قصيدة اخرى للشاعر شقير الجذع

[/عبد العزيز الجذع/]

	قلبي اللي كل ما قلت أظنـّـه يستريح = تله الهاجوس تلة مغادرت المطار أعلن الكبتن للإقلاع بلسان ٍ فصيح = ثم شلعها شلعة اللي جفل جول الطيار واكب الجول المواكب وصقـّـاره يصيح = وقام يبدي في طويل الرجوم مع القصار ايتنهت من غبونه وجايله فحيح = من غروب الشمس والجو غطاه الغبار والسبايب منك يا راعي الوصف المليح = بْـعدكم ليل ٍ بعيني وروياكم نهار ساعة ٍ فيها ماشوفك تقول إني طريح = مثل طرح المعركة قدم من يد العيار ولو كتمت اللي بقلبي قعد معيه يسيح = ما جداي ألاّ أصفق الكف الأيمن باليسار منك قلبي ياشقر الراس صوّان وقديح = كل ما يقدح براس القديح يشب نار بس أخفـّـي كل مابي وأنا قلبي جريح = جرح حب ٍ بين الأضلاع من فوق الستار والله إني منك يا صاحبي علم ٍ صحيح = أشتكي لك مير ما خذت له عين اعتبار تجرح القلب المولع وفي طبّـه شحيح = والسبايب عينك اللي لها الفكر استدار إن ذكرتك من غرامك قعدت آقف واطيح = وإن حكي لي في مجالك عليك الدم فار فار لك بالحب دمي من القلب النصيح = ولو ليالي خيرتني تخيرتك خيار أنت فيك من العسل ذوق ومن المسك ريح = وفيك ريح العود الأزرق وريح من البهار وأنت خدك مثل برق الحيا يلمح لميح = وأنت في عينك تواصيف لعيون الحرار وأنت لولا الجسم يفرق مع اللبس المليح = صرت ظبي ٍ كل ما يسمع الصوت استدار ما يبيحك خالق الناس لو تا تستبيح = وأنت تبنَ الذنب فوقك مثل بنيَ الجدار مذنب ٍ فالناس ياللي على متنك سريح = يوم تذلق روسها كنه أذيال المهار

[محب الهيلا]

صح لسان الشاعر

ويعطيك العافية

[/عبد العزيز الجذع/]

الله يعافيـــكــ



ومـــشـــكور على المــرور

[محمد العتيبي]

عبدالعزيز الجذع بارك الله فيك يالغالي
على الجهود الطيبه ..
وتم اضافة القصيده لديوان الشاعر المثبت
بأعلى القسم ..
...

التوقيع

للتواصل عبر twitter تويتر al_bargawy@

[/عبد العزيز الجذع/]

بيض الله وجهك...

ومشكوور على المرور

[عبدالله الجـــذع]

مشكور ياعبدالعزيز,

صح لسان ابوجمال..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[/عبد العزيز الجذع/]

مشكوور على المرور..