محاورات شاعر المعنى فلاح المورقي مع كبار الشعرا

[ابراهيم الزراقي]

محاوره مع صقر السلمي



صقر السلمي

عند قوم ٍ نهجهم مايختلف طول الزمانـي=مرحبا فالمجلس اللي من حضر له مايمله
الزميل المورقي شاعر وماهر فالمعانـي=بعد ماجانا نبا الهرجه على فنجـال دلـه

فلاح المورقي

بأسم ربعي منبع الطاله عريبيـن المجانـي=البقا بك والكريـم الله يعينـه فـي محلـه
هات علمك من مكانك وابشر اني في مكاني=وان لفاك الضيف لا تبدي على ضيفك بزله

صقر السلمي

شايف(ن) مزن(ن) نشا بين الرويضة وحلباني=مير مـدري ينتهـي وألا يعـم الـدار كلـه
ما يجيك علوم لوم ودوم مـا يغلـط لسانـي=إن هداك الله عطاك ولن عظاك العلـم خلـه

فلاح المورقي

سيلها قدامها عل الرفاع امع الطماني=بارك الله فالمزون المردمات المستهله
صقر عاده فالزياده في بلاده ما يداني=وان بغيته ما لقيته يلغز اللغز ونحلـه

صقر السلمي

كان هلت واستهلت واستدلـت دار ثانـي=انت برا ما تذرا عن بردهـا اللـي تهلـه
صقر عمك وانس همك لا يهمك يا ضماني=يا فلاح الاقتراح امن المبـاح الحمـد لله

فلاح المورقي

ما نفرق وانت بـرَق لا تطـرق للهوانـي=ديـره الاسـلام والاعـلام دايـم مستقلـه
صقر يزرع حنظله ويقول تثمر زعفرانـي=امغشوش(ن) بالغشش عقَد شوَش والحد زله

صقر السلمي

روق يابن روق لين تذوق مذلوق السناني=من قديم سليم اهل تعليم كل(ن) شاهد لـه
وانت سدك لا يبوح ولا تروح من الاماني=وتزال جبال يا رجال مـا زالـت جبلـة

فلاح المورقي

من كلامك شف مقامك وين شانك وين شاني=النعم فيكـم ولـو ان نصكـم ميّـت بغلـه
كل ما قلت الك جاك العلم قلت العلم جاني=واثرك اللي لارتفع ظغطك تزيد الطين بلـه

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ


محاوره مع ابن رحمه

ابدع فلاح المورقي في حفله فالكويت مع ابن رحمه اترككم مع المحاوره
ابن رحمه

نبغى رباعيه حماسيه
يايام ياللي ناركم حيه
ياتاج راسي حزت الهيه
والطيبه من طيب راعيها


انا ما اتهيض كان ما وقفوا يام= وباقي القبايل ما عليهم قصيره


فلاح

ياتاج راسي ربعي اعتيبه
فلاح فالميقاف ياطيبه
مير ازهلوا سعوود في جيبه
والطيبه من طيب راعيها

ومن قال انا ظيم الرياجيل ينظام= وكلن على نفسه عيونه بصيره


ابن رحمه

يالمورقي خلك على ظني
ان طعت شوري لا تزعلني
سنك صغيير ما لحق سني
والطيبه من طيب راعيها

الا يا فلاح اركد ترا الوعد قداام= انا شر لوجيه الرجال الشريره

فلاح

والله ما اقبل رشوه الراشي
وصحيح انا فالملعبه ناشي
ياكم جمالن رقها الحاشي
والطيبه من طيب راعيها

انا ما علي خلاف فارس ومقدام= وربعي ترا صفوه رجال الجزيره


ابن رحمه

هذا الولد ياحلو تعصيبه
الله يهني ربعه اعتيبه
شاعر وزيناتن هناديبه
والطيبه من طيب راعيها

عسى الله يعينك عند تفسير الاحلام= تبيها صغيره وزن والا كبيره

فلاح

هذا الولد يهجد بني مره
والله يكافي يام من شره
ماهو بمن قصاصه الجره
والطيبه من طيب راعيها

انا كل ما اكبر شفت عدواني اقزام= ولا ضاع من حقي سوات الشعيره

ابن رحمه

هذا الولد ما فيه احد زيه
وحنا بني يام الهلهيه
روحوا وراكم ياحراميه
والطيبه من طيب راعيها

ابعطيك قطره حبر من روس الاقلام= توقع بجنب الكوره المستديره

فلاح

الكل والله يعرف الفرقا
يايام حنا روق مع برقا
وهذي غنايم ماهي بسرقا
والطيبه من طيب راعيها

هذي خلها في فمك مع طول الايام= وتكسب من المره قروشن كثيره

ابن رحمه

فلاح يا فالح يافلوحي
ارفق علينا يابعد روحي
تغلط علي منته بمسموحي
والطيبه من طيب راعيها

وعدنا ليامن ساروا الناس نياام= وتاخذ من المره مزوحن صغيره



فـلاح

ياسعيد ياسعوود ياسعاده
الظاهر انك ناعم ازياده
والمورقي ما ضيع اشداده
والطيبه من طيب راعيها

وعدنا نهار الحرب نلزمكم الزام= وانا خابرن سعوود مدهون سيره

آخر تعديل ابراهيم الزراقي يوم 29-Apr-2008 في 12:02 PM.