رباعية (( مطلق ومستور وصياف وخلف ))

[وافي الخماش]

مطلق الثبيتي

صياف ويا خلف هذال نبغاهم جمال جميع"
"حتى نحمل عليها الصبح حملتها وتشتالها
مستور العصيمي
اللي يضيع خويه ما نقول انه بدرب سنيع"
"واللي لقاله طماعه فالضحى ما قال هيالها
خلف بن هذال

الله يسلمك يا رجال حرك سوق تشري تبيع"
"بعض البضايع خساره عاطله بيدين دلالها
صياف الحربي

اللي تخلف عن الغزوات ماهو فالمكان الرفيع"
"وان شاف له نار في شط البحر مر وتعدى لها
مطلق الثبيتي

يا شين خوتك يا رجال في وقت الشتاء والربيع"
"عقلتها يا خلف لكن وليا تطلق عقالها
مستور العصيمي

ما ني بخابرك يا صياف راعي طيب والا صنيع"
"لكن خل القضيه يالحريبي لين نفضى لها
خلف بن هذال

لو انك اليوم زبده يا ثبيتي فالقدح ما تميع"
"ليل الشتاء يحفض الزبده ويتركها على حالها
صياف الحربي

مستور مثل الاذاعه والثبيتي فالاذعه يذيع"
"يا لين قالت له العمه تصلي لي وصلالها
مطلق الثبيتي

اثرك تمشنه اللي فوق جنب شعيل تقرع قريع"
"وان مروا الزير والا البير حطوها على جالها
مستور العصيمي

لو ما ركبها الفحل يا صاحبي ما بان فيها ظريع"
"صياف تومي لام الغيث بالمنديل واومى لها
خلف بن هذال

مطلق تراها الوداعه والوداعه صرت انا الها وديع"
"ادرا عليها واعلقها على المعلاق بلحالها
صياف الحربي

من يوم نمتوا على ديس اللبن مثل الوليد الرضيع"
"يحرم عليكم قدوع التمر والدله وفنجالها
مطلق الثبيتي

الناقصه خلها فالخرج لا تبدي بها كل ريع"
"والشوكه اللي تحت رجلك تبا تدخل وتصحى لها
مستور العصيمي

يا طول خطوتك يا صياف وان شفت الغني ما السريع"
"واليا عقدنا العقد يا صاحبي منته بحلالها
خلف بن هذال

الناقصه ناقصه والوارده لو ضيعت ما تضيع"
"ارقد عليها قبل تقعدك بنت ابليس لعيالها
صياف الحربي

الذيب يسرح وجحر النوم ترقد به كبار الضبيع"
"والناس لا شافت وجيه الذيابه ترخص اموالها

[عبدالرحمن الهيلوم]

هذا هو الشعر واللقلطه صح
شكريا يالغالي

[عبدالله الجـــذع]

قوه في المعآني وآبيآت جزله

رحم الله من مآت منهم واطال بعمر احيائهم

محبك

.,’

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[وافي الخماش]

لا هنتم يالذيابة ..

عبدالرحمن الهيلوم

عبدالله الجذع

شــآإكــر مروركم ..

[محب الهيلا]

يعطيك العافية

[وافي الخماش]

يعافيك ربي ..

شـــآإكـر مرورك ..

[/عبد العزيز الجذع/]

هذي المحاورة الصح..


تسلم يمينك يا وافي..


تحياتي..

[@ـايل]

رحم الله الشاعر الكبير مطلق البيتي

والله يطول عمر الشاعر الكبير مستور العصيمي

وصح لسانهم على المساجله الطيبه بطيبهم غفر الله لهم

اشكرك اخوي وافي على النقل الطيب والرائع

لاهنت وقواك الله

التوقيع

تويتر : AlHooL@

[وافي الخماش]

عبدالعزيز الجذع

هايل العتيبي

لا يكتمل الابداع الا بحضور شرواكم لا هنتم ..