ياسلامي على عتيبه هل الوقفات

[رفيع المنزل]

هذا طرق للطارف من العتبان

ياسلامي على عتيبة هل الوقفات= لابة ٍ يمدحون الناس طاريها
كل ماخذت ليــــّـــه بالبلد سجات =شفت نور الحقيقه كيف ابا اخفيها

[احمد الزايدي]

مرحبا جيتك في أسعـد الأوقات=والـرجـال البواسل مانعـاديها
هات ماعندك من علوم عجل هات=والجبال الله سبحانه مرسيها

[رفيع المنزل]

البقا والرجال اللي لهم عادات=لو تشين الليالي ماتخليها
كل رجل ٍ له افكار ومعه نظرات=لكن افكار بعض الناس وش فيها

[احمد الزايدي]

العوارف تراهم فاالأصل سادات=سادت العرف لازم تعترف فيها
دايم أفكارنا تبني شتات الذات=أستـفيـد أنت منها وستمع فيها

[رفيع المنزل]

والنعم في عتيبه تنطح الهيات=مار الايام لاتامن تواليها
لو تكبون حاجه من بعض حاجات=مطيب افكاركم واللي يجاريها

[احمد الزايدي]

وش قبيلتك دامك ترفع الرايات= والقــبـايل نحـددهـا باسامـيها
وشهي الحاجه أعلنها وهات أثبات=وأن عجزت أنت كاتبها وقاريها

[راعي البلهـا]

الليل اصـــــــــــــلو...........................
أمتعتونا واصلوووووووو واروونا

[رفيع المنزل]

من بني وايل اهل العز والطولات= وانت تدري بحاضرها وماضيها
كل واحد بنفسه شايف ٍ شوفات=هذي العله اللي كيف اداويها

[رفيع المنزل]

ارحب ياراعي البلها لكن البلها من هي عزوته

ولك الشكر على الحضور

[احمد الزايدي]

والنعـم فـيــك ياالـوايــلـي هــيهات=سمــعــت الـوايلـي كـل يطـريها
ماش أحد حاقر نفسه في بعض أوقات=الطبيعه طبيعه كيف تمحيها