قصيدة عبدالله بن علي بن رشيد: ياهيه ياللي لي من الناس وداد

[ابو ضيف الله]

قصيدة عبدالله بن علي بن رشيد المشهورة..ياهيه ياللي لي من الناس وداد

ياهيه ياللي لي من الناس وداد=ماترحمون الحال ياعزوتي ليه
ماترحمون اللي غدا دمعه ابداد=لاله زمان وحرّق الدمع خدّيه
لالي زمانٍ ماتهنيت برقاد=وقصر الحشا قامت تهدّم مبانيه
من يوم شفت الشوق مزبور الانهاد=ومجلّيٍ عن دار جدّه وأهاليه
وأقفى يجر الثوب للضلع شرّاد=امشلّحٍ ياطا على اطراف رجليه
الشوك ماله عن حيا الرجل ردّاد=الاّ ولا سبتٍ قويٍ يوقّيه
يامن يسوي له زرابيلٍ جداد=من الميّ لو ياطا على القطن يحفيه
بمشمرخات الهيف بالزحف صعّاد=وكم ماعرٍ من خوف لاروام راقيه
اخذ ثمانٍ مع ثمانٍ له ازواد=ولالقى من عزوته من يلفّيه
وجبّة سقاها من اول الوسم رعّاد=ماطالعت خشم ام سلمان تسقيه
حيث انها للمنهزم دار ميعاد=ومن لاذ به تقل الحرم لايذٍ فيه
ومسيخ ابن فرحان عريب الاجداد=كل العساكر نكّسّه تتلي البيه
نكّسّ بهم عامر ومحسن وفهاد=والكل منهم مارجع يم اهاليه
وفزنا على شهب الغوارب منه غاد=وكم عيّلٍ يبكي من القيظ شاويه
وجينا قليبٍ صايرٍ وسط الانفاد=بالخمس مع نصف الثمانين ندليه
لابن رخيص النازلٍ حد الاجراد=قال اقبلوا انتم هل البيت ياهيه
يابن رخيص الحضر يبغون ببلاد=والحيضري بالهدي يكره تبدويه
ونبغي نقارب من هل الجوف خلاّد=وندعي عسى ان الوبل يسقي مفاليه
واهل سكاكا نعم بذالة الزاد=ونعم النكيف اليا لفى السير طاويه
اويّ والله يالضويحي من أجواد=ونعم الرفيق ليا نصى لمدح أهاليه
والمدح بدّو فيه لرشيد وبجاد=والكل منهم سيف يقطع بحدّيه
وشلنا على حمرٍ طويلات الابداد=يم الشمال ونيّه الهور نبغيه
كن جيت لي بدوانٍ بالاذواد ورّاد=وكلٍ يزين للعشاير نواديه
واحلو شرشوح المغاتير لانقا=لادوّه الراعي بحلو التداويه
ليا الشط لي في يمّه الشط منقاد=كن الشفّلّح فوق موجه تجاريه
ياما عليه من المخاليق وعباد=والكل منهم وال الاقدار مشقيه
هذاك فلاحٍ وهذاك كرّاد=وهذا مريحٍ وساهراتٍ دواليه
وهذا يهل الغزل من فوق الاعواد=وهذاك يبرم له وهذا يساديه
كن جيت لي سوقٍ ورا جسر بغداد=كن الدبل كتفان يزهي بلوحيه
قبّة ذهب ياقوت حتى الزمرّاد=يزوغ قلب المسطحي وان مشى فيه
لاهو بشفٍ لي ولاهو بالامراد=ولاهو هواي وطاري النفس يطريه
من يوم جانا العلم تحرير الاوكاد=قل العساكر غرّبوا تتلي البيه
وحنا بديرة من يعدّون الاجداد=هذا ولد عمّه وهذا بناخيه
هب الهوا ياذاري الريح وانقاد=ويامن يدور قضى حلاله واهاليه
الله يسوّد وجهكم ياهل الواد=سود السماء كل الخلايق تراعيه
من باب خدامٍ ليا باب عوّاد=ومن ينتخي بالضيغميه تطاليه
ياللي نسيتوا عمل الاجرب وفهّاد=ومن عقب هذا داخلينٍ قهاويه
حتى جرادٍ في جماعاتنا ساد=هذا يخسخس به وهذا مجلّيه
لو تجتمع كل الخلايق بميعاد=الاّ جرادٍ مالك الله نصافيه
والله لو انّي من ورا جسر بغداد=انّي لكم مثل العمل عند راعيه
عيسى يقول الحرب للمال نفّاد=والمال من هبّت نسايم ذواريه
ياللي تقول الشر مابه لنا ازواد=انشد مسوّي السيف وليه حانيه
لاصار ما يرويه من دم الاضداد=يدّيه يم العرفجيه وترويه
ولاصار مامرٍ يزغرت بالاكباد=ترى الموصّى يسفه اللي موصيه
ولاصار ما ناصل ونضرب بالاحداد=هبيت ياسيفٍ طوى الهم راعيه
ولاصار ماهمٍ بصنديد الاولاد=فألعن شبابٍ مايبهّيه راعيه

منقول

التوقيع

قال الشافعي رحمه الله: أركان الرجولة أربع: الديانة والأمانة والصيانة والرزانة. قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة. اللهم أنصر من نصر الدين وأخذل من خذل الدين

[عبدالله الجـــذع]

الله اكبر

قصيده جدا رائعه
الف شكر لإنتقائك الجميل

محبك
.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[/عبد العزيز الجذع/]

الله الله الله...



رائعة...



صح لسانه...


ولاهنت يابو ضيف الله على النقل المميز...

[محمد العتيبي]

لاهنت يابوضيف الله على النقل الرائع ..
وصح لسان الشاعر : عبدالله بن رشيد..
...

التوقيع

للتواصل عبر twitter تويتر al_bargawy@

[نايف الثبيتي الروقي]

صح لسانك ولسان قايلها


لاهنت ابو ضيف الله

[نواف الخالدي]

يعطيك العافية على عرض القصيدة

[نواف الخالدي]

المشاركة الأصلية كتبت بواسطة ابو ضيف الله

قصيدة عبدالله بن علي بن رشيد المشهورة..ياهيه ياللي لي من الناس وداد


[poem=font="simplified arabic,5,white,normal,normal" bkcolor="transparent" bkimage="backgrounds/3.gif" border="solid,4,gray" type=0 line=0 align=center use=ex num="0,black"]

لابن رخيص النازلٍ حد الاجراد=قال اقبلوا انتم هل البيت ياهيه

يابن رخيص الحضر يبغون ببلاد=والحيضري بالهدي يكره تبدويه

ونبغي نقارب من هل الجوف خلاّد=وندعي عسى ان الوبل يسقي مفاليه

واهل سكاكا نعم بذالة الزاد=ونعم النكيف اليا لفى السير طاويه

اويّ والله يالضويحي من أجواد=ونعم الرفيق ليا نصى لمدح أهاليه

والمدح بدّو فيه لرشيد وبجاد=والكل منهم سيف يقطع بحدّيه

يعطيك العافية على عرض القصيدة مشهورة الصيت