عيني شقاويه***

[رجا الروقي1]

السلام عليكم ورحمة وبركاته

اضع هذه المتواضعه بين يديكم واتمنى ان تنال استحسان الجميع


عيني شقاويه

البارحه ياعلي عيني شقاويه = ماذقت أنا النوم لين الصبح لي باني
بإسباب منهي وصايفها سنافيه = الجادل اللي كساها الزين تيجاني
واللي ذبحني بسود رموش مضفيه = ساعة نظرني بها وقفت حيراني
وأبوجديلٍ على الأمتان مثنيه = مع قصة ٍ سايبه من فوق الأوجاني
وأبوخدودٍ تقول بروق وسميه = وخشم ٍ كما خشم دلة سيف هدلاني
وأبومبيسم تقول الجمربشفيه = وكن البرد لاضحك مابين الأسناني
وعنق ٍ ألياأقبل يشابه عنق ريميه = ووسط كما خاتم ٍ مصبوب ضمراني
والطول ماشفت مثله فالعرب زيه = ماشفت مثله مع أقصى الناس والداني
ماشفت مثله مع الخفرات موليه = وفي وصوفها من بنات الحور بجناني
الحره اللي كما عين النداويه = من بد كل العذارى حبها أشقاني
وفي وصوفها ياعلي توصيف حوريه = وأستغفرالله لأقول برسم فناني
سبحان خلاقها رب العبوديه = اللي خلق خلقها لولو ومرجاني
ماأحب أنا غيرها فالكون هاذيه = هي وحدها منوتي فالبيض يافلاني
أهديتها ياعلي قلبي لها هديه = ملك ٍ لها وحدها تأمر وتنهاني
ومايطلبه من غلاه أفديه عينيه = واليوم سيد العذارى شأنها شاني
يالله عساها تحس بكل مافيه = وتروف بالحال ياذربين الأيماني
من عقبها الحال ترف الروح مبريه = بري المراسم بحالي يوم تبراني
وإن كان قدر ضروفي وأرخص الجيه = يرسل عليه بخطه ويتحراني
وإن كان خلي عطاني صافي النيه = والله لأرخص لها الغالي بالأثماني
ومن لاقبل حسنة ٍ مايقبل السيه = ومن لايحفظ العهد يازين خواني
حباً بليا جسور وساس عاريه = لاخيرفي بناية ٍ بدون سيساني
عاهد وأعاهد وتلقى كل خافيه = كلام مخلص وزاورني وتلقاني
فرصه وخوفي تضيع من الحسوديه = ولاشك تدرين كم بالأرض شيطاني
تكفي زيارة تفاهم منه وديه = أما على الود ولاّ أفراق بإحساني
أماأجتمعنا بدون أكذاب وهميه = ولايدور بدالي واحد ٍ ثاني
قصيدتي ياعلي رجواك سريه = بيني وبينك وبينه خدر الأعياني

اخوكم رجـــــــا العازمي العتيبي

وسلامتكم

آخر تعديل رجا الروقي1 يوم 20-Apr-2008 في 10:22 PM.

[معجب العتيبي]

صح لسانك يارجا

الله يعين قلبك

وننتظر الجديد

التوقيع

[رجا الروقي1]

المشاركة الأصلية كتبت بواسطة معجب العتيبي

صح لسانك يارجا

الله يعين قلبك

وننتظر الجديد

الاخ القدير : معجب العتيبي

صح بدنك

وتشرفت بمرورك الكريم

ولا عدمنا تواجدك الرائع

[الـذيب]

صح لسانك يالغالي ...

[رجا الروقي1]

صح بدنك

يالذيب

وسلمت يمناك على المرور الكريم

[رجا الروقي1]

وين الردود

يالهيلا


يهمنا رأيكم


؟؟؟؟؟؟؟؟؟؟؟؟؟؟؟؟؟؟؟

[مرزوق حمدان العتيبي]

..
.
صح لسانك يابن عاصي ..
. قصيده جزله من راس ٍ جزل ..
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[عبدالله الجـــذع]

بارك الله فيك

وصح لسانك قصيده رائعه.

محبك

,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[عبدالرحمن الهيلوم]

صح السانك يالغالي

[أبو نجر النفيعي]

..

الله الله

صح لسانك حتى ترضى يا رجا ..

قصيده جزله ورائعه ..



أخوك

التوقيع

.....