قولوا لابو متعب ترا الشعب مقهور

[منصور بن فهيد]

قصيدة قولوا لبو متعب انتشرت في كثير من المنتديات والكثير نسبها اليه لما فيها من تعبير عن الجروح وهي للشاعر الشاب عبدالله بن عبدالمحسن السيف وقصة القصيدة عن ما وصلني انا قائلها خسر فلوس سيارته بالاسهم وهو شاب في مقتبل العمر وللأسف نجد الكثير من الناس والمشكله ان منهم شعار معروفين ينسب هذه القصيده اليه واليكم القصيدة




قولوا لبو متعب ترى الشعب مقهـور .... ياخـادم البيتيـن امسـك عصـاهـا

ضاعت فلوس الناس مع كـل هامـور .... ومثلك يعرف البير ويعـرف غطاهـا

من سي لاسوأ وبين عاثـر ومعثـور .... سهمك وهو سمهك رموه بخلاها

كيف اشكي العله علـى كـل دكتـور .... والطب عندك وانـت تعـرف دواهـا

ماخافـو الله خالـق النـار والـنـور .... حتـى الأرامـل شاركوهـا بعشـاهـا

ياقلبـي اللـي فيـه نيـران وحـرور .... ضاقت علي دنيـاي وسكـر فضاهـا

سوقك بلون الـدم باسبـاب مغـرور .... يضغط علـى سابـك وكسـر يداهـا

في عشر اواخر نرجي الذنب مغفـور .... قامـوا علينـا قومـة ٍ مـا وراهــا

واعمار صارت دمهـا اليـوم منثـور .... خاب الرجاء باعمار واللـي رجاهـا

ياما بنينـا فوقهـا ابـراج وقصـور .... راحت سدى والسوق دحـدر معاهـا

كم شاب قال ابغى اتزوج مـن الحـور .... افلس وبيره جف مـا شـاف ماهـا

وكم راعي أسره أصبح الصبح مفقور .... العيـد بكـره واسرتـه مـا كساهـا

قمت اتفكر وادرس الـراي والشـور .... قلت ازبن لصقر العروبـه .. ذراهـا

كلمه تجي من عنده اليـوم مسـرور .... والسوق يرجع عشب يـروي ظماهـا

يادرعنا لا صـار بالكـون عاصـور .... كم صرخـة ٍ للنـاس تسمـع صداهـا

يالحر 00 يابن الحر 00 والحر مخبور .... قاد الحـرار الشامخـه فـي سماهـا

ما يلحقك يا سيـدي شـك وقصـور .... لكـن رسالـه ياصـلـك محتـواهـا

انـك ابونـا والرجـا فيـك موفـور .... عدلـك شمـل كـل الديـار وغشاهـا

جوني يعزوني على السـوق ماجـور .... قلـت البقـا بالشيـخ يطفـي لظاهـا

ويرد لون السوق عشبـي ويخضـور .... مثـل علـم دار السعـود وصفـاهـا

خيرك عميم وشاكر النـاس مشكـور .... ومـزن الحيـا عـم البـلاد وسقاهـا

انت الرجا بعد الولـي تدفـع الجـور .... واسلم عساك تـدوم وتحمـي حماهـا

التوقيع

man.9.our@hotmail.com

[فهيد الايدا المورقي]

صح لسانه على القصيده الجزله والمعبره



وهذه حقيقه ان الجميع خسر مايملك في سوق الاسهم


وملك القلوب وملك الانسانيه خيره شمل اسقاع الارض


وان شاء الله ابو متعب يعوضنا عن خسائرنا في سوق الاسهم


وتخضر الشاشه

[راعي البلهـا]

صح السانه مار والله نبطيء عضـــم.

[عبدالله الجـــذع]

ماخافـو الله خالـق النـار والـنـور .... حتـى الأرامـل شاركوهـا بعشـاهـا

هنا يكمن الالم

الف شكر لك يأبن فهيد

صح لسان الشاعر

محبك

,’

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[/عبد العزيز الجذع/]

ماخافـو الله خالـق النـار والـنـور .... حتـى الأرامـل شاركوهـا بعشـاهـا






كم شاب قال ابغى اتزوج مـن الحـور .... افلس وبيره جف مـا شـاف ماهـا

وكم راعي أسره أصبح الصبح مفقور .... العيـد بكـره واسرتـه مـا كساهـا


لاهنت على النقل...

[وافي الخماش]

سلمت يمنااك على النقل ولا هنت ..

[دوسي زهراني]

صح لسانه على القصيده الجزله والمعبره

[زهراني+عتيبي]

خـــلـــووووووووها

[محب الهيلا]

يعطيك العافية على نقل القصيدة الجزله

[زراقي راقي]

يعطيك الله العافية على القصيدة الجزلة والحزينة التي صورت حال كثير من الناس مع الاسهم