ياعيون الشعر ... يالوله ... وياداناته @@@

[القرفي]

في الحفل الذي اقيم في هجرة طحي في 1/2/1429
عند قبيلة العصمه بحضور الشيخ / مانع ابا العلا
شاركت بهذه الابيات التي جاءت على عجاله
لكم مع التحيه

ياعيون الشعر .. يالوله وياداناتـه =يافرايد عنتـره , يانقـوة المتنبـي
جاوبيني لاكتبت الشعر في ساداتـه=لاكتبت الشعر فاللي يستحقـه لبـي
ياسلام الله سلامٍ فـي ثنـا طياتـه=الوفا ..والمقدريه ..والغلا .. والحبي
للرجال اللي وفاهم علقـوا راياتـه=والكرم والطيب فيهم وهبةٍ من ربـي
ياعتيبه طيبكم تشهد عليـه اعداتـه=طيبكم طبعٍ لكم والطبع ماله طبي !!
فيكم ارجالٍ تجيب الطيب من مصفاته=فعلهم مثل المزون بغيثهـا تنصبـي
يكفي ان اباالعلا ماتلحـق هقواتـه=شايبٍ على المكارم والمغارم شبـي
زينه طيبه وزانه فعلـه اوصملاتـه=والرجال اهل الوفا واهل الثنا تنحبي
قلتها وانا من اللي تتعـب الشماتـه=بالمراجل يتعبون مدورين السبي !!
البقوم اللي من المعنى خذوا جزلاته=ربعي اللي فعلهم يذكر مهو متخبـي
كاسبين الطيب مياته .. وخمسمياته=ومن وفانا للرجال الطيبين .. انلبي

ضيف الله بن طاحوس البقمي