الاولة يامنتدى الهيلا عليك أجزل سلام !!

[سعود البرقاوي]

أقرب واحد ودنا نقشط القاف الحين :===

الاولة يامنتدى الهيلا عليك أجزل سلام
عد الهبوب اللي من المشرق يذعذع نودها


والثانية ودي بشاعر ياخذ ويعطي كلام
ويجيب مانبغى على مصدارها وورودها

التوقيع

انا مثل الحكومة وأمري منفذّ على الشعار ولي سلطة على الشعار والشعار خدّامي جارالله السواط للتواصل : nofi3e@hotmail.com

[حمد بن جوباح]

.
..

عاش من شافك يا سعود

وشلونك طال عمرك ؟

مستعجل على القاف مير خلنا نقول به

استلم استلم

الأوله يا مرحبا ترحيبة ٍ لأهل المقام = وأهل المقام إليا خذت تعطي على مقصودها
والثانيه من يبذل المجهود والله ما يلام = مير النوايا ما عرفنا بيضها من سودها

[سعود البرقاوي]

هلا ياحمد هلا وابشرك بخير وعاشت ايامك

يالشيخ ابن جوباح مع باب الوفا والاحترام
ادخل وحث الرجل واذهن لاتزل حدودها


مسك البداية يالعتيبي غير عن مسك الختام
والمسك واحد والعرب ريحه يسر كبودها

[حمد بن جوباح]

سج القدم يا سعود فدروب المعاني والهمام = الناس خابر جودها والجود من ماجودها
كلمتك هذي يا عميلي لا حلال ولا حرام = اثر الحياه ادروس واعرف نقصها من زودها

[عبدالله الجـــذع]

الله ..

صبحكم الله بالخير ياشعرآئنا الرآئعين

بدآيه مشوقه لقآف رآئع

متأإبع

محبكم

,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[سعود البرقاوي]

كزيت لك واوميت لك وارخيت لك راس الحزام
وارسلت لك بالعلم طاردها ورى مطرودها


ركز وخلك منتبه واصحى وعينك لاتنام
البحر عانه يلتطم والارض يمشي دودها

[سعود البرقاوي]

عبدالله الجذع


ياهلا ومرحبتين

[حمد بن جوباح]

يا يا سعود حلمك ما ينومس شيخ تفسير الحلام ..........
.......... أهل الفتن بزنودها واهل الدير بجنودها
ماني بغاوي علمكم يالله عساكم للرحام .......
........خذ لك كتيّب واعرف شروط العرب وبنودها

عن إذنك يا سعود

الصلاة وجاي إن شاء الله

[سعود البرقاوي]

يامسلم اسلم واستلم واخشع على صوت الامام
واتقن صلاتك واتزن فركوعها وسجودها

بالله عليك شلون صار النور جلاي الظلام
حاول تجاوب صح وانته قدها وقدودها

[حمد بن جوباح]

يا سعود جبت العيد قبل العيد في شهر الصيام = قدّمت لك حجه قبل تثبت كلام شهودها
الرآي الآخر ليش ما صنــّـف بقسم الإنقسام = ام الكباير لو تحضــّـرها يحضـــّـر عودها