيب وتحضر ( غابت عن الخس وحضرت عند عقال مطير )

[الرويس 999]

قصيدة الخس الاخيرة اثارت قتنه نائمه وردود فعل غاضبه
كونها ماجات من جاهل او مغمور
لكن مشكلتها جت من شاعر مشهور
وله علاقات اخويه مع شعار عتبان

لكن نبش القصيده بعد كل هالسنين مثل زلة اللسان اللي ماتغتفر
خصوصا انها جات في محفل ولكل مقام مقال
والمحفل ماكان ساحة محاورة او مواجهة في حفلة زواج
واللي دايم الشعار يدفنون وينبشون المعنى فيه
ويتم الرد عليه بالصاع صاعين

طبعاً تابعت ردود افعال العتبان في اكثر المواقع
ولقيتها غاضبه ومعنا حق في هذا
خصوصا ان جهيمان افضى الى ماقدم والله من يحاسبه
وايضاً جهيمان ماكان لحاله واكثر اللي معه خليط من كل قبيلة

اللي ابغى اقوله ان الشاعر الخس زل به لسانه وماندري هي بقصد او بغير قصد

لكن لما تجولت في منتديات مطير لقيت ان اغلبهم مارضوا باللي صار
وحتى ان بعضهم رد على ابن عمه ونهاه عن التمادي والتعرض للعتيان
او لجهيمان على وجه الخصوص
وهذا من شيمهم ومراجلهم

لذا اتمنى ان لانتمادى ايضاً في هذا المنتدى الى التعرض لعموم مطير
ونتجنى عليهم وننبش مثلهم او نقول فيهم شي ماهو فيهم
بسبب زلة فرد او شاعر من مطير

وتأكدوا بأن هناك من يفرح بالتراشق الذي يحصل بين عتيبه ومطير
ويمكن تحصلون اسماء تسجل في هذا الشهر عندنا وعندهم
وتحاول تشب النار وتزيدها حطب


والله يسامحك يالخس ان كانها زلة لسان غير مقصوده
والله لايحللك ان كانها مقصوده ولها اهداف مخفيه

وكفو ياعقلاء مطير الذين سعدت بردودهم في اكثر من موقع

آخر تعديل الرويس 999 يوم 27-Jun-2008 في 09:24 AM.