القلب صابه مرض .. و الراس منداشي

[عبدالله الفرهود]

أبيات ربما لا ترتقي لقصيدة

ولكها تعبر عن معاناة مر بها الكثير

يا سوق بعد الذي شفته .. أبنحاشي = جاني من هموم الأسهم ..ما يكفيني
القلب صابه مرض و الراس منداشي = و الحظ راقد .. و راس المال .. بالديني
مره توافق .. و نطلع منك .. بعراشي = و مرار ..علة نحر .. و تبكي العيني
هذا زمانٍ برز به .. كل خشخاشي = و الروس صارت تظلل .. بالكراعيني
هذا زمان الغذائية ... و الأدباشي = وش صار يا عام .. ستة بعد الألفيني
رميتنا في يد ..الهامور .. و اللاشي = الله يخارج .. من الاثنين و يعيني
إليا شرينا سهم ..قالوا لنا لاشي = ترى مضارب سهمك ..اردى الردييني
بعه .. بخسارة و خلّك مزهب ..الكاشي= نعطيك سهمٍ يزيد الخمس خمسيني
وحنا مع الخيل ..يا شقراء على الماشي = ندربي الراس .. نحلم بالملاييني
نبا نحوش الذهب من ضمن ..من حاشي = و نأكل من الخوخ و الرمان ..و التيني
و ندور اللي سوات الغصن تهتاشي = بنتٍ حباها جليل الملك .. بالزيني
و الظاهر إنا غدينا طعم الاجحاشي = صرنا كما .. الحبحبة بين السكاكيني
أحدٍ توفى .. و احد رقد .. بالانعاشي = و أحدٍ يحوّل ..لمستشفى المجانيني
و الخوف نرجع و نسكن ..وسط الاعشاشي = ونصير خدام ..للبنغال و الصيني
هذا جزا من تسمع نصح ..الاكداشي = لازم ..يقرط على راس البهاميني
و اللي يغمر ..هواء حصيده الماشي = و حنا غمرنا الهواء .. بالمي و الطيني
لكن يالله ياللي ... تامر الناشي = يحيي ديارٍ ... وطاها دهر ..و سنيني
يا مشفي اللي رقد ..في وسط الانعاشي = يأسوا ..هله و الأحبه و المداويني
سلط على المرتشي ... و اكشف لنا الراشي= أكالة السحت ..و أموال المساكيني
و أفتح لنا باب رزقٍ .. منه نعتاشي = و أكتب لنا الخير .. بالدنيا ..و بالديني

[عبدالرحمن الهيلوم]

و الظاهـر إنـا غدينـا طعـم الاجحاشـيصرنا كمـا .. الحبحبـة بيـن السكاكينـي

((صح السانك ))

[فهد النفيعي]

الاسهم الله لايعيدها