اقرب شاعر....يشد الحيل ويسري الليل

[المرشـ ساطي ـدي]

بين شاعر وشاعر فيه نفره وربط=وبن مرشد على الشعار صابه نشاط
فيه شاعر معاني يضبط البيت ضبط=وفيه شاعر على الدبكه وشعره هياط

[أبو وافي العتيبي]

بين شاعر وشاعر ماش قيدٍ وشرط = يابن مرشد على الشعار ماش أشتراط
فيه شاعر حماسي يخبط الشعر خبط = وفيه شاعر رزين ولايجيه أختباط

[المرشـ ساطي ـدي]

اعذرني على التاخير يابو وافي

شيل حملك وحط اللي تبي ثم احط=شفت بينك وبين المعنى قو ارتباط
شفتها ما تجي من السماء خر بط=ودها هاجس(ن) راعيه مابه انحباط

[أبو وافي العتيبي]

كان شفت الحروف ولا تشوف النقط = والمشاكل تراها كلها فالنقاط
صـاحبي وين راح وصـاحبي وين نط = التقطها عن اللي غافلين إلتقاط

[المرشـ ساطي ـدي]

العجله شانه

شفتها كلمة من تحتها خط خط=كلمة يمكن ان صايبها حمى رهاط
انشد الشاعر اللي يحسب الوز بط=بعد طفيت نارك كيف تنطح شباط

[أبو وافي العتيبي]

أستلم يالذيب


..

صاحبي لا تزيد الهب وط وط = فيه ريحت حراق وفيه ريحت شياط
أنشد الشاعر اللي في كلامه ورط = كيف يرضى لنفسه ياعرب بالرباط

..

[المرشـ ساطي ـدي]

شافني مرخي(ن) في الحبل ثم انخرط=مير ابا اشد حبلي واسحب الاحتياط
وكان عود لحبله والله لينفرط=ثم يروح بحبله مثل روحة مقاط

الليل يابو وافي الليل

[أبو وافي العتيبي]

ساطي
مير ابا اشد حبلي واسحب الاحتيـاط
هههههه

أستلم لاهنت

...

شافني يوم أجامل صاحبي ونشحط = مير أبا أمشي الأصحاب فوق الصراط
بعد جبت السمنه صاحبي ماقلط = فوق زلٍ حمر ماهو فوق البلاط

...

[المرشـ ساطي ـدي]

انتبه لا يشم القاز عود الشخط=ثم تصير الحطب وضيع هالانفراط
بعد جبت السمينه ملحها ما زبط=كيف تبغاني اكل منها وهيه سماط

[أبو وافي العتيبي]

أنتبه لا تغير في جميل الخـطط = خابرك ماأنته العيه ولا أنت السواط
صاحبي قد تحضرى مايبى إلا زلط = ماأنت بأكل سمينه وفمك فيه الزماط