الغرام الجديدي

[عبدالله ضاوي الثبيتي]

السلام عليكم ورحمة الله وبركاته




احدى ماكتبت واتمنا ان تنال اعجابكم




الخـافــق الـي تــالـي الليـــل وقـــــاّد
............... مـن غـطــرسـت نـار الغـرام الـجديــــــدي

يسـوقني فـي دوجـة الـفكـر وانـقــــاد
............... مـع هـاجـس الـذكـرى وخـل ٍ بـعيــــــدي

سنـتـيـن مـبـطــي ماتهنيــت بــرقــاد
............... مـن سـبـة الي حبـه اخضـب وريــــــــدي

يـجـري زبن عوج ٍ كما حصـن ٍ اشـــداد
............... مـدري سـجـنـته مدري بيديـه قـيـــــــدي

ضـبـي ٍ علـى تـل الـمحـبـيــن ريّـــــــاد
............... ذرب ٍ يــغــنــي بــاللــبــاقـه نـشيـــــــدي

يـوم ٍ لـقـيـتــه صـدفتٍ دون ميـعــــــاد
...............فـي لـيـلـة ٍ جـردى وبـردٍ شـــــديــــــــدي

فيهـا عرفت امـن العجب دون تـعـــــداد
............... يـوم ابـتـسم جمر ٍ بـحـضنـه جـليـــــــدي

يـوم القمر يمشي علـى الارض مـرتــاد
............... طــاغــي عــلى غـيـره بنـوع ٍ فـريــــــدي

ابـرق يـنـاظــر داخل اهــداب ٍ اهـــداد
................ خـــدارهـــم والــيــــا تـدلــع يــزيـــــــدي

واليــا التـفـت ليـلـه كمـا ليـل بــغـــداد
................ امـن الـحــزن مـظـلـم ولاكـن مـجيــــــدي

تــاريــخهـا في صـفحتي كـان مـيــــلاد
................. لاحلى الصدف واجمل غرامي وعيــــدي

يــايــوم ذكــراهـــــا ويــا عـز الاعـيــــاد
............... حــولــيــن لك وانــتــا تـلـون قـصــيـــــدي

مـعـنــاك ونـه والــقـــوافــي تــنــهــــاد
................ مـــوال يــصـــرخ يـالـهــلاك الاكــيـــــدي

مـدام صـرنـا ابـعـاد واقــدارنــا ابــعــاد
............... وشــلـي بـقـصـة هـالـرجـا مـاتــفـيـــدي

وانـــا عــزيــز ٍ رافــعــه رب الاسـيـــــاد
............... عـــن الــتـذلـل للـزمــــان الـعـــنــيــــدي

قـرم ٍ ولـي رايــه على روس الاشـهــاد
............... بـنـكي الـرجـولـه والفـعـل مـن رصـيـــدي

مـن لابـت ٍ تـاريـخها امـجــاد بـامــجــاد
.............. امـعـيــنــيـن الـطيــب ســاع الـبــريــــدي

الــيـا زهـمــت اعـيـالهـم قبـل الاعــواد
............... صــكـو عـلـيـا صــك حـصــن ٍٍحــديــــدي

عـتـيـبـــه الـهـيـــلا ويـاحـي مـن نـــاد
............... الـفـعـل الاجـزل والـكـلام الـسـديــــدي

اذا الـــزمـن عــانـد انـــا اكـثـر عـنــــاد
................ واذا الـــزمـن جـيـد تـرانـي يــاجـيـــدي

طمـوحي اكبـر مـن رضى قلـب وقـــاد
................ واكـبـر مـن الـذكرى وخـل ٍ بـعـيـــــدي

يـفخـر بـجـده مـن صـنـع جده امــجـاد
................ نـذر ٍ علي ارقبتي لـيـفـخـر حـفـيـــدي




وشكرًا


.

[عبدالرحمن الهيلوم]

صح السانك يالغالي

[معجب العتيبي]

صح لسانك


ابداع وليس غريب على مثلك


الله يعينك على الحب ودواهيه


ننتظر الجديد والاجمل

التوقيع

[عبدالله ضاوي الثبيتي]

المشاركة الأصلية كتبت بواسطة عبدالرحمن الهيلوم

صح السانك يالغالي

صح بدانك




لك كل الود

[أبو نجر النفيعي]

..

صح لسانك يابو ضاوي ..

مبدع ..



أخوك

التوقيع

.....

[عبدالله الجـــذع]

صح لسانك يالغالي ولاهنت

على هالجزله..

تقبل مروري

محبك

,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[/عبد العزيز الجذع/]

صح لسانك..

وبيض الله وجهك على القصيدة الجميلة..

[عبدالله ضاوي الثبيتي]

المشاركة الأصلية كتبت بواسطة معجب العتيبي

صح لسانك


ابداع وليس غريب على مثلك


الله يعينك على الحب ودواهيه


ننتظر الجديد والاجمل

صح بدانك يالامير


الله كريم


ابشر بالجديد


لك كل الود

[على الغيم]

صح لسانك
وبيض الله وجهك

[عبدالله ضاوي الثبيتي]

المشاركة الأصلية كتبت بواسطة أبو نجر النفيعي

..

صح لسانك يابو ضاوي ..

مبدع ..



أخوك

صح بدانك يالامير



لك كل الود