من اجمل قصايد الهزاني - الهيـــــــــــــلا *** منتدى قبيلة عتيبة

خالدالعصيمي · 15-Jan-2004, 12:09 PM

ليلة يجينـا السيل يـازيد وافـــيت ** موضى الجبين وسـيد تلعات الاعـنـاق
شميت ريـح امجــــدلاتـه ومزيت ** ضـــواحــك مـــاقبلي احـــد لـهـــا ذاق
جلست أنـا وياه في ربعـة الــبيت ** سـقـوى انتسـاقا بيننـا خمــر الاريــاق
وسقاني الخمــر المصفى وثـــنيت** خـمــر وانا اسقيــه حـليـب وتــريـــاق
يــوم ارجهن اصويحبي وارجهنيت** والكل منا عـــب خمـــر الهــوى فـاق
فهــقــت راسـه بالجدايــل وحبــيت ** ورد علي خــده كمـا صفـح الاوراق
رفعت راسي للـكـواكب وراعيــت ** ويــلا ان نـــور الصبح بـاد بالافـلاق
بغيت أقـوم وشـد رد ني وشــــد يت** جـيتــه وحبيـــته ثمـان على ســـاق
وحلف علي ان قمت من ذا وشديت ** الا انت معـطيني عهـــود وميثــاق
انك اتعــود لي الى مــنك اقفــــيت ** ولا لغيري من هـوى البيض تشتاق
واقسمت له بايات عمـا وبالـــبيت** والمدعــي واللي بنى سبع الاطــباق
اني فـلا غيرك من البيض هاويت ** ولا لغيرك من هوى البيـض مشتاق
انا الـــذي من حـر فرقــــاك فريت ** أنـوح كالمهبول في وسط الاســواق
ياما طـــــــلـبت الله وياما تمـــنيت ** وياما دعيـته عنـد حـــزاة الاشــواق
وياما دعيـته في المساجد وصليت ** وياما شـحــذ ت الله قســام الارزاق
يبــــني لخلي من اجنان العـلا بيت ** ومن التمر يقطـــف ثمــر كـلما لاق
عسا ي الي راق البكـا واستمريت ** بمنقشـات الريش زينات الاطـــواق
واستأنست روحي لروحــه ودشيت** ســوقه ووافق مرتي حـين مـا واق
قلت المواصل قال ماغــيره اشفيت** قلت الســلام ورد مثــله ولا عــاق
قالت رجيــنا الله يجيـبك الى جيت ** عذب النبا الغالي مراشيـف الارياق
هو انت طالـبنـي تبي شي وعــييت** يامن هـواه المهتوى خاطري شـاق
تبغى الدبش قلت الد بش عندنا هيت** والله مــالـي غـــيـر لامــاك علاق
ترى الشفات الى لفـــاك النبا ايت** ساعت يقيف السوق عن كـل مراق
لو مـا عليك احد من الناس دزيت ** فانت ايت لازم قبل غيبـات الاشفـاق
قلت ارجي ان الله يد يمك وحــبيت** عذب النبا الغالي مراشيف الاريـاق
ونبكي من الفــرقا جميع ويالـــيت ** من لام فرقـــا سـيد حم الشفـا لاق
يالموت مـا أخذت أربعمـيه وخليت ** خلي فـلا ظــني بمثــله حـــد سـاق
يالموت عقب اقويت لي ويش خليت**ماعقب عثمانه من البيض ابـاشتاق
يا زيد انا قــد لي زمانــين ما ريــت ** خل سـوى خلــي الي جيت له مـاق
ان كـان روح الحي تسعى مع الميت**فـأنا الذي مع ريح ريحان الاشواق
يامـا سعت روحي مع الريح لقويت** بــازكـا ســلام عم بالطـيـب الافــاق

الشاعر// محسن الهزاني