اللقاء الحصري لشاعر قلطه الوطن الشاعر / الشاعر مشعل عباس الشيباني

[ابوبندرالشيباني]

بسم الله الرحمن الرحيم

الحمد لله والصلاه والسلام على اشرف الانبياء والمرسلين , نبينا محمد وعلى اله وصحبه وسلم تسليما كثيرا الى يوم الدين .. وبعـــــَـــــد ..

احبتي اعضاء منتديات قبيله عتيبه بالكويت

السلام عليكم ورحمه الله وبركاته

يطيب لنا في هذا اليوم المبارك , ان نقدم لكم , هذه المقابلة الخاصة , مع احد رموز الشعر الشعبي , سواء شعر النظم او المحاورة , وهو الشاعر المعروف , مشعل بن عباس الشيباني العتيبي , وقد قمنا بزيارة خاصة للشاعر في منزله , وقابلنا بكل حفاوة وتكريم , وكان دمث الخلق , وصريح العبارة , وتجاذبنا اطراف الحديث في تلك الزيارة , وحتى لانطيل عليكم , نقدم لكم مادار بيننا , والشاعر مشعل في هذه الزيارة , في هذا اللقاء الحصري الذي اجريناه مع الشاعر الكبير / مشعل بن عباس الشيباني العتيبي , وقد تطرقنا الى الكثير من المواضيع ومن ابرزها برنامج قلطه الوطن الذي سنتطرق اليه :



الشاعر مشعل عباس الشيباني وعلى يساره الشاعر والباحث عباس مشعل الشيباني

1- بطاقتك الشخصية ؟

اسمي / مشعل بن عباس بن سهيل العبدلي الشيباني العتيبي , من مواليد محافظه الخاصرة .

2- منذُ متى كانت بدايتك الشعرية ؟

في مرحله متقدمه من عمري .

3- هل كانت بدايتك الشعرية , في مجال النظم ام المحاورة ؟

محاولات في مجال النظم

4- نريد ان نسمع منك قصيدة يابو فيصل ؟


هذه القصيده هي عباره عن نصح وارشاد لابني فيصل واوجهها الى جميع من يعشق المعالي

الـوقـت يـطـوي طــي طـيـن وطـيــاءطـي القليـب الـي علـى مـربـع الــراك

يافيـصـل احــذر مــن قلـيـل الحـلـيـاءالـــي لـيــا جـــت الـلــوازم تـنـاسـاك

خـذهـا نصيـحـه جـهــر مـاهــي غـبـيـاءاتـعـب لــدرب المـرجـلـه لا عـدمـنـاك

ولـد الـردي لــو تطلـبـه قــرش عـيـاءوهـــو لامـنــه حـــداه الـزمــن جـــاك

والطـيـب عـنـد الـنـذل مـالـه جـزيــاءجـزاه مـن عنـده لـيـا اقفـيـت يقـفـاك

يـقـفــاك بـالـدقــات هــــذي وذيـــــاءويـزرع لـك بـدربـك خبيـثـات الاشــواك

لانــــه ردي ومــــن مــقـــرٍ رديـــــاءلـنــت بـحـلـي لـــه ولاهـــو بـحـلـيـاك

اجـزل كمـا يجـزل مــن المـيـت حـيـاءوانسـه وكنـه مـاعـرض لــك ولا جــاك

ولا انــت عـلـى كــل الخـلايـق وصـيـاءومالـك ومــال الــي ماطالـتـه يمـنـاك

ولا تقـف تحـت الشمـس زال بـه فيـاءالــي مـاهـو لــك لــو يـمــرك تـعــداك

وبنـت الـردي لـو هـي ســوات الثـريـاءلا تـنـخـدع فـيـهـا تـهــد لـــك مـبـنــاك

يطـلـع ولـدهـا فـــي النـشـامـا غـبـيـاءوان طحت عنده في تالي العمر يجفاك

يجـيـك مـثـل البـنـت سـمـح المـحـيـاءواليـا زهمتـه فـي لـزوم لــك يعـصـاك

دور عـلــى بـنــت الـكـريـم الـوفـيــاءالــــي بــانـــت خـوامــلــك تــرفـــاك

يجـيـك منطقـهـا كـمــا شـــرب مـيــاءوان جيت تضحك لك وان اقفيت ترعاك

هــي طــراه الـــروح وهـــي المـنـيـاءوهــي الــذي يفـتـح لـهـا كــل شـبــاك

والـيـا حـصـل مـعـهـا جـمــال وغـيــاءحـافـظ علـيـهـا جـنــتٍ لـــك بـدنـيـاك

يـجــي ولـدهــا مـطـوعـانـي رضــيــاءيتـعـب عـلـى راحـتـك ويــدور رضــاك

تـلـقـاه فـــي وقـــت المـنـابـا نـبـيــاءوالـيـا زهمـتـه قـــال لـبـيـك وافـــداك

س / هل كانت لك امنيه في حياتك واردتها ان تتحقق ؟ وماهي ؟

نعم , بالطبع لكل انسان امنيه في حياته ويريد ان يحققها , ( يبتسم ) اما ماهي فالجواب في هذه القصيده .

الله مـن هـمٍ وحــزنٍ عـلـى شــانالـقـاسـيـه والـهـيـنـه والـصـعـيـبـه

قالـو حزيـن وقلـت ياكثـر الاحــزاناحـزن ويحـزن مـن تصيبـه مصيـبـه

قالـو تـرا فـي الوقـت هـمٍ وسلـوانقلت ايـه يسلـم مـن يحصـل ذهيبـه

قالو غريب وقلت مـن بيـن الاخـوانهــذي تـراهـا الغـربـه الــي غريـبـه

قـالـو تـحـب قـلـت مـولـع ولـهــانوالـحـب فــي قـلـبـي ولا ينـدريـبـه

قالـو هــي مـوجـوده بـيـن الاكــوانقلـت ايــه مـوجـوده بعـيـده قريـبـه

قالـو مشينـا نجيبهـا باغلـى الاثـمـانكـانـك يـابـو فيـصـل تبيـهـا خطيـبـه

قلت ايه ابيها مير هي ليست انسـانولاهي مـن الـي ينشـرن الـدوي بـه

تسكن بيوت اشكال واصناف والوانودروبـهــا لــلــي يـبـيـهـا صـعـيـبـه

يتعـب لهـا المسلـم وعبـاد الاوثــانلاكــن مهـرهـا قــل مـنـهـو يجـيـبـه

لاهـيــب مـهــداهٍ ولا هـيــب تـــدانولاهـيـب مـوجـوده ولافــي مغيـبـه

مصيونه خلقـت مـع الانـس والجـانماشافـهـا بالعـيـن جـاهـل وشـيـبـه

ولانـي مدورهـا مــع فــلان وفــلانوانــا حـزامـي تــاج راســي عتيـبـه

قـوم لهـم فـي ساحـه العـز ميـدانهـيـلا تخـلـص طـالـبٍ مــن طليـبـه

وماينبنـي بيـتٍ علـى غـيـر عـمـدانوالسـيـل مـايـجـري بـلـيـا شعـيـبـه

وراع الذهب ماباع مـن دون ميـزانوالمـعـرفـه مـاتـنـوخـذ بالغـصـيـبـه

ومافـيـه نــار ولـعــت دون دخـــانوالـقـبـر مـايـعـرف بـلـيـا نـصـيـبـه

وقال المثل في راعي الحق سلطانومـن لا يعـرف الحـق جنـب وسيبـه

س / لكل شاعر مجاراه مع احد الشعراء فهل لك مجاراه مع احد الشعراء .؟ ومع من .؟

بالطبع وكانت مجاراتي مع الشاعر محمد الحافي العتيبي .



قصيده الشاعر محمد الحافي العتيبي

دق الهجوس بخاطري والهوى شاموالشمـس غابـت واقتفاهـا شفقهـا

وساد الضلام ونكست فيه الاعـلامالا النـجـوم الـــي تـعــالا شعـقـهـا

واهني من اقبـل عليـه الكـرى نـامماشـاف عيـنٍ سمهـا طـول ارقهـا

يامال صبرت سنين وشهور واعواموانــا وقـتـي بـيـن خـذهـا وذقـهــا

لا طاح حظك شرهت فيك الاقـزاموقامت على راسك تصفـي مرقهـا

هذا زمانـك والضـروره لهـا احكـاملا تشـتـكـي الـدنـيــا ولا تعتـنـقـهـا

ترا البخت يامسعد الحـظ ليـا قـامهــام النـجـوم العالـيـات وسبقـهـا

سج الركايب في نحا الوقـت قـداموالنفس يضمن رزقهـا الـي خلقهـا

ورديت عليه واقول :

لو زانـت الدنيـا مافكـت مـن السـاموليا يبست الشجـره تساقـط ورقهـا

يـاكـم فقـدنـا مــن شبيـهـاٍ لـصــدامحـــراً يـحــب المـرجـلـه ويعشـقـهـا

ومن حدتـه دنيـاه قـرط فـي الابهـاميرقـب لشمسـه ليـن يطلـع شعقـهـا

خلـك علـى العسـرات عـزام جــزاموسكـت وقـل عينـي كراهـا سرقـهـا

ولـنــت بلايـمـنـي ولانـتــه بـمـنــلامفــي روسـنـا يــوم الهـنـود تحلـقـهـا

والطـق كـم خـرب صناعـات لـحَـاموعـدل الحديـده عنـد منهـو طرقـهـا

من مـات جيبولـه جديـداً مـن الخـامومن عاش قولوله على الدرب سقها

حـنـا بخـيـر وديـنــا ديـــن الاســـلاموبـســط ديانـتـنـا لــمــن يعتـنـقـهـا

ابو فيصل اكيد الشعر يعني لك الكثير بما انك من الشعراء المعاصرين للشعر وفن الشعر فما يعني لك الشعر .؟

والله الشعر يعني لي الكثير ولا ابالغ ان اقول انه يسرق معظم وقتي , ولاكنه وسيله وليس غايه .


لكل شاعر عروق وجذور خضرا فماذا نجد في الشاعر مشعل الشيباني ؟


( هههههههههههههههههههههههههه )

الغزل هو احد انواع الشعر النبطي ومعظم الشعراء يتطرقون الى هذا الشعر ويكون قريب من القلب اكثر من العقل .


طيب نسمع منك يا ابو فيصل قصيده غزليه .؟

هـلـي بغـيـت اتعـداهـا وانــا عجـلـيلالاي شفت الجبين ومفـرق الراسـي

لديـت فيهـا وقالـت نظـرتـك لجـلـيقلت ايه قالت لا تحرجني مع الناسي

قلت ايه يانور عينـي حـارت الرجلـيثابت مكاني عـروش الرجـل يباسـي

قالت توكل على الله واترك الدجلـيماكل من غاص جاب الدر والماسـي

انا من البيض وين انحاش وين اجلـيلاصرت في حبهـن سابـح وغطاسـي

ياظامر الخصر تكفى لا تجيـب اجلـييامدمـج السـاق يـا زاهيـه الالبـاسـي

العقـل منـي خذتـه عيـونـك النجـلـيوالباقي الهيكل الـي مابـه احساسـي

شاعر تاثرت به من الناحيه الشعريه .؟ والادبيه ؟

الدكتور الشاعر مطلق الثبيتي ( رحمه الله ) .

شاعر تتمنى انك قابلته في ساحه المحاوره ؟

الشاعر الذي يثمن الشعر الحقيقي ويعطي الشعر مقياسه الحقيقي .

شاعر لا تتمنى مقابلته في ساحه المحاوره ؟

الشاعر الذي لا يعرف قيم الشعر ومبادئه .

القبليه في الشعر , مارئيك بها .؟

القبليه في الشعر شي رائع ومطلوب من الشاعر تمجيدا لقبيلته ويعد نوع من انواع شعر الفخر والحماسه , بشرط ان لا يكون في ذالك اعتداء على حقوق القبائل الاخرى والاتجاه الى المهاترات .


شعراء من الجيل الراحل لعبت معهم من هم .؟

كثير ولاكن لا يحضرني اسم الا معيض العجي , وعبدالله العير .

من يعجبك من شعراء النظم للوقت الحالي ؟

الشاعر عبدالله بن عون ..... وغيرهـ


قصيده قريبه الى قلبك وترددها مابين الحين والاخر .؟

طيـر خفـاق الجناحـيـن يومـنـك تطـيـرمالقيـت ادعـج غـنـج يــوم للبـيـدا تــرا

مدمج الساقيـن لاهـو طويـل ولا قصيـرضامر السرجوف مثل الهجيـن الضمـرا

كنه صف رموشها صف جيشٍ قدم اميروالمحاجـر مثـل بــراق نـصـبٍ لا ســرا

والنهيـد صغيـر بالصـدر مانـاشـه غـريـروالشفايـف حمـر ماحـط فيهـا الحـمـرا

والمعنق شبـر والجسـم ملبوسـه حريـروالجدايل شقر تكسي الردايـف مـن ورا

ان نطحتـه هايـف الـصـدر كـنـه ابيغـيـروان قفيتـه تـقـل متقـبـلً طلـعـه كــرا

ان بغيـت اكلـمـه صــار مـنـي يستـذيـروان بغيـت اجنبـه قـال بالله وش جــرا

قربـهـا مـنـي يــورد لحـفـره زمـهـريـروبعـدهـا عـنـي يـقـرب نكـيـر ومـنـكـرا

اشهد انـي عقبهـا فـي عنـا مانـي بخيـرمثل من يجتـار بالنـار مـن رمـض الثـرا

مابين اوراقك ومفكراتك الشعريه وجدنا ورقه باسم سلطان بن صاهد الجلاوي .؟ فما هي القصيده وهل هي مجاراه .؟


نعم لقد ارسل الي الشاعر سلطان بن صاهد الجلاوي قصيده ورديت عليها وهي احد المجاريات .

يقول الجلاوي

ياجرح كبدي على الي شافته عينـيفي ثالث العيـد يـوم النـاس ملتمـه

صـادفـت غــرو عــذاب للمحبيـنـييلعب بقلب الهواوي في طرف كمه

صادفتـهـا ووقـفـت يـمـي تنابـيـنـيلـكـن ماوحيتـهـا عـجـلـه ومهـتـمـه

مـن خـوف لحـدٍ يناظرهـا تحاكيـنـيوانا بعد حرص مابغا هرجـت الخمـه

واقفـت وقلـبـي تتـلـه بالشراييـنـيتل الرشاء للدلـو مـن منهـل الجمـه

الخشـم منقـاد مابـيـن الحجاجيـنـيوالعين عين الوحش في ذمتي ذمـه

وحواجـبـن كنـهـا هــلال الشيابيـنـيوالـخــد مـاكـنـه الا بـــارق الـغـمـه

سنه ان بالغت يمكن حول عشرينيصغيـر سـنـه نهـيـده بــاول الـزمـه

من عقب شوفه مانام الليل جافينيالعين عافـت لذيـذ النـوم مـن همـه

لـولا اللـحـن يــوم اغنيـبـه يسليـنـيلطـش ثوبـي وللحـق ثـوبـي العـمـه

وياليت مشعـل بعـد غنيـت يوحينـييوم ارفع الصوت بين الناس وادمـه

خابره في نفس مشواري مخاوينـيحـب الهـوى والمـوده شـارب دمــه

ورديت عليه بهذه القصيدهـ

تكفـى ياسلطـان تكفـى لا تعنيـنـيانـا تركـت الهـوى ماعـاد انــا يـمـه

اقفيت واهل الهـوى عنـي مقفينـيراحـو علـى يمـةٍ وانــا عـلـى يـمـه

وراك ذكرتنـي مـن كــان شاريـنـيالـي قفـل كـل بيبـانـه ولــد عـمـه

اغليه لانه من اقصى القلب يغلينـيومن الغلا ماقطعت الياس من يمه

ياما سهرت وكل النـاس ممسينـيويامـا تعديـت لـه وهـوه بسـد امـه

وياما تحاديت من خوف الحسودينيوياما تبينـت لـه فـي عالـي القمـه

واليوم طـاوي رشايـه طـي بيدينـيمقفي عن الحب لا طبـه ولا سمـه

حفرت له في طويل الحزم مترينيودور لقبره من الخفجي ليا الحمـه

لان الغضي يابن صاهـد لـو ينادينـيماجي معود واطش العفش والمـه

لجيـه لــو دونــه تـحـول الثقليـنـيواسمع كلام ادعج العينين من فمـه

يمكنها في خطـر والنـاس سالينـيوانته تغنـي بحـرف النـون والضمـه

مافيه عاشق وعشـق ابـلا براهينـيافده بنفسك سواة دريد ابـا الصمـه

بينما سمعنا مجاراتك مع الشاعر سلطان بن صاهد اتضح لنا انك شاعر تملك من الجذور الخضراء الكثير هل تسمعنا غزليه اخرىا ؟

تستاهلون كل علم طيب وهذي غزليه .

جـنـي عساهـنـه مــن الـنـار يـنـجـنلـكــن عـقــب اقـفـايـهـن ولـعـنــي

ذكـرت وقتـن فـات يــوم انشبـوهـنيـوم انقطـع حـبـل الـرجـاء دونهـنـي

يومـنـي ازهــم وابــك يـاهـن يـاهــنحـتـى عطـاهـن هــن عـنــي لـهـنـي

غـروه بالامـوال مـع ضحكـت السـنلـيـن ابـعـدو بــه والليـالـي ابـعـدنـي

وانـا الـذي مـن عقبهـن خطـر بنجـنوانــا الــذي ســود الليـالـي جـفـنـي

عقـب الـغـلا لــي والـدلـع والتمـنـناليـوم انــا مـحـروم مــن شوفهـنـي

يسـون نـون العيـن عـنـدي ويـسـونويسـون كـل البـيـض لــو يعرضـنـي

لا والله الــــي صـوبـنــي واقــفـــنوعزي لمن عكش الرموش اطرحني

شقر الذوايـب فـوق الاكتـاف يضفـنضمـر الحشـاء واخلاقهـن يسحـرنـي

الـكـامـل الله مـيــر كحـلـهـن فـــناوصـافـهـن فـالـبـيـض مـايـوجـدنـي

مــن عقبـهـن هـمـي بقلـبـي تمـكـنواصبـحـت اسـيـر الـرجـاء والتمـنـي

الشاعر مشعل سمعت لك بيت تقول فيه :

الله من همن لجا بيـن الاضـلاعهمن لجا في محدبات الضلوعي

نعم هذا مطلع قصيده اسمها ( ساعه حزن ) .

هل بالامكان تسمعنا لها .؟

بالطبع .

الله مــن هـمـن لـجـا بـيـن الاضــلاعهمـن لجـا فـي محـدبـات الضلـوعـي

وحطـلـه مابـيـن الصنـاديـق مـربــاعولا عــــاد لــــه نــيــةٍ لـلـطـلـوعـي

وجـابـلــه حــصــاده وجـابــلــه زراعواسقاء المزارع من مذارف دموعـي

دمعن من عيوني على محجـري مـاعمـاء دم مـدري ميـر مـن كـل نوعـي

يجري جواري السيل ليا جاء مع القاعاو لا انتحـى مــع واديٍ لــه فـروعـي

ولمت علـي حـزون وهمـوم واوجـاعواضلم سمـاي ولا بقـى بـه شموعـي

كـنـي غـريــر تـالــي الـيــل مـرتــاعمرتـاع ماعنـده مـن الـنـاس دوعــي

وشواي من وسط الحشى تقل تنـزاعوالقـلـب مابـيـن الضمـايـر يـزوعــي

يــزوع زوع الطـيـر لا طـالـع اطــلاعلا طـالـع لـجـول الحـبـاري مـزوعـي

علـى فقيـدن راح مــن دون مـرجـاعولا عــاد حـاصـلـه علـيـنـا رجـوعــي

والتج راسي ماسمـع بسمـع الاسمـاعمـن كبـر بلـواي ماتسـمـع سمـوعـي

وهذه احد قصائد الشاعر مشعل بن عباس الشيباني باسم كاسر الشام :

كريـم يابـرقـاً ســرا يلـعـج الـعـاجعيـنـي تخيـلـه والمشـاعـر تخيـلـه

نـوره علـى كـل المخالـيـق وهــاجمـن خلقتـي ماشفـت برقـاٍ مثيلـه

جاء من شمال وقلت هذا الحيا راجلـكـن انــا بعـيـن ماشـفـت سيـلـه

ومـــر وتـعـدانـا ونـاحــر لـلافــلاجيالله يــوالــي عـلـيــك الـعـقـيـلـه

يالله يـامـوعـد عـبــادك بـالافــراجتفـرج لهـم مـن نـو هــذا المخيـلـه

الشاعر مشعل بن عباس الشيباني شاعر محاوره متمكن شاركت في برنامج شاعر قلطه الوطن .؟ هل عرض عليك المشاركه .؟ وكيف تم قبولك في البرنامج .؟ بالعلم انه تم اختيارك في مقدمه الشعراء الذين تقدمو ولربما تم رفض شعراء معروفين اعلاميا ؟


لقد كان هنالك عرض للمشاركه لجميع شعراء المحاوره وانا واحد منهم , تم الاختيارعلى موجب اختبار اللقاء الذي اجرته لجنه التحكيم , تم الاختيار من قبل اللجنه على حسب الشاعريه وليس حسب الظهور الاعلامي ولربما هنالك شعراء ليس لهم ضهور اعلامي ولديهم الكم الهائل من الشاعريه .



ابو فيصل قلت قصيده بعد مشاركتك في اولى حلقات برنامج قلطه الوطن فما هي .؟

ابـبـدا بـاسـم مــن نـشـأ سحـابـهعـزيـز المـلـك عـالـم ماطـرالـي

كـريـم الـجـود مـــا يـنــرد بـابــهبـديـع الـوصـف يـزهـاه الكمـالـي

بـعـدهـا جـيــت انـــادي ياعـتـابـهابــي ميـقـاف تـشـهـده اللـيـالـي

يشـوش الـه الصديـق اليـا درابــهويرمـي غتـرتـه وايـضـا العقـالـي

ويـحـرق كـبـد مــن مـابـه ذرابــهويجعـل فـوق كـبـده دوم صـالـي

خـذيـت بسـاحـة القلـطـه رحـابـهودخلـت بوضـع مافـيـه احتمـالـي

وتعـديـت الخـصـم بـبـدع اجـابــهوبـاقـيـهـا عـلـيـكــم والـتــوالــي

ابــا التصـويـت مايحـصـى كـتـابـهرسـايـل فــي رسـايـل واتصـالـي

هــذا وانـتـم حـزامـي عــز لابـــهحصون(ن) شامخه فـوق الجبالـي

هـل الوقفـات مـن عهـد الصحابـهوهـل الطـالات مرويـن السـلالـي

وهـل العـادات وايضـا اسـود غابـهتشيـلـون الخـفـاف مــع الثقـالـي

سوات السيف مصقول(ن) نصابهلكم محـراب فـي روس المعالـي

ولكـم بيـن العـرب قـدر ومهـابـهولكم صيت(ن) وراء نسج الخيالي

الشاعر مستور السفياني الذي يعتبر شاعر له جماهيريه عاليه كيف تخطيته في المرحله الاولىا .؟

اولا الشاعر مستور السفياني شاعر كبير واخ عزيز وتعتبر جماهيره جماهير لي وجماهيري هم جماهيره , وتخطيته بفضل من الله ثم وقفه قبيلتي عتيبه وقبائل شبابه وجميع جمهوري من جميع القبائل , واشكر كل من ساهم او صوت لي عبر هذا البرنامج .

الشاعر مشعل بن عباس الشيباني تفوقت بنسبه 75% مقابل 25% للشاعر مستور السفياني نسبه كبيره هل هنالك دعم مادي من شخص معين او دوله معينه .؟


ليس هنالك دعم من شخص معين وانما اجتهادات فرديه , والحمد لله صوت لي من المملكه العربيه السعوديه والكويت والبحرين وقطر والامارات وعمان واليمن والاردن ومن الاشقاء العرب .


ابو فيصل بفضل من الله انتقلت من المرحله الاولى الى المرحله الثانيه ولم يتبقى من شعراء قبيله عتيبه وقبائل هوازن وقبائل شبابه سوا انت الشاعر الوحيد فالحمل اصعب والموقف اشد والامل كبير ان شاء الله في الشاعر مشعل عباس الشيباني فما تقول ؟

اول شي الحمد لله هذا من فضل الله سبحانه وتعالى ووقفه من وقف معي , ويشرفني ان امثل قبيله عتيبه وامثل قبائل هوازن وقبائل شبابه وثقيف في هذا البرنامج وادعوهم لمساندتي فاليد الواحد لا تصفق , واعدهم بان اقدم مايليق بهم وبي اما الجمهور .




في الختام يا ابو فيصل كلمه تود ان تقولها


اشكر كل من وقف معي , ومن ساندني من السعوديه ومن الكويت والامارات واليمن وقطر والاردن والبحرين وعمان , وادعوهم للوقفه معي في المراحل القادمه بكثافه , والله ولي التوفيق .


وفي الختام صلى الله على نبينا محمد وعلى اله وصحبه وسلم

[/عبد العزيز الجذع/]

لقاء شيق.


ماشاء الله عليه..

يا زين قصايده..


لاهنت يابو بندر..

تحياتي...

[ابوبندرالشيباني]

تسلم اخوي عبدالعزيز الجذع على مرورك

ويستاهل ابو فيصل الكثير منا وحنا والله مقصرين معه



ولاكن نبي نعوضه خير في التصويت والاعلام


والله يوفق شاعرنا

[البريماني]

الله الله لقاء في قمة الروووعه مشكورررر يابو بندر الشيباااني

على هالقاء والشاااعر مشعل شاااعر جزل وقوي وحنا معااه للأخيرررر

[ابوبندرالشيباني]

تسلم على مرورك اخوي الوفاء طبعي

والوفاء طبعك وانا اخوك ولا تقصر وكلنا مع ابو فيصل بالحال والمال


ولاهنت على مرورك

[رمح برقاا]

مشاء الله لقاء جمييل وشيق والله يوفق شاعرر عتيبه

[مستشار القبيلة]

لقاء جمييل وشيق والله يوفق شاعرر عتيبه