يامل قلب يسج

[geath]

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يامل قلب يسج وفيه دولاجه=من هاجس بالضماير قام يدرجها
في معزل عن جميع الخلق وازعاجه=مااسمع من الناس لو تكثر لجالجها
ماغير اهوجس تقول مضيع حاجه=اخذ واسند على روحي واهرجها
وادوج لو كان مارجلي بدواجه=ادله النفس لين الله يفرجها
يالله يالي بديك الضيق وافراجه=ياخالق الخلق ياقاضي حوايجها
تفرج لعين الذي اغفت بسوهاجه=تجهز عليها الطواري بين تزعجها
بالصدر ضيقه ونوم العين هملاجه=عين من العام والسهر متولجها
نوب سهرهاشديد ونوب نهاجه=ومر تكن الدوموع ومر تزعجها
عليك ياللي بقلبي كن وهاجه=وهاج نار هوى الغربي يسارجها
أبو ثمان تشاد اللولو لعاجه=كن البرد يوم يضحك في مفالجها
ياروح روحي ويجرح القلب واعلاجه=الطف بحال عليك الهم ساهجها
قلبي يناجيك بسلوب الهوى ناجه=يشكي لك الحال داخلها وخارجها
اما التفت لي وتم الوصل بمواجه=ولا بلا عشرة هذي نتايجها
وش ينفع من حين القلب وخلاجه=وجروحي اسبابها انت ولا تعالجها
[/poet]
الشاعر عبدالله بن عون