اذا قلنا نبي نصمل نحرر قدسنا المعهود = عسانا نوحي المذن صلات الفجر واذانه

[ولد ذايب]

اسعد الله اوقاتكم بكل خير
ابيات اضعها بين يديكم

آملاً ان تنال على رضاكم


مشاعر وطنيه
اترككم مع القصيده

عسى الله يحفظ الدوله تحت قيادة ال سعود = ويديم الامن لاهل الدين ويضفيه بامانه
ويرحم طيب المبدا عساه لجنة الخلود = ابو فيصل عوضنا فيه عند الله باخوانه
حما مكه من الاشرار يوم العابدين سجود = حما بيت الله اللي شرفه بالنور سبحانه
فزع لكويت جابر يوم شاف الحد فيه حشود = فزع بحسام ومهند وفرج كرب جيرانه
ماقال اصبر الين نشوف من وارد ومن مورود = ماقال اصبر الين يشوف ويش اراء اعيانه
يقول اركب على الدمام لو الخط فيه سدود = تريح واسترح مخدوم لاتشكي لي اهانه
وابو متعب ملكنا طيب الوقفات طيبه زود = عساه يطول عمره سيدي ويدوم عرفانه
وانا اعجز عن وصوفه سيدي لانه شبيه العود = شبيه ابوه في باسه شبيه ابوه في احسانه
صوتي هنا واضح ؟؟ لكن ماللشعر عندي فود = اذا ما ذكر به سلطان ليه نغني الحانه
كريم الوجه ما يحسب لفقر ولالنقص نقود = ماهوب اللي وضع حراس عند اجراس بيبانه
الا من جاله اللي من زمانه صايرن مضهود = يفك عنه الضيق مايمشي الين يسد ديانه
والا من جوه طلابه في رجالٍ عليه قيود = سعى لاعتاق نفسه ثم قام يبدل احزانه
وسلطان السعد سلطان ماللوصف فيه حدود = اذا به للكرم عنوان شف سلطان عنوانه
وانا ابلغ هل الارهاب بان مدخالهم مسدود = ترا قدامكم خدّام بيت الله واركانه
نشوف الزمرة الي فعلهم أخبث من اليهود = تراهم زمرة الافساد واهل الغدر خوانه
ترى سلك العفو يا ارهاب صاير بيننا مشدود = نصيحة لا انقطع ذا السلك ما لاعفائكم خانه
نبي منك الاشاره يا بومتعب في وطنك جنود = صناديد الرجال ابطال ماهم ناس جابانه
والا قام الطبل يضرب وثارت ريحت البارود = نجيك اسرع من البارود قبل يثور دخانه
نسوق ارواحنا للموت ما نبحث عن المفقود = تقول ارواحنا للموت تمشي غصب طربانه
والا يا هاجسي لا من دعيتك حضر الموجود = ابي قيفان كبر طويق واكبر منه ووزانه
رحل صدام ماقلنا علامه راحلن مجحود = وقفنا شهود كنا بوش والا بلير واعوانه
فلسطين الابيه نازفه والوضع صار يزود = وحنا الغرب يملكنا عشان الزيت بالوانه
ولو قلنا نبي نصمل نحرر قدسنا المعهود = عسانا نوحي المذن صلات الفجر واذانه
وعدد من طاف بالكعبه عباده لله المعبود = صلات الله على محمد وتسليمه ورضوانه

مع تحياتي وتقديري