محاولة جديدة
ارزم سحاب الصيف محي المجاديب=اليا ومر ربي يدلّي علاها
من عقب ما كانت يباس ٍ مشاذيب=اليوم تزهى حالمه في فلاها
لاهب غربي ٍ يسوق التراحيب= ارجوك قل له كان مرّ اجهلاها
عندي رساله تختلج فالمحاديب=امصدره من هاجسي من ولاها
احروفها مثل البنات الرعابيب=كلّ ٍ على الاخرى تزود ابحلاها
وبعض الحروف ارجال تزهى لشانيب=نيران ما تِقْرب لواهب صلاها
خذها معك لمشذبين العراقيب=اللي خزاها فالضماير بلاها
جعلك ليا جيته تحصل معازيب=لو كنت اظنك ما تحصّل هلاها
ولاظن له دله تصب إلاجانيب=ولاظن زواره تشوف اقبلاها
لكن لازم تسنحه سنحة الذيب=خصّ ٍ له ولا هي تخص اعقلاها
يا اهل الدنافس والزرا والمكاذيب=دايم تطيح اشكالكم بامثلاها
هرج القفا من عادة ام المخاضيب=وام الزرايا ما تكب اعملاها
بعض الرجال اتصان عن هرجة العيب=وبعض الرجال ان شاف عيبه تلاها
بعض الوجيه ان شفتها قلت يا هيب=وبعض الوجيع اتقول ربي جلاها
بعض العلوم اتصير مثل المشاهيب=وياكثر ناس ٍ صارت امن اوكلاها
متى تصح امن التّراهات وتطيب=يا الجاهل اللي قربته ما ملاها
لابد ما ارسل لو اغثرب مشاريب=لو كان هرجي للخساير غلاها
مكاني اللي فوق هاك المراقيب=ما تنقصه هرجة عجوز ابخلاها
ما جاك غار الطيب لو فيه ترهيب=كم علة ٍ ترهيب حرفي طلاها
وختامها صلوا على منهي الريب=مرسول ربي والشفيع إلملاها
30-Apr-2008, 01:39 AM
العرض العادي
