سيمت بأسم اللي له الخلق يرجون

[محمد النخيش]

بسم الله الرحمن الرحيم

هذه القصيده ألقيتها في حفل للشيخ سعود بن مقعد الدهينه بمناسبة وصوله من ألمانيا سالما معافا أطال الله في عمره

وأقام الحفل في أستراحه الجوهره بمدينة البجاديه

والقصيده ترحيبيه أمل أن تحوز على رضاكم

سميت باسم اللي له الخلق يرجون=في مبتدا قول(ن) منقيه بالحيل
باسم الله الجايد على اللي يجودون=رب(ن) كريم ولايبا كود تهليل
وسلام سلم إسلام بالحفظ والصون=على الحضور اللي لفونا مقابيل
ويامرحبا" فيكم وأهلا(ن) وتحيون=عن لابة(ن) ميقافها يضوي الليل
ويامرحبا فيكم عساكم تدومون=ترحيبة أهل الباديه بالهماليل
ويامرحبا مليون في دف مليون=باللي علشانه عزمنا الرياجيل
ترحيب في ترحيب بالعود مقرون=يامرحبا بسعود نسل المشاكيل
لو نذبح الذيدان لا مايكفون=ماتوفي بحق الرجال الحلاحيل
ويامرحبا بأهل الوفا يوم يأتون=عند المحل اللي كثير المداهيل
تسمع هلا مع مرحبا يوم يلفون=وقبل الكرامه ريحة الطيب والهيل
يامرحبا عداد ناس(ن) يحجون=وأيضا" عدد ماجرح الوادي السيل
وإعداد سجد مسلمين(ن) يصلون=يوم الصلاه كتاب مافيه تأجيل
وإعداد مال(ن) يدفعه من يزكون=على فقير(ن) ذايق الشر والويل
وإعداد من للفرض دايم يصومون=وإعداد من يبدع حسين التماثيل
وإعداد نور الصبح لانور الكون=للي معه يوم(ن) جديد المحاصيل
وإعداد ماض أيام وشهور وسنون=وإعداد ماتمطر حقوق المخاييل
وإعداد مايسطع نجوم(ن) لها بون=في صحصح(ن) يازين فيه التعاليل
يامرحبا مادام للهرج مضمون=ترحيب وافي في جميع المكاييل
في ديرة محمد ولد زايد العون=عوين راع الحق مايقبل الميل
شيخ(ن) يجله من حوى رأس وعيون=شيخ(ن) بوصفه يعجز القال والقيل

وسلامتكم


أخوكم/محمد غازي النفيعي

التوقيع

اطلـق سـراح الفكـر وابـعـد مجـالـه حتى تصيد الشرد وتطـوع الشـرد واتعب على الكلمه وشعر الجزاله واللـي يجمـل للعـرب تسـرده سـرد فالشعر يبقـى شعـر راع الاصالـه اللـي بشعـره منـفـرد بالـجـزل فــرد تويتر: alnkhish@

[صنديد العصمه]

صح لسانك ,. قصيده جزله من شاعر جزل

[عبدالله الجـــذع]

الله..الله.

ابومناسيب
تبقى انت الشاعر الجزل
صح لسانك مدد
ولاهان راسك
والحمدلله على سلامه الشيخ سعود
ويستاهل كل خير
محبك

,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[محمد النخيش]

صح بدنك ياصنديد العصمه ولاهنت على التواجد والحظور

[محمد النخيش]

,

عبدالله الجذع صح بدنك واشكرك على الحظور والمتابعه

والجزاله تواجدك معنا

ولاهنت يالذيب



اخوك

[السبيــــعي]

مرحبابـــك اخوي ابومناسيـــب..
عز الله انها جزلـــة من شاعـــر جزل ..

قواااك الله وفي انتظااار جديـــدك
وصــــح السانــــك

[محمد النخيش]

لاهنت يالسبيعي وصح بدنك والجزاله حظورك بيننا




تحياتي اخوك

[النخيــــــش]

صح السانك

وبيض الله وجهك


يابو غازي ومايشوف شر ابو فهد والحمدالله على السلامه



ولاهنت على القصيده

[مرزوق حمدان العتيبي]

..
.
صح لسانك على الجزاله يابو غازي
ويستاهل المدح الدهينه
والحمدلله على سلامته ...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[محمد النخيش]

صح بدنك يالنخيش ولاهنت على التواجد والمتابعه