الشاعرين الكبيرين ( بدرالحويفي ) و ( عبدالله ابن عون ) جديد ..

[بدرالهبيري]

السلام عليكم ورحمة الله وبركاته ..

وجّـه الشاعر الكبير بدر عواد الحويفي قصيده
يعزم فيها الشاعر الكبير عبدالله بن نايف بن
عون العتيبي ..



كذلك ..

يعزم الشاعر عبدالله بن زويبن الحربي ...

يقول الشاعر بدر عواد الحويفي ..

انا من العتبان ناديت رجال = وايضاً معه من حرب رجال ثاني
نبي لنا جلسه على كيف بدلال = وسوالفٍ فيها قصيد ومعاني
شعرٍ نقي ماهو تصانيف جهال= تعبير فن معاصرين الزماني
هذا الهدف واللي طرالي على البال= شوف الرجال معربين المجاني
من خيرت الشعار ذربين الأفعال = عندي لهم تقدير سر وبياني
من خيرت العالم عوارف وعقال = وبالمرجله مقدارهم مايهاني
والناس كلٍ له مكانه ومنزال =والأرض كورتها رفاع وطماني
هذا مثل من ضمن الأمثال ينقال =وساس الحجر يرفع حصون المباني
مني لهم تقدير في كل منوال = يشهد على مضمون قلبي لساني
ارسلتها يم النشاما بجوال = اطلب زيارتهم يجون بمكاني
لاسيروا يمي وشاهدت الأبطال = فرصه سعيده مثل عيد رمضاني
وجهت عشر ابيات من هيض الأمثال = وذكرتلي موجز صحيح وكفاني

رد عليه الشاعر الكبير عبدالله بن نايف بن عون
بهذه القصيده :

يعيش راعي دلةٍ مالها اشكال = من فايدت فنجالها مانساني
من يوم دق بهارها عبر الأرسال = صكة عليّ بريحة الزعفراني
لو دونها حالت مسافات الأميال = هب الشمال بريحها لين جاني
ومنها على الهاتف تقهويت فنجال = هيله من الحبشي وبنه يماني
من موردٍ ياليتني منه مكتال = لاشك صعب السلم عنه ايحداني
يكتال منه اللي ليا اختار ماعال = وليا وسم ماياسم إلا السماني
امثال ابو سلمان كساب الأنفال = اللي يحاكينا بسحر البياني
له سمعةٍ تبقى الى تالي التال = ابين من المشعل على ضلع اباني
فرايدٍ غنت بها الناس موال = يلجا لها اللي من همومه يعاني
يابن زويبن جعل تفداك الأنذال = ماعدك إلا واحدٍ من خواني
نبي نزور معرب العم والخال = اللي على الهاتف دعاك ودعاني
ناخذ لنا عند اصبح الوجه مقيال = حنا شفاويه وهو مرحباني

أتمنى انها حازت على رضاكم اخواني ..

تحياتي وتقديري .. بدرعيد ..

[عبدالرحمن الهيلوم]

والنعم فيهم جميعا
وابيض وجه يااالغالي

[الرأي الآخر]

والنعم فيهم جميعا
وابيض وجه يااالغالي

[عبدالله الجـــذع]

الله لايهينك يابدر

وصح لسان عمالقه الشعر

محبك

,’

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[/عبد العزيز الجذع/]

الله الله الله....



صحت السنت عمالقة الشعر.....





لاهنت على النقل الموفق اخوي بدر....

[هايل المرزوق]

مشكور بدر الهبيري لنقل مساجلة عمالقة الشعر

[كايد السيف]

عملاقه في الشعر


صح السنتهم

[السبيــــعي]

بيض الله وجهــــك
على هالمحاورة
صح السنتهم .. شعار كبار

تقبل مروري يابعـــــدي

آخر تعديل السبيــــعي يوم 11-Jun-2008 في 07:26 PM.