عبدالله بن عون

[صنديد العصمه]

هذه قصيده للشاعر العملاق عبدالله بن عون ان شاء الله تحوز على رضاكم


يامل قلب ٍ يسج وفيه دولاجه
00000 من هاجس ٍ بالضماير قام يدرجها

في معزل عن جميع الخلق وازعاجه
00000 ما اسمع من الناس لوتكثر لجالجهـا

ماغير اهوجس تقول مضيع حاجـه
00000 آخذ واسند على روحـي واهرجهـا

وادوج لوكـان مارجلـي بدواجـه
00000 ادلّـه النفـس ليـن الله يفرّجـهـا

يالله يالي بيـدك الضيـق وافراجـه
00000 ياخالق الخلـق ياقاضـي حوايجهـا

ابرج لعين الذي أغفـت بسوهاجـه
00000 تجهز عليها الطواري لين تزعجهـا


بالصدر ضيقه ونوم العين هملاجه
00000 عيني من العام والسهر متولجها

نوب سهرها شديـد ونـوب نهاجـه
00000 ومر تكن الدمـوع ومـر تزعجهـا

عليك ياللـي بقلبـي كـن وهاجـه
00000 وهاج نار هوى الغربـي يسارجهـا

راعي ثمـان تشـاد اللولـ لعاجـه
00000 كن البرد يوم يضحك فـي مفالجهـا

ياروح روحي وجرح القلب واعلاجه
00000 الطف بحال عليـك الهـم ساهجهـا

قلبي يناجيك بسلوب الهوى .. ناجـه
00000 يشكي لك الحال داخلهـا وخارجهـا

اما التفت له وتم الوصـل بمواجـه
00000 والا بـلا عشـرة هـذي نتايجـهـا

وش ينفعك من حنين القلب وخلاجه
00000 وجروحي اسبابها انت ولا تعالجهـا