ياعزتي للشعر!!

[مازن بن سعد بن شبلان]

السلام عليكم ورحمة الله وبركاته

أسعد الله صباحكم بكل خير أعضاء هذا المنتدى الرائع

حقيقة أعتذر عن الإنقطاع الفترة الماضية وأنتم أهل للصفح

وهاأنا أعود لكم بهذه القصيدة الفريدة من نوعها حيث أنها مشتركه بين الشاعرين مازن بن سعد بن شبلان والشاعر فالح الغنامي تجسد شعور أتركها تعبر عن نفسها,,,, وأملي أن تحوز على رضاكم

من عقب قيفان الرجال المناعير= اللي لهم فالشعر علم وفوايد
ومن يوم كل الناس صارت شواعير=عفنا مشاعرنا وعفنا القصايد
صارت بيوت الشعر مثل المسامير=في درب سامعها تحط المصايد
تنهج مقاصدها دروبٍ معاسير=نهج ٍ مخالف لأهل جزل الفرايد
هشاش هرجٍ مثل عش العصافير=وسوالفٍ تشبه لهجّ الطرايد
ومغازلٍ فاضح وساقط ولا غير= وأعراض خلق الله سواة الموايد
ياعزتي للشعر من هالمثابير=اللي على الشعر الحقيقي زوايد
تكفون يأهل الجزل صفوا طوابير= حتى يصير الجزل شايع وسايد
واستأصلوا هالشرذمه يالمسافير=اللي ملوا كل الصحف والجرايد
ترى الشعر يصرف سواة الدنانير=مايكتبه ياكود ماهر وصايد
ولايكتبه من يحسبون المخاسير=ولا يكتبه ياكود عقلٍ محايد
وصلاة ربي ماتراكم مزابير=على شفيع الخلق يوم الكوايد

وسلامتكم

[محب الهيلا]

صح لسانك ولسان خويك

ومشكور وماقصرت

[أبو صقر]

صح لسانك ورفع الله شانك






تحيتي ......

[عبدالله الجـــذع]

صح لسانك يالغالي..


فعلا غنايم بعد طول انقطاع

مشكور ولاهنت يالقرم

محبك

,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[مرزوق حمدان العتيبي]

ترى الشعر يصرف سواة الدنانيـر
مايكتبـه ياكـود ماهـر وصايـد
ولايكتبه من يحسبـون المخاسيـر
ولا يكتبـه ياكـود عقـلٍ محايـد
وصـلاة ربـي ماتراكـم مزابيـر
على شفيع الخلـق يـوم الكوايـد
..
.

صح لسانك وبيض الله وجهك ...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[معجب العتيبي]

شاعر ومافيك حيله

ابدعت في التصنيف

ابدعت في توجيه الرسائل غير المباشره

ابدعت في صياغة وترابط ابياتك

صح لسانك ولاعاد تغيب

التوقيع

[محمد النخيش]

صح لساااااااااااانك جزله من جزل


من طول الغيبات جاب الغنايم


وهاذي غنايمك

التوقيع

اطلـق سـراح الفكـر وابـعـد مجـالـه حتى تصيد الشرد وتطـوع الشـرد واتعب على الكلمه وشعر الجزاله واللـي يجمـل للعـرب تسـرده سـرد فالشعر يبقـى شعـر راع الاصالـه اللـي بشعـره منـفـرد بالـجـزل فــرد تويتر: alnkhish@

[مازن بن سعد بن شبلان]

محب الهيلا- سطام روق-عبد الله الجذع- مرزوق حمدان العتيبي-معجب العتيبي- أبو مناسيب

صحت أبدانكم وجعلكم سالمين

أما بالنسبة للإنقطاع فيعلم الله إنه لظروف وإلا يسعدنا ويشرفنا أن نكون من مرتادين هذا المنتدى بإستمرار

تقبلوا خالص إحترامي وتقديري

ودمتم بحفظ الله,,,,

[القرفي]

ترى الشعر يصرف سواة الدنانيـر
مايكتبـه ياكـود ماهـر وصايـد
ولايكتبه من يحسبـون المخاسيـر
ولا يكتبـه ياكـود عقـلٍ محايـد
وصـلاة ربـي ماتراكـم مزابيـر
على شفيع الخلـق يـوم الكوايـد
..
.

صح لسانك ولسان صاحبك وبيض الله وجهك ...

تحيتي

[عيسى العوفي]

صح لسااااااااااااانك


وسلم بوحك


سجل اعجابي