يازين وقتن فات ماهوب هالحين

[السلمي العدناني]

يا زين وقتن فات ما هوب هالحين

يـوم النوايـا كلهـن صافياتـي


و الحقد ما يوجد و دايم سعيديـن

ونفوسنا سمحـة وسكـر نباتـي


و بيوتنا ونسه و لا به شياطيـن

ما يدخله صـورة ولا منكراتـي


و يطرد ظلام الليل عنا سراجيـن

و أحيان يقضي قازهن طافياتـي


مشروبنا صافي من الزير ولبيـن

ماهوب مستورد سريـع الفواتـي


ما صنعوه الغرب يا فالهم شيـن

مابه مواد الحفـظ و مسرطناتـي


وعشينا مرقوق بيـن العشاويـن

تحطه أمي قبل وقـت الصلاتـي


لقمة هنيه طيبـه طعمهـا زيـن

تحوفهـا بيدينهـا الطاهـراتـي


ثمن ننام إلـى قضينـا مصليـن

بعد العشاء كلـن يريـد المباتـي


و أمي تنومنا بزيـن السباحيـن


سوالفـن مـن عندهـا طيباتـي

ننام من بدري ونصحى نشيطيـن

بعد الشروق أشغالنـا جاهزاتـي

ما به كسل لأشغالنـا مستعديـن

ما عندنا سايـق و لا خادماتـي

نلبس بيوم العيد ثـوب السباهيـن

و أم تحنينـا نمـاري البنـاتـي

مقيالنـا بمجببـن بيـن بابـيـن

فيه الهواء يطرق جميع الجهاتـي

نشب نـارن بالشتـاء و متدفيـن

مـا فيـه دفايـات و مكيفاتـي


يجي المطر و ثيابنا تنتلي طيـن

و نلعب جميع عيالنـا و البناتـي


يصب مثعبنا ونملـى المواعيـن

يا حلو ذاك الماء و ذيك الحياتـي


ماهي حياة الحين ياشين هالحيـن

كله غثـاء وهمومنـا كاثراتـي


كلش يجي لك لو بكلمـه تناديـن

كلش توفر بـس مابـه حلاتـي


صلاة ربي عد ما ترفـع يديـن

على محمد صاحـب المعجزاتـي


قصيدة أعجبتني ونقلتها وإن شاء تكون أعجبتكم صراحة ودتني عالم ثاني ياليته يعود

[نجر بن هاجد]

صح لسان قايلها ولاهنت يالذيب وبيض الله وجهك

[عبدالله الجـــذع]

والله ان ذوقك نادر وحلو يالغالي..

قصيده قمه قمه قمه ..

الله لايهينك يالغالي..

محبك

,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[عبدالرحمن الهيلوم]

مشكور يالغالي
الان قمنا نشوف العدناني والقحطاني !!!
الله اكبر
هل ستاتي عصور الجاهليه ونعراتها القبليه مرة اخرري !!

اكرمكم عند الله اتقاكم ياسلمي
يالله تصلح شان امة محمد

[ساري 3]

صح لسان قايلها قصيدة فيها تحسر على مامضى

ولاهنت يالسلمي العدناني

[سفر الاسعدي]

بارك الله فيك

[/عبد العزيز الجذع/]

صح لسان قايلها وناقلها..