ياوجودي وجد عودٍ ما تمـتع في شبابه .. يحسب الدنيا غبيـنه واثرها ما هي غبينه

[حمود غنام المرزوقي]

ياوجودي وجد عودٍ ما تمـتع في شبابه = يحسب الدنيا غبيـنه واثرها ما هي غبينه
يحسب ان العمر باقي والعمر قفت ركابه = ما صحى لين اغربت شمسه على ماضي حنينه
ان تكلم في المجالس قيل من حضرت جنابه = شايبٍ يقضي حياة العمر في أخر سنينه
وان سكت ما أحد يجيه ولا أحد يـدق بابه = جالسن في حكم خلاقه عسا ربي يعينه
راحت أيام السعادة واصبح الحاضر كأبـه = بين هم وبين غم وبين دينن مستدينه
همه أكبر من جبال طويق وأكبر من هضابه = واضع(ن) كفه على جفه بعد بيّح كنينه
أو وجود اللي حداه الوقت ما حسّب حسابه = صار همه سوق الأسهم والبنوك مدينينه
ما أنتبه لين النمور أقفت على مال الذئابه = واصبح الداين مدين ولايصدق شوف عينه
ضاع ما بين المحاكم والدعاوي والطلابه = كل يوم من التعاسه والجنود محضرينه
والبـلا انه ما تعـلم لا قراءه ولا كـتابه = كل كلمه لا نطقها من ردى حظه تدينه
لو ما رده حياه من القهر شقق ثيـابه = بدوي(ن) حظه العاثر رمى به في مدينه
أو وجود اللي زمانه جود العضه بنابه = مات أبوه وماتت أمه واليتم يا شين شينه
راحة أيام السعادة كنها غيم السحابه = ثم تبين له زمانه وانكشف شينه وزينه
من سعادة وانشراح وحلة(ن)تزهو مهابه = ووالدين(ن) من خطايا الناس كانا محتمينه
صار في دنيا كئيبة من همومه وعـذابه = ما أحد(ن) يهتم فيه ولا أحد يقول وينه
في ديار(ن) لاعمام ولا خوال ولا قرابه = جرة الدمعه على خده مثل درب السفينه
من هموم(ن) في خفوقي لا نشاز ولا تشابه = مثل عمدان الجراد وكل ليل مداهمينه
لا ضوى ليل العباد وكل باب أغلق أضبابه = والبشر كل(ن) تهناء في هدؤ وفي سكينه
حضرت مثل الوحوش وصدري المسكين غابه = حطته ميدان رالي من شماله في يمينه
كل هم(ن) لا ضواني درك القلب وسرابه = ما يفكه لين يلقى له هموم(ن) محتريـنه
لأدلهم الليل وأظلم صابه اللي قبل صـابه = كل ليل هموم قلبي حايله بيني وبينه
تارة(ن) تاتي فراد وتارة(ن) تاتي عصابه = وتارة(ن) ما أحصي عددها صادرين ورادينه
سبة اللي في الضلوع العوج جودني صوابه = كني اللي ذاق طعم الموت ودموعه ثمينه

حمود غنام المرزوقي

[خالد عبدالله القداح]

صح لسانك يابو غنام وترى ان طولت معاناتك يمكن تقضي عليك وترى اللي عليك راسه علينا رجلينه وللمعلوميه ترى الجرح مايبرى الا بلقاء الحبيب وغيره لايمكن وجود اي علاج لذالك

[السميــــــري]

لالا .. !

أبداع غير مستغرب من راعية ..

مبدع ماشاء الله يالبقمي ..


قصيدة جزلة .. وجودية ..!

شكرا لك

[عبدالله الجـــذع]

الله عليك يالمرزوقي

جزله من رأسٍ جزل

صح لسانك مليون ولاهان راسك

استمتعتنا بـ قرائتها يالغالي

لاتحرمنا جديدك
محبك

.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[/عبد العزيز الجذع/]

الله الله...


قصيدة قمة...


صح لسانك يالمرزوقي...

تحياتي..

[حمود غنام المرزوقي]

المشاركة الأصلية كتبت بواسطة هوشان النفيعي

صح لسانك يابو غنام وترى ان طولت معاناتك يمكن تقضي عليك وترى اللي عليك راسه علينا رجلينه وللمعلوميه ترى الجرح مايبرى الا بلقاء الحبيب وغيره لايمكن وجود اي علاج لذالك

هوشان النفيعي صح بدنك

تحياتي

[حمود غنام المرزوقي]

المشاركة الأصلية كتبت بواسطة السميــــــري

لالا .. !

أبداع غير مستغرب من راعية ..

مبدع ماشاء الله يالبقمي ..


قصيدة جزلة .. وجودية ..!

شكرا لك

شكراً جزيل وتحية وتقدير

أخوي: السميري يسعدني

مرورك الله لايهينك تحية.

[الفراهيدي]

حمود غنام المرزوقي

صح لسانكــ على هنت على القصيدة الرائعة

وننتظر جديد

التوقيع

AL-frahedi@hotmail.com

[هيض القصيد]

ما شا الله قصيده من النوادر وجودها هذه الايام

تعبت عليها وابدعت

تحياتى واعجابى

[حمود غنام المرزوقي]

المشاركة الأصلية كتبت بواسطة عبدالله الجـــذع

الله عليك يالمرزوقي

جزله من رأسٍ جزل

صح لسانك مليون ولاهان راسك

استمتعتنا بـ قرائتها يالغالي

لاتحرمنا جديدك
محبك

.,

عبد الله الجذع

مشكووور أخوي الله لايهينك

مرورك يسعدني تحياتي وتقديري